Rɔmfuɛ Mun 2:4 - Nyanmien nde Ufle

⁴ Nyanmien ti aklunyéfue dan kpa, o kpli'a sa wun, o kpli'a sa wun, o blu sa su. ?O nin i so'n ngba, an bu'e liké fi? ?An si'a ke Nyanmien yô kpa nan an katyi amun nzuen'n?

NYANMIƐN NDƐ'N 1998

⁴ Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Rɔmfuɛ Mun 2:4 ပူးပေါင်းရင်းမြစ်များ

Rɔmfuɛ Mun 10:12

Yele ke o le'a Juif, o le'a Grec, bé kwlaa bé Min'n ti kun, o fe i ninngé kpakpa'n man bé kwlaa nga bé bô flee'n,

Rɔmfuɛ Mun 11:22

I so'n ti, nian, Nyanmien ti kpa, ye kusu nde ng'o kan'n o le'a katyiwle. Ke a nien i bué kun'n a wun ke nde ng'o kan klé bé nga ba nia'an bé lika'n su kpa'n o le'a katyiwle, ye ke a nien i bué kun ékun'n a wun ke, se a yô ke o yô o kpa'n, oh yôh o kpa. Se a yô'e i so'n, oh kpeh o yi.

Rɔmfuɛ Mun 11:33

Iii, Nyanmien ti anyanbéunfue ô! O si ngwlele ô! O si sa'n kwlakwla kpa! ?Wan ye o si i klun lo akunndaan? ?Wan ye o wun sa ng'o yô bé'n bé wleo? Afin,

Rɔmfuɛ Mun 3:25

Ke o yô nan ya si ke Nyanmien ti kpa'n, o fa Jésus maan é ke é fa yi é ti te, nan ke bé kô kuin'n, bé bo bé lafi i su'n, sa te nga bé yôli'n, Nyanmien yatyi tye bé i mmôdya'n ti. Afin laa sa nga bé yôlii'n, o blu su.

Rɔmfuɛ Mun 6:1

?O man é sé se? ?É ka sa tete yôle'n su nan Nyanmien i aklunyé'n i nyin fité dan?

Rɔmfuɛ Mun 6:15

?Se o ti so'n, éh yôéh se? ?Ke Nyanmien dyra'an mmla'n su ye o sié é, b'o yô é yé titi'n, i so'n ti, éh yôh sa te? É su yô'e i so mlonmlon?

2 Korɛntfuɛ Mun 8:2

Sa ng'o toli lofue'm bé su'n o man bé wuun nyrennen kpa. Bé ti yalefue, sannge bé klun b'o dyo dan'n ti, bé yô aklunyé kpa.

Efɛzfuɛ Mun 1:18

N sre i ékun ke o man an wun sa wle wéiin kpa nan an si liké nga é nyin ô i sin'n, flele b'o flee yé'n ti. Ye an si ke i swran'm bé anyanbéun'n oh yôh dan, afin liké nga i waan oh fah man bé'n o ti liké kpa sakpa.

Efɛzfuɛ Mun 1:7

Ke Christ wuli bo i mmôdya'n guali'n ti, Nyanmien déli é ti, o yatyi sa nga é yôlii'n tyee é. I so'n nun é wun yé dan nga o yôô é

Efɛzfuɛ Mun 2:4

Sannge Nyanmien ti aunnvue sifue dan, o man ke é te ti ke swran bo wa wu sa i nyrun'n, klôle b'o fa klô yé'n ti, o maan é nin Christ é nguan. Yé bo Nyanmien yôô amun'n ti o man amuan nyan amun ti.

Efɛzfuɛ Mun 2:7

nan ble ng'o ba lo'n nun, ke oh yih i kpa b'o yôli é Christ-Jésus ti'n, i nglô'n, béh wunh ke i yé b'o yôô yé'n i dan'n le'a wunsu.

Efɛzfuɛ Mun 3:16

Ke i aunndie ninngé'm bé sonnin dan kpa'n ti, nh sreh i ke i Wawe'n wla amun fanngan nan an tra amun awlen ye an dyran kéklé,

Efɛzfuɛ Mun 3:8

Nyanmien yôô m bo n ti i swran'n kwlaa bé nun kaan'n n yé, o man n kan klé bé nga bé ti'a Juif'm bé ke Christ i anyanbéun'n tyennin, bé kwla ke'en bé nuan nun.

Filipfuɛ Mun 4:19

Liké kwlaa ng'o mian amun'n, ke min Nyanmien i anyanbéun b'o ô Christ-Jésus sa nun'n i dan'n ti'n, oh feh i so man amun.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

1 Timote 1:16

Nyanmien si min bo n sa te lie'n tra swran'n kwlaa bé lie'n, min aunnvue nan Christ-Jésus fe i awlen b'o tre swran wun'n klé bé nga bé wa lafi i su bo béh nyanh anannganman nguan'n, man bé wun ke o tre i awlen bé wun wié.

1 Timote 6:17

Kan klé ble nga é ô nun ye'n i nun anyanbéunfue'm bé ke, nanh man bé di tutré, nanh man bé fa bé wla gue bé anyanbéun b'o su ka'a le'n su, sannge bé fa gue Nyanmien b'o man é liké kwlaa b'o man é klun dyo'n i su.

1 Piɛr 3:20

Bé nga laa ke Noé bôboh mméli'n bé yô nyin kéklé Nyanmien su, b'o tre i awlen bé wun'n, bé wawe muon. Swran motyue tye ye bé fuu mméli so'n nun, bé tran nzué'n i nyin su lélé bé nyaan bé tio.

2 Piɛr 1:11

I so'n nun ye é Min Jésus-Christ b'o ti é Défue'n, oh soh amun nun kpa, ye oh fah amun wle i swran ng'o sié bé titi'n bé nuon.

2 Piɛr 3:15

Anh nian é Min'n i awlen b'o tre amun wun'n, amun ti nyanle tio. Ke é niaan Paul b'o ti é swran kpa'n, bo Nyanmien meen i ngwlele'n, kle i so blee amuon.

2 Piɛr 3:3

Man an si kpa ke, tyen wié lélé ke men'n oh koh i bué nuan'n, swran wié'm béh bah, béh yôh sa nga bé klun klô'n, béh dih amun to,

2 Piɛr 3:9

Liké nga é Min'n sé ke oh yôh'n, o tyuentyue'en i asé ke swran'm bé bu'n sa. Sannge o tre i awlen amun wun, o klô'a ke swran kun sa mlin, o klô ke swran'n kwlaa bé katyi bé nzuen'n.

Sa nglô yile 2:21

N yatyii i le kaan ke o katyi i nzuen'n, sannge o yatyi'e i téklé bôle'n.

Sa nglô yile 3:20

Anh nian, n dyin anuan'n sin, m bôbô. Swran ng'o ti min nen'n nan o tiké'n, nh wluh i lika lo, min nin i éh dih liké.