Rɔmfuɛ Mun 3:21 - Nyanmien nde Ufle

²¹ Sannge sien'n Nyanmien klé é wafa ng'o fa bu swran swran kpa'n, b'o fi'an mmla'n nun'n, afin bé klee mmla'n nun ye Nyanmien nuan idyofue'm bé ken i nde ke,

NYANMIƐN NDƐ'N 1998

²¹ Sanngɛ siɛn'n, Nyanmiɛn kle ye wafa ng'ɔ fa bu sran sran kpa'n, b'ɔ fin-man mmla'n nun'n, afin be klɛli i mmla'n nun yɛ Nyanmiɛn nuan ijɔfuɛ'm be kɛn i ndɛ kɛ,

Rɔmfuɛ Mun 3:21 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 24:44

I sin o sé bé ke: Nde nga ye ke min nin amun te ô le'n n kan kléé amun nion, ke min wun nde kwlaa nga bé klee Moïse mmla'n nun'n, o nin Nyanmien nuan idyofue'm bé nde'n nun'n, nin psaume'm bé nun'n san oh kpenh su.

Jean 1:45

Philippe kô tôô Nathanaël, o sé i ke: Ya wun swran nga é kenngen i nde Moïse mmla fluwa'n nin Nyanmien nuan idyofue'm bé lie'n nun'n, yele Jésus b'o fin Nazareth, Joseph wa'n.

Sa nga bé yôli'n 10:43

Nyanmien nuan idyofue'n kwlaa bé keen i nde ke swran kwlaa ng'o lafi i su'n, i dunman nun Nyanmien yatyih i wun sa'n tyee.

Sa nga bé yôli'n 15:11

Nanh man é yô so, afin é bu i ke é Min Jésus i yé dan b'o yô yé'n bo i ti ye é fitéé nun'n, i kunngba'n ti ye bé fitéé nun wiéo.

Sa nga bé yôli'n 26:22

Sannge Nyanmien b'o dyran n sin'n ti ye man man tran lélé wa dyu ndeo, n kan nde klé swran ngbléwa mun, nin bé nga bé le'a nyrun'n. Sa bo Nyanmien nuan idyofue'm bé nin Moïse bé séé ke o wa yô'n man ka'an nde ufle fi a uka'a su, sen i kunngba tye ye n kaan.

Sa nga bé yôli'n 28:23

Bé kléé Paul tyen kun, ye bé sunman bé wa tôé i sikéwle le. Ke oh yiyih nde so'n nun'n, o kan Nyanmien siéle nde'n klé bé, ye o fa Moïse mmla'n nin Nyanmien nuan idyofue'm bé nde'n klé bé wéiin kpa ke Jésus nde'n ti nanwle. O yôô i so nglemun lélé fa dyu nnosua.

Rɔmfuɛ Mun 1:17

Dyasin fe so'n ye o klé é wafa nga Nyanmien fa bu swran swran kpa nion, i so'n fin swran i Nyanmien su b'o lafi'n, ye kusu o man swran lafi Nyanmien su kpa, afin bé klee ke: «Swran ng'o lafi Nyanmien su b'o man o katyi swran kpa'n, oh nyanh nguan.»

Rɔmfuɛ Mun 1:2

b'o man i nuan idyofue'm bé ken i nde laa Nyanmien Nde nga bé kleli'n nun'n.

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 3:28

Afin é bu i ke, nanh mmla'n bo swran fa su'n ti ye Nyanmien bui swran kpaa, sannge i su b'o lafi'n ti ye o bui swran kpaa.

Rɔmfuɛ Mun 5:19

Ke swran kun i nyin kéklé'n ti o man swran kpanngban bé katyii sa te yôfue'n, swran kun kusu i ainyie'n ti, o man swran kpanngban béh katyih swran kpa.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 9:30

?O man éh séh se? Bé bo ti'a Juif bo ba kunnde'a ke Nyanmien bu bé swran kpa'n, Nyanmien buu bé swran kpa i su bo bé lafili'n ti.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

2 Korɛntfuɛ Mun 3:9

Se liké nga bé yôo o man bé bu swran fo'n, o le nyrun dan so'n, liké nga kusu bo bé yôo o man Nyanmien bu swran swran kpa'n, o le nyrun tre fatifati.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 3:8

Ye bé bôô su Nyanmien Nde nga bé kleli'n nun ke, tyen wié bé nga bé ti'a Juif bo bé lafi Nyanmien su'n, oh buh bé swran kpa, o man o bôô nde fe so'n su kléé Abraham, o sé ke: «O ti, nh yôh nvlénvlé'n kwlaa bé yé.»

Galasifuɛ Mun 5:5

É lie'n, é wla ô Nyanmien su kpa ke oh buh é swran kpa i su bo i Wawe'n man é lafi'n ti, é minnde ke o yô é so.

1 Piɛr 1:10

Nyanmien nuan idyofue bo bé kaan yé dan nga Nyanmien wa yô amun'n i nde'n, bé bobo bé buu ti nyanle wafa so'n i akunndan kpa, bé kunnde ke béh wunh i wle wéiin kpa.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.