Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Rɔmfuɛ Mun 3:22 - Nyanmien nde Ufle

22 Nyanmien bu bé kwlaa nga bé lafi Jésus-Christ su'n bé swran kpa, afin i nyrun swran fi kpa tra'a wié.

အခန်းကိုကြည့်ပါ။ ကော်ပီ

NYANMIƐN NDƐ'N 1998

22 Nyanmiɛn bu be kwlaa nga be lafi Jésus-Krist su'n be sran kpa, afin i nyrun'n, sran fi kpa tra-man wie.

အခန်းကိုကြည့်ပါ။ ကော်ပီ




Rɔmfuɛ Mun 3:22
30 ပူးပေါင်းရင်းမြစ်များ  

Sannge i si séé i swran'm bé ke: Anh fa trale klaan kpafue'n bla ndende fa wle i wun, anh fa sama ti nga kun wle i sa, ye anh wle i ngbabua.


Nyanmien Wawe'n sé n ke min nin bé o, nanh m bu i sin akunndan lélé. Aniaan nsien nga bé ô ye'n bé ye bé kô sunmaan min Césarée lo Corneille awlô loo.


Wa bu'a é kpa tra'a bé, afin Jésus su bo bé lafi'n ti, Nyanmien man bé wun sa'n kwlaa wiéli.


Jésus dunman nun o nin i su bo é lafi'n ye man bian nga an sii b'o dyin ye'n, o nyaan fanngaan. Jésus su bo é lafi'n ti ye man o kwla nantili amun kwlaa amun nyrun wa nion.


Dyasin fe so'n ye o klé é wafa nga Nyanmien fa bu swran swran kpa nion, i so'n fin swran i Nyanmien su b'o lafi'n, ye kusu o man swran lafi Nyanmien su kpa, afin bé klee ke: «Swran ng'o lafi Nyanmien su b'o man o katyi swran kpa'n, oh nyanh nguan.»


Yele ke o le'a Juif, o le'a Grec, bé kwlaa bé Min'n ti kun, o fe i ninngé kpakpa'n man bé kwlaa nga bé bô flee'n,


Afin bé kwlaa nga bé lafi Christ su'n, wa nunnun mmla i su fale wafa nga bé bu i ke se bé yô so'n ye béh yôh swran kpa'n.


I so'n ti, amun kwlaa bo an bu swran fo'n, an le'a nde fi. Afin ke an bu swran fo bo an yô sa kunngba nga swran so'n yô'n, an bu amun bobo amun wun fo.


afin Nyanmien kunngba'n ye o bu bé nga bé lafi i su'n bé swran kpaa, se bé wlaa bé klen ô, se ba wla'a bé klen ô.


I so'n ti, liké nga Nyanmien waan oh fah man bé'n, o fa man bé i su bo bé lafi'n nin yé dan b'o yô bé'n ti, o man sa nga Nyanmien séé ke oh yôh'n, san oh yôh man Abraham anunman'm bé kwlaa. O tié i anunman nga bé di mmla'n su'n bé ngunmin bé lie, sannge o ti i anunman nga bé lafi Nyanmien su ke i b'o ti é kwlaa é nannan'n i lie'n sa'n, bé lie wié.


O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.


?O man éh séh se? Bé bo ti'a Juif bo ba kunnde'a ke Nyanmien bu bé swran kpa'n, Nyanmien buu bé swran kpa i su bo bé lafili'n ti.


Afin Nyanmien fe i Wawe'n yôô é baptême, se Juif ô, Grec ô, kanga ô, diéwa ô, o man é kwlaa ya katyi swran wunmuan, ye i Wawe'n ti é kwlaa é lie.


?Wan ye o sé o ke a ti kpa tro o wiénguo? ?Nzu ye a le bo nanh Nyanmien ye o maan oo? ?Se i ye o maan wo'n, nzu ti ye a fa di o nuan ke o bobo o sa ti liké sa nion?


Kannze é ti so'n, é si ke Nyanmien bu'a swran fi swran kpa mmla'n b'o fa su'n ti, san Christ-Jésus su bo swran lafi'n ti ye man Nyanmien bui swran kpaa. É kusu, ke o kô yô nan Nyanmien a bu é swran kpa Christ bo é lafi su'n ti, nan wa yô'a ke mmla'n bo é fa su'n ti ye o bu é swran kpa'n, i ti ye é lafii Christ-Jésus suo. Afin Nyanmien su bu'a swran fi swran kpa mmla'n b'o fa su'n ti.


o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.


Sannge é kenngen Nyanmien Nde nga bé kleli'n nun ke, sa te'n ti menmenfue'n kwlaa bé nzuen. O yô so nan liké nga Nyanmien waan oh yôh man swran'n, bé nga bé fa nde so'n su'n bé nyen Jésus-Christ bo bé lafi i su'n ti.


O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.


Swran wunmuan bo é nin i a katyi, nin i su bo é lafi'n ti, é kwla ko Nyanmien wun lo, é klun ti'a é kaan sa.


I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.


Ke o yôô so'n, o man Nyanmien Nde nga bé kleli'n o kpeen su, bé klee ke: «Abraham lafii Nyanmien su, o man i su b'o lafi'n ti, o bulii swran kpa.» Ye Nyanmien flelii i dyanvue.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ