Rɔmfuɛ Mun 2:9 - Nyanmien nde Ufle

⁹ Bé kwlaa nga bé yô sa tete'n, yale kléle'n toh bé su, béh wunh nyrennen dan, Juif mun ye bé ti kliklio, i sin bé nga mun.

NYANMIƐN NDƐ'N 1998

⁹ Be kwlaa nga be yo sa tɛtɛ'n, yalɛ klelɛ'n ´tɔ be su, yɛ be ´wun nyrɛnnɛn dan, Zuif'm be yɛ be ti i klikli-ɔ, i sin be nga mun.

Rɔmfuɛ Mun 2:9 ပူးပေါင်းရင်းမြစ်များ

Matthieu 16:26

?Se swran kun nyan men wunmuan'n, nan i ti i nguan'n kpe sin'n, nzu ye o yô yé men io? ?Ye nzu liké ye swran kun kwla fa tô i nguan nion?

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

Sa nga bé yôli'n 11:18

Ke bé tii nde so'n, o man bé too nun, ye bé yi Nyanmien aye, bé sé ke: Se o ti so'n, wuun Nyanmien man bé bo bé ti'a Juif'n bé kusu ba katyi bé nzuen'n nan bé nyan nguan wié.

Sa nga bé yôli'n 13:26

Nnya mun, amun bo an ti Abraham anunman'n, o nin amun nga an srô Nyanmien'n, é ye bé fa ti déle nde nga blee yéo.

Sa nga bé yôli'n 20:21

N kan kléé Juif nin Grec mun ke bé yatyi nyin kéklé yôle'n Nyanmien su nan bé nyin yii, ye bé lafi é Min Jésus su.

Sa nga bé yôli'n 26:20

N dun mmua kan nde kléé Damasfue mun, i sin Jérusalemfue mun, ye Judée men wunmuan'n nun, ye bé nga bé ti'a Juif'n ke bé katyi bé nzuen'n, nan bé sa bé sin Nyanmien wun, ye bé yô sa b'o klé ke ba katyi bé nzuen'n.

Sa nga bé yôli'n 28:17

I lé nnan su, Paul fleflee Juif kpenngben mun, ke bé ti yiali'n, o sé bé ke: nnya mun, man yô'a Juif'm bé sa fi, man yô'a sa fi b'o satyi é nannan'm bé dunmaan, sannge bé wlaa m bisua Jérusalem lo, nan ba fa min a ble Romefue mun.

Sa nga bé yôli'n 28:28

I so'n ti, man amun si ke Nyanmien i swran'm bé ti déle nga bé fa man bé bo bé ti'a Juif'n, bé lie'n, bé wa fa su.

Sa nga bé yôli'n 3:26

Ke Nyanmien fe i swran'n siélii so'n, amun sin ye o sunmeen kliklio, ke o yô amun yé, nan amun kwlaklwaklwa an yatyi amun nzuen tete'n.

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 10:12

Yele ke o le'a Juif, o le'a Grec, bé kwlaa bé Min'n ti kun, o fe i ninngé kpakpa'n man bé kwlaa nga bé bô flee'n,

Rɔmfuɛ Mun 2:10

Sannge bé kwlaa nga bé yô kpa'n, Nyanmien man béh nyanh nyrun, béh buh bé swran, ye béh dih aladyé, Juif mun ye bé ti kliklio, i sin bé nga mun.

Rɔmfuɛ Mun 8:35

?Klôle nga Christ fa klô yé'n, nzu liké ye man i nyin kwla tu é suo? se nyrennen ô, mianle ô, yale kléle ô, awé ô, se é wun kplen ô, se é dyin wié nuan ô, se béh kunh é ô.

Rɔmfuɛ Mun 9:24

É b'o fleli yé'n, nanh é Juif mun é ngunmin ye o flee yéo, sannge bé nga bé ti'a Juif'n bé ô nun wié.

Galasifuɛ Mun 3:28

O man o le'a Juif nin Grec, o le'a kanga nin diéwa, o le'a yasua nin bla, afin amun kwlaa an ti kun, swran wunmuan bo amun nin Christ-Jésus amuan katyi'n ti.

Kolɔsfuɛ Mun 3:11

I so'n ti, o le'a ke wié ti Grec, wié ti Juif, bé wlaa wié klen, b'a wla'a wié klen, wié'm bé nyin nian timan, wié ti Scythe sinnglinfue, wié ti kanga, wié ti diéwa, sannge Christ ti bé liké kwlaa, ye o tran bé kwlaa bé awlen'n nun.

2 Tɛsalonikfuɛ Mun 1:6

Nanwle, Nyanmien wa yô sa ng'o ti su'n, oh kléh bé nga bé klé amun nyrennen'n bé nyrennen wié,

1 Piɛr 4:17

Tyen nga béh bôh dyole dile'n bô'n wa dyu, béh bôh i bô Nyanmien bobo i awlô'n nun. ?Se é su ye béh bôh i bô'n, bé nga ba fa'a Nyanmien dyasin fe'n su'n, bé lie'n yôh se?