Rɔmfuɛ Mun 2:5 - Nyanmien nde Ufle

⁵ Amun nyin kéklé'n nin sa nga an yôli bo an yatyi'e i yôle'n, Nyanmien bu sié, o man oh fah amun wun ya kpa tyen nga i ya'n dyaô, bo éh wunh ke o di dyole nanwle su'n,

NYANMIƐN NDƐ'N 1998

⁵ Amún nyin kekle'n nin sa nga an yoli bɔ an yaci-mɛn i yolɛ'n, Nyanmiɛn bu sie. Ɔ man cɛn nga i ya'n jao bɔ e ´wun kɛ ɔ di jɔlɛ nanwlɛ su, ɔ ´fa amun wun ya kpa,

Rɔmfuɛ Mun 2:5 ပူးပေါင်းရင်းမြစ်များ

Rɔmfuɛ Mun 1:18

Srôle bo swran srô'a Nyanmien'n nin sa tete'n kwlaa b'o yô'n ti, Nyanmien klé é ke i ya'n wa dyasô. Bé sa tete yôle so'n ti, o man swran'm bé wu'an Nyanmien nde'n i nanwle.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 9:22

?Ye Nyanmien kusu yô'a swran mun ke se ufue'n yô i se mun'n sa? ?Se o klô ke swran'm bé si ke wa fa bé wun ya, ye o kwla sa kwlaa yô'n, ye se bé nga bé kun i ya bo bé nin kunle fata'n, o blu su'n, o kwla yô'e so?

2 Korɛntfuɛ Mun 5:10

Afin wafa kwlaa nga é ti'n, béh fah é ko Christ dyasu, nan swran kun ke o ô wa'n i liké ng'o yôli'n, se o ti kpa ô, se o ti te ô, o nyen i nuan liké.

2 Tɛsalonikfuɛ Mun 1:5

I so'n klé é wéiin kpa ke Nyanmien yô sa i nuan su. O man oh buh amun ke amun nin i famien dile'n wié fata, afin i ti ye an wun nyrennen nion.

Hébreu 3:13

Sannge ke o yô nan ba laka'a amun nun wié nan wa yô'a sa te wa kétéman'n, anh tu amun wun fo tyen'n kwlaa bo bé te sé ke: Ndeken'n.

Hébreu 3:15

É te kanngan Nyanmien Nde nga bé kleli'n nun ke: «Se ndeken an ti nde nga Nyanmien kan'n, Nanh an yô nyin kéklé i su ke i nun nga swran'm bé dyaô i wun bé yôli'n sa.»

Hébreu 4:7

I so'n ti ye Nyanmien sié tyen ufle kun ékun ke: Ndeken. Ke o siéé tyen so'n b'o tye lélé'n, o man David ken i nde bo é keen i nde ityra'n ke: «Se ndeken an ti nde nga Nyanmien kan'n, Nanh an yô nyin kéklé i su.»

Jacques 5:3

Amun sika okwle'n nin amun dyete ufué'm ba dun, i dunle so'n oh yiyih amun bô, oh yrah amun ke sin sa. Men nga ya dyu i bué nuan ye'n, amuan tian amun ninngé'm bé nuan!

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

2 Piɛr 3:7

Nyanmien kunngba'n ye o séé ékun ke, man bé sié nyanmien su lo'n nin asie nga bé ô le nde'n bé le, nan sin di bé. Béh siéh bé le lélé fa dyu tyen nga béh buh swran nga bé srô'a Nyanmien'n bé fo, bo béh satyih bé'n.

Jude 1:6

Ye nh kanh klé amun ékun ke, ange nga ba tra'an dyunman nga Nyanmien sié bé su'n i su, bo bé yatyi bé lika'n, Nyanmien tyi bé guaa aôsin tuun kpa'n nun, o su nyanndyi'a bé mlonmlon, nan se i dyole dile tyen dan'n dyuo wa di bé nde'n.

Sa nglô yile 2:21

N yatyii i le kaan ke o katyi i nzuen'n, sannge o yatyi'e i téklé bôle'n.

Sa nglô yile 6:17

Afin tyen dan nga bé ya'n dyaô dan'n wa dyu. ?Wan ye oh kwlah dyran bé nyruon?