Rɔmfuɛ Mun 2:27 - Nyanmien nde Ufle

²⁷ ?Ye swran nga ba wle'e i klen sannge o fa mmla'n su'n, o sé'a ke amuan di fo? Afin an si mmla'n kwlaa, bé wlaa amun klen, sannge an ton mmla so'n.

NYANMIƐN NDƐ'N 1998

²⁷ An si mmla'n kwlaa, yɛ be wlali amun klɛn, sanngɛ an tɔn mmla sɔ'n. ?Sɛ ɔ ti sɔ'n, sran nga b'a wlɛ-mɛn i klɛn sanngɛ ɔ fa mmla'n su'n, ɔ se-man kɛ amu'an di fɔ?

Rɔmfuɛ Mun 2:27 ပူးပေါင်းရင်းမြစ်များ

Matthieu 3:15

Jésus séé ke: Yatyi, yô nde lie'n afin o ti i nuan su ke é yô sa kwlaa ng'o ti Nyanmien klun su'n. Ye Jean yôlio.

Sa nga bé yôli'n 13:22

Ke Nyanmien tui famien'n su'n, o fa David siéé i ôsu. O ken i nde ke: «N wuun ke Isaï i wa David ti min awlen su swran, i lie'n, liké kwlaa nga n sé i ke o yô'n, oh yôh.»

Rɔmfuɛ Mun 13:10

Swran ng'o klô i wiéngu'n, o yô'e i te, o man swran ng'o klô swran'n, wuun wa wié mmla'n kwlaa su fa.

Rɔmfuɛ Mun 2:15

Ke bé yô so'n, o klé ke bé si sa nga bé klee mmla'n nun ke swran yô'n bé awlen'n nun lo. Sa wle bo bé wuin'n nin bé akunndan bo bé bu'n o man bé wun sa nga swran yô'n i wle, se o ti kpa ô, se o ti te ô.

Rɔmfuɛ Mun 2:20

an si ngwlele nin sa kwlaa b'o ti nanwle'n amun mmla'n ti. I so'n ti, an bu amun wun sinnglinfue'm bé fo tufue, nin bé bo bé ti ke ba kanngan mun sa'n bé ngwlele kléfue.

Rɔmfuɛ Mun 2:25

Nanwle, se an fa mmla'n su'n, klen wlale'n ti kpa, sannge se an fa'a su'n, klen wlale'n yô'a sa fi yé.

Rɔmfuɛ Mun 2:26

?O men i so'n ti, se swran nga ba wle'e i klen'n nan o fa mmla'n su'n, Nyanmien bu'e klen wlafue?

Rɔmfuɛ Mun 2:29

sannge Juif kpa'n yele swran ng'o ti so i awlen'n nun'n, ye klen wlale kpa'n yele nga Nyanmien Wawe'n wle swran i awlen'n nun b'o fi'an mmla nga bé kleli'n nun'n. Nanh swran mun ye bé yi Juif kpa so'n i ayeo, Nyanmien bobo ye o yi i ayeo.

Rɔmfuɛ Mun 3:30

afin Nyanmien kunngba'n ye o bu bé nga bé lafi i su'n bé swran kpaa, se bé wlaa bé klen ô, se ba wla'a bé klen ô.

Rɔmfuɛ Mun 8:4

Nyanmien yôé so nan é bo é fa'a swran'm bé nzuen'n su kun'n, bo é yô sa nga Nyanmien Wawe'n klé é ke é yô'n, é yô sa kpa nga bé klee mmla'n nun ke é yô'n.

1 Korɛntfuɛ Mun 7:19

Se bé wla klen ô, se ba wla'a klen ô, o ti'a sa tyinndyin, sa ng'o ti tyinndyin'n yele Nyanmien mmla'm i su fale'n.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

Galasifuɛ Mun 5:14

Afin bé bô mmla'n kwlaa kpole nde kun nun sé ke: «Klô o wiéngu ke a fa klô o bobo wun'n sa.»

Efɛzfuɛ Mun 2:11

I so'n ti, anh bu wafa nga an ti laa'n i akunndan. Amun bo amun ôsu'n fi'an Juif'm bo bé fle bé klen wlafue bo swran ye o fe i sa yô bé'n, bé sé amun ke an ti'a klen wlafue.

2 Timote 3:15

Ke o fin o ba kaan nun'n, a si Nyanmien Nde nga bé kleli'n, ye man a si ngwlele b'o man se bé lafi Christ su'n bé nyan bé ti nion.

Hébreu 11:3

Nyanmien su bo e lafi'n ti ye é si ke i nuan nun nde'n ye o fa yii men nion, o man o fa liké nga bé wunmen'n ye o fa yii liké nga é wun bé ye nion.