Rɔmfuɛ Mun 2:7 - Nyanmien nde Ufle

⁷ Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

NYANMIƐN NDƐ'N 1998

⁷ Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 2:7 ပူးပေါင်းရင်းမြစ်များ

Matthieu 25:46

Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

JÉSUS-CHRIST I DYASIN FE'N BO LUC KLELI'N 21:19

Se an tra amun awlen'n, amunh nyanh amun ti.

JÉSUS-CHRIST I DYASIN FE'N BO LUC KLELI'N 8:15

Nga kusu b'o gua asie kpafue'n su'n, yele bé nga bé sié bé su Nyanmien nde'n su bé ti, bé wun i wle, bé fa su kpa'n. Bé ye bé ti awié b'o yôô kpa nion.

Jean 4:36

Ba bô awié kpefue'n i kale tuale'n bô, ke oh tienh i nuan minnde anannganman nguan'n nan swran ng'o gua wié'n nin i kpefue'n bé nnyon'n bé klun dyo.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Rɔmfuɛ Mun 2:10

Sannge bé kwlaa nga bé yô kpa'n, Nyanmien man béh nyanh nyrun, béh buh bé swran, ye béh dih aladyé, Juif mun ye bé ti kliklio, i sin bé nga mun.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

Rɔmfuɛ Mun 8:18

Ke m bu anyrunnyan liké nga Nyanmien wa yi i nglô klé yé'n i akunndan'n, m bu'a nyrennen nga é wuin nde'n, i liké fi.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

1 Korɛntfuɛ Mun 15:42

Ke swran'm bé tyenle'n o wa yô soo, ke béh wlah bé wunnen'n i asé'n, o kwla kplo, ke Nyanmien kô tyeen'n, o kwla kplo'a kun.

1 Korɛntfuɛ Mun 15:50

Aniaan mun, n sé ke yiô, swran wunnen b'o ô ye'n o kwla fa yô'a Nyanmien men nun lofue, i kunngba'n, liké ng'o kplo'n, o kwla katyi'a liké b'o kploman'n.

1 Korɛntfuɛ Mun 15:58

I so'n ti, n niaan kpa mun, anh dyran kéklé, nanh amun wun usu amun, anh di é Min'n i dyunman'n kpa o amun nyrun tititi. Man an si kpa ke liké nga é yô man é Min'n, o su ka'a ngben.

Galasifuɛ Mun 6:9

Nanh man é sa sin bubu é sa kpa yôle'n nun, afin se ya feman'n, tyen wié éh nyenh i nuan liké.

Efɛzfuɛ Mun 6:24

Ye é Si Nyanmien man bé kwlaa nga bé klô é Min Jésus-Christ lélé gue i ti nin i bô'n bé nyan yé.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

1 Timote 1:17

Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

2 Timote 1:10

É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

Hébreu 2:7

A yôli man ange'm bé kpa'n trelii lé nnyon kun, A siéé famien man o nyan nyrun, bé menmen,

Hébreu 6:12

É klô'a ke an yô nveefue, sannge an nian bé nga bé lafi Nyanmien su, bé tra bé awlen b'o man bé nyan liké nga i waan oh fah man bé'n, bé lie'n su yô.

Hébreu 6:15

O men i so'n ti, ke Abraham tre i awlen lélé'n, o nyaan liké nga Nyanmien séé ke oh menh'n.

1 Jean 2:25

Anh nian liké nga Christ waan oh fah man yé'n, yele anannganman nguan'n.