Rɔmfuɛ Mun 2:8 - Nyanmien nde Ufle

⁸ Bé nga kusu bo bé bu bé bobo bé wun akunndan, bo bé bu'a swran ufle akunndan, bo bé fa'a nanwle nde'n su, bo sa te'n ye bé klôé'n, oh fah bé wun ya dan i awlen bo bé fite'n ti.

NYANMIƐN NDƐ'N 1998

⁸ Be nga kusu bɔ be bu be bɔbɔ be wun akunndan'n, bɔ be bu-man sran uflɛ akunndan'n, bɔ be fa-man nanwlɛ ndɛ'n su'n, bɔ sa tɛ'n yɛ be klo i'n, ɔ ´fa be wun ya dan i anwlɛn su bɔ be fita'n ti.

Rɔmfuɛ Mun 2:8 ပူးပေါင်းရင်းမြစ်များ

Rɔmfuɛ Mun 1:18

Srôle bo swran srô'a Nyanmien'n nin sa tete'n kwlaa b'o yô'n ti, Nyanmien klé é ke i ya'n wa dyasô. Bé sa tete yôle so'n ti, o man swran'm bé wu'an Nyanmien nde'n i nanwle.

Rɔmfuɛ Mun 10:16

Sannge bé ngba ba fa'a dyasin fe so'n su. Ésaïe ken ékun ke: «?Nannan, wan ye o lafi nde nga é kannin'n suo?»

Rɔmfuɛ Mun 15:18

N le'a nde fi n kanman, san nde nga Christ man n kan klé bé b'o man bé nyin ye Nyanmien'n,

Rɔmfuɛ Mun 6:17

Nh yôh Nyanmien Kpli kwla ô, afin laa sa te'n ti amun nzuen, sannge sien'n amuan fa nde nanwle nga bé kléé amun'n su kpa.

Rɔmfuɛ Mun 9:22

?Ye Nyanmien kusu yô'a swran mun ke se ufue'n yô i se mun'n sa? ?Se o klô ke swran'm bé si ke wa fa bé wun ya, ye o kwla sa kwlaa yô'n, ye se bé nga bé kun i ya bo bé nin kunle fata'n, o blu su'n, o kwla yô'e so?

1 Korɛntfuɛ Mun 11:16

Nde nga n ken ye'n, se swran nga i waan oh sih i akplôwa'n, mon o si ke é nin Nyanmien i asonunfue mun é le'e i wafa ufle bo é yôo.

2 Korɛntfuɛ Mun 12:20

Sre kun min ke, ke n kô dyu amun wun lo'n, n su wu'an amun ke nga m bu i akunndan ke nh wunh amun su'n sa, ye n kusu an su wu'an min ke nga an bu i akunndan ke amunh wunh min su'n sa. Sre kun min ékun ke, ke n dyu lo'n, nh wunh ke amun wié'm bé di utré, wié nyin tyi i wiéngu, wié fa ya, wié si akplôwa, wié kan swran wun nde, wié bla, wié tu i wun, wié kpe sae.

Galasifuɛ Mun 5:20

amuen sole, baé dile, swran kpole, nin utré. Bé nyin tyi bé wiéngu, bé fa ya, bé bô ti'a kun, bé bubu bé wun nun,

Filipfuɛ Mun 1:17

Sannge bé nga'm bé bu bé bobo bé wun akunndan ye bé kan Christ nde nion, bé klun akunndan'n ti'a kpa, bé waan béh yôéh so nan n wun min nyrun tra su bisua'n nun wa.

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

2 Tɛsalonikfuɛ Mun 1:8

Oh bah sin b'o dyué'n nun nan oh tuh bé nga bé si'a Nyanmien'n nin bé nga bé fe'e i dyasin fe'n su'n bé fo.

Tite 3:9

Sannge nanh fo o wun wla sinnzin akplôwa sile'n, nin bé nannannannan'm bé ôsu finwle i kunndele'n, nin utré, nin mmla'n su akplôwa sile'n bé nun. Bé ti liké ngben b'o yô'a sa fi yé.

Hébreu 10:27

Liké ng'o ka'n b'o yô é srô'n yele fo nga Nyanmien wa bu i kpofue mun'n, nin sin srôésrôé b'o wa yra bé'n.

Hébreu 11:8

Nyanmien su bo Abraham lafi'n ti, ke o flelii ke o o nvlé nga i waan oh fah men'n nun'n, i nyin yilii, o si'a lika ng'o ko'n, sannge o oli.

Hébreu 5:9

Ke o yôô swran wafa nga Nyanmien klô ke o yô'n, o man bé kwlaa nga bé nyin yii'n, béh nyanh bé ti mlonmlon,

Jacques 3:14

Sannge se amun klunwi'n ti amun nyin tyi swran, an bu amun bobo amun wun akunndan'n, nanh an fa amun ngwlele'n di amun nuan, nanh an fa nanwle katyi atô.

Jacques 3:16

Afin lika nga bé nyin tyi swran bo bé bu bé bobo bé wun akunndan le'n, sa sukusuku'n nin sa tete'n kwlaa ô le.

1 Piɛr 3:1

Mmô mun, amun kusu anh bu amun wun'm bé swran, nanh an fa amun nyin wlawla bé. I lie'n se bé nun wié'm bé fa'a Nyanmien nde'n su'n, ke bé wun amun nzuen kpa'n nin swran bo an bu bé'n, an su ka'an nde fi nan ba katyi.

1 Piɛr 4:17

Tyen nga béh bôh dyole dile'n bô'n wa dyu, béh bôh i bô Nyanmien bobo i awlô'n nun. ?Se é su ye béh bôh i bô'n, bé nga ba fa'a Nyanmien dyasin fe'n su'n, bé lie'n yôh se?

Sa nglô yile 14:10

oh nonh Nyanmien i nzan muen b'o fa gue i ya klôwa'n nun'n wié. Nzan so'n yele Nyanmien i ya'n b'o fa'n. Bé kwlaa nga bé yô so'n, béh kléh bé nyrennen sin bo soufre (*f26*) ô nun'n nun, Nyanmien i ange nin Gua Gbanflen'n bé nyrun le.

Sa nglô yile 16:19

Klo dan'n bubuu nun nsan. Ye menmen'n kwlaa bé klo'm bé satyili. Nyanmien wla a fi'a Babylone klo dan'n su, o man o noon nzan b'o ô i klôwa'n nun'n. Nzan so'n yele i ya dan'n.