Rɔmfuɛ Mun 3:2 - Nyanmien nde Ufle

² Liké'n kwlaa nun nga bé nyen'n tra swran wié'm bé lie'n. Afin bé ye Nyanmien fe i nde'n maan béo.

NYANMIƐN NDƐ'N 1998

² Like'n kwlaa nun, nga be nyɛn i'n tra sran wie'm be liɛ'n. Afin be yɛ Nyanmiɛn fɛ i ndɛ'n mannin be-ɔ.

Rɔmfuɛ Mun 3:2 ပူးပေါင်းရင်းမြစ်များ

Jean 5:39

An suan Nyanmien Nde nga bé kleli'n, afin an bu ke i nun ye amunh nyanh anannganman nguan nion, ye nde so'n bé kan min nde.

Sa nga bé yôli'n 7:38

I ye ke é nannan'm bé yiaa blô lo'n, o kan nde nga ange'n kan klélii Sinaï Ôka'n su lo'n kléé bé nion. Ye Nyanmien meen nde bo lélé nde bé te di su, ke o kan klé amun.

Rɔmfuɛ Mun 1:2

b'o man i nuan idyofue'm bé ken i nde laa Nyanmien Nde nga bé kleli'n nun'n.

Rɔmfuɛ Mun 2:18

an si sa ng'o yô Nyanmien fe'n, mmla'n nun an wun sa ng'o ti kpa'n,

Rɔmfuɛ Mun 3:1

?Se o ti so'n, ke bé sé ke bé ti Juif'n, nzu liké ye bé nyen b'o tra swran wié'm bé lie nion? ?Ye nzu liké ye bé nyen klen wlale'n nuon?

Rɔmfuɛ Mun 3:3

?O man é sé se? ?Se swran wié'm bé lafi'a Nyanmien su'n, i su bo bé lafiman'n ti, o man i nanwlefue b'o ti'n o katyi?

Rɔmfuɛ Mun 9:4

Bé ti Israëlfue, Nyanmien Kpli'n man bé katyii i wa, o nin bé trannin, o kléé bé liké ng'o sé ke oh yôh man bé'n, o fe i mmla'n maan bé, o kléé bé i sole wafa'n nin liké nga o wa yô'n.

1 Korɛntfuɛ Mun 9:17

Se m bobo min ye n kô kunnde dyunman so'n ke nh dih'n, wuun béh tuah n kale, sannge ke nanh m bobo ye n kunnde ke nh dih'n, o ti ke dyunman bo ba sre n ke n di sa.

2 Korɛntfuɛ Mun 5:19

Nyanmien nin Christ bé swran kun bo bé ti'n ti, wa nia'an sa nga swran'm bé yôli'n ti, o yôli man menmenfue'n kwlaa bé nin i bé afien a se. Ye o fa afien siésiéle nde so'n wlaa é sa nun.

Galasifuɛ Mun 2:7

Sannge bé wuun ke Nyanmien siéé n ke n kan dyasin fe'n klé bé nga bé wla'a klen'n, ke o siéé Pierre ke o kan klé bé nga bé wla klen mun'n sa.

1 Timote 6:20

Timothée, fa sa nga bé kan kléé wo'n su kpa. Nanh sié o su nde ngbenngben b'o nin Nyanmien nde'n ti'a kun'n, nin akplôwa nga bé bo bé bu bé wun ke bé si sa'n bé si'n bé su.

Hébreu 5:12

Amuan tye, amuan dyu swran ufle'm bé liké kléle, sannge kusu an te kunnde ke bé fa Nyanmien nde'n i bôbôle'n klé amun ékun. Amuan yô swran b'o nin nyonflen nonle fata, an kwla di'a lie.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

Sa nglô yile 19:10

Ye n wutuu min nyin asé i bô le ke mh menmenh, sannge o sé n ke: Nanh yô so! N ti wo nin o niaan kwlaa nga bé fa nde nanwle nga Jésus yii nglô'n su'n, amun wiéngu dyunman difue. Kôtô Nyanmien bô menmen! Nde nanwle nga Jésus yii nglô'n ye man Nyanmien nuan idyofue'm bé ken i nde nion.

Sa nglô yile 22:6

Ange'n sé n ke: Nde so'm bé ti nanwle, bé kwla fa su. É Min Nyanmien b'o fe i Wawe'n men i nuan idyofue mun'n, o sunmeen i ange'n ke o wa kan sa ng'o wa dyu ityra'n klé i swran mun.