Rɔmfuɛ Mun 2:29 - Nyanmien nde Ufle

²⁹ sannge Juif kpa'n yele swran ng'o ti so i awlen'n nun'n, ye klen wlale kpa'n yele nga Nyanmien Wawe'n wle swran i awlen'n nun b'o fi'an mmla nga bé kleli'n nun'n. Nanh swran mun ye bé yi Juif kpa so'n i ayeo, Nyanmien bobo ye o yi i ayeo.

NYANMIƐN NDƐ'N 1998

²⁹ sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

Rɔmfuɛ Mun 2:29 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:39

Ye é Min'n séé i ke: Amun Pharisifue mun, an wunnzin klôwa nin talié'm bé sin, sannge amun awlen'n nun ti sa tete, ye an dé swran'm bé liké wué kéklé su.

JÉSUS-CHRIST I DYASIN FE'N BO LUC KLELI'N 17:21

Bé su sé'a ke: Anh nian, o ô wa, annze, o ô lé sa, afin swran nga Nyanmien sié bé'n, bé ô amun nun wa.

Jean 12:43

Afin bé klô dunman nga swran'm bé bô bé'n tra nga Nyanmien bô bé'n.

Jean 4:23

Sannge tyen wié lélé — tyen so'n wa dyu bobo — bé bo bé kôtô é Si'n bô bé menmen sakpa'n, béh kôtôh i bô béh menmenh bé akunndan'n nun nanwle su, afin bé nga bé manman é Si'n so'n, bé sofue mun ye o kunnde béo.

Jean 5:44

?Amun bo an klô ke amun wiéngu bô amun dunman'n, bo an klô'a ke Nyanmien b'o ti kunngba tye'n ye o bô amun dunman'n, oh yôh se ye amunh kwlah lafi i suo?

Rɔmfuɛ Mun 14:17

Nanh ke liké bo swran di'n nin nzan bo bé non'n ye o klé ke Nyanmien sié béo, sannge i Wawe'n b'o man swran katyi swran kpa, b'o man bé di aladyé, bo bé klun dyo'n ye o klé ke o sié béo.

Rɔmfuɛ Mun 2:27

?Ye swran nga ba wle'e i klen sannge o fa mmla'n su'n, o sé'a ke amuan di fo? Afin an si mmla'n kwlaa, bé wlaa amun klen, sannge an ton mmla so'n.

Rɔmfuɛ Mun 3:1

?Se o ti so'n, ke bé sé ke bé ti Juif'n, nzu liké ye bé nyen b'o tra swran wié'm bé lie nion? ?Ye nzu liké ye bé nyen klen wlale'n nuon?

Rɔmfuɛ Mun 7:6

Sannge sien'n, é di'a mmla'n su kun yele ke ya wu, o man liké ng'o tra é nun laa'n, é nin i ya bu. I so'n ti, o man é su Nyanmien i sule wafa ufle nga i Wawe'n klé yé'n su, é sunmen i sule wafa laa lie nga bé klee mmla'n nun'n su kun.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

1 Korɛntfuɛ Mun 7:19

Se bé wla klen ô, se ba wla'a klen ô, o ti'a sa tyinndyin, sa ng'o ti tyinndyin'n yele Nyanmien mmla'm i su fale'n.

2 Korɛntfuɛ Mun 10:18

Afin nanwle, swran ng'o sé i bobo wun ke o ti kpa'n, nenh i ye o ti kpa nion, san swran nga é Min'n bobo sé ke o ti kpa'n, i ye o ti kpaa.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

Filipfuɛ Mun 3:3

É ye é wla klen kpa nion, afin é su Nyanmien i Wawe'n i fanngan nun, é fa Christ-Jésus di é nuan, é fa'a é wla gua'a é wafa nga é ti'n su.

1 Tɛsalonikfuɛ Mun 2:4

É ken i ke Nyanmien kléé é ke é ken i su'n sa, afin o bu é swran fe i dyasin fe'n wlaa é sa nun. Nanh ke é waan éh kenh i so nan swran'm bé klun dyo é wuon, sannge é waan éh kenh i so nan o dyo Nyanmien b'o si é awlen'n nun'n i klun.

1 Piɛr 3:4

Sannge man bé wun amun klaan'n amun nzuen'n, nin amun awlen wetee'n, nin diin bo an ti'n nun. Klaan so'n wiéman, o ti kpa Nyanmien nyrun.