Rɔmfuɛ Mun 2:16 - Nyanmien nde Ufle

¹⁶ Dyasin fe'n bo n kan'n, o klé ke bé wa wun i wle so tyen nga Nyanmien man Christ-Jésus wa nian sa nga swran'm bé yô fia'n, se o ti kpa ô, se o ti te ô.

NYANMIƐN NDƐ'N 1998

¹⁶ Jasin fɛ'n bɔ n kan'n, ɔ kle kɛ be wa wun i wlɛ sɔ cɛn nga Nyanmiɛn man Krist-Jésus wa nian sa kpa annzɛ sa tɛ nga sran'm be yo fia'n .

Rɔmfuɛ Mun 2:16 ပူးပေါင်းရင်းမြစ်များ

Matthieu 16:27

M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

JÉSUS-CHRIST I DYASIN FE'N BO LUC KLELI'N 8:17

Afin sa fi su ka'a nvialie nun b'o su te'a nglôo, ye aswré nun nde fi su ka'a le b'o su fité'a suo.

Jean 12:48

Swran ng'o so'a min nun b'o fa'a min nde'n su'n, swran ng'o nin i béh dih'n wo le. Nde nga n kannin'n su ye bé wa dyran bu i fo men'n i awiélieo.

Sa nga bé yôli'n 10:42

Ye Jésus kaléé é tyinndyin kpa ke é kan klé swran mun ke, i bobo ye Nyanmien siéli ke o di bé nga bé nyin ô su'n nin bé nga bé wuli'n bé nde nion.

Sa nga bé yôli'n 17:31

Yele ke wa sié tyen kun bo se tyen so'n dyu'n, o man béh fah swran'n kwlaa bo bé ô men'n nun'n, ba swran b'o siélii'n i dyasu, oh dih dyole so'n wéinwéin. Ke Nyanmien tyennin swran so'n, o ti nzolie b'o klé swran'n kwlaa ke o siélii dyole difue sakpa.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 2:5

Amun nyin kéklé'n nin sa nga an yôli bo an yatyi'e i yôle'n, Nyanmien bu sié, o man oh fah amun wun ya kpa tyen nga i ya'n dyaô, bo éh wunh ke o di dyole nanwle su'n,

Rɔmfuɛ Mun 3:6

O su yô'a so mlonmlon! ?Afin se Nyanmien di'a nanwle'n, o yô se ye o kwla di menfue'm bé dyoleo?

1 Korɛntfuɛ Mun 15:1

Aniaan mun, dyasin fe nga m bô kléli amun laa'n, nh kpenh amun wla ékun. Amuan fa dyasin fe so'n su, o man an dyran kéklé.

1 Korɛntfuɛ Mun 4:5

I so'n ti, nanh an dun mmua di swran fi dyole nan é Min'n wa ba, i ye sa kwlaa ng'o ô nvialie nun bo bé wunmen'n, o man béh wunh io, ye akunndan kwlaa ng'o ô swran klun'n, oh yih i nglô. Ke o kô yô so'n, liké nga swran kun yôli'n, Nyanmien yôh i mô.

2 Korɛntfuɛ Mun 5:10

Afin wafa kwlaa nga é ti'n, béh fah é ko Christ dyasu, nan swran kun ke o ô wa'n i liké ng'o yôli'n, se o ti kpa ô, se o ti te ô, o nyen i nuan liké.

Galasifuɛ Mun 1:11

Aniaan mun, man n kan nde kun klé amun: Dyasin fe nga n kan kléé amun'n, nanh swran mun ye bé kpe wlaa n nuaan.

1 Timote 1:11

Ke bé klee Nyanmien Kpli bo bé bô i dunman fe titi'n i dyasin fe'n b'o fa wla n sa nun'n nun soo.

2 Timote 2:8

Bu Jésus-Christ David anunman'n b'o tyennin'n i akunndan. Ke nh kanh dyasin fe'n ye n ken i nde so nion.

2 Timote 4:1

Nde nga m ma kan klé o ye'n, Nyanmien Kpli'n nin Christ-Jésus b'o wa di bé nga bé wuli'n nin bé nga bé nyin ô su'n bé nde'n, bé ti n lalôfue. I bale b'o wa ba'n nin i famien b'o wa di'n ti, nh sreh o kpa,

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Hébreu 9:27

Bé siéé ke swran wu kpe kunngba, i sin bé fe ko Nyanmien dyasu.

1 Piɛr 4:5

Sannge bé wa kan sa nga bé yôli'n klé Nyanmien b'o wa di bé nga bé nyin ô su'n, nin bé nga bé wuli'n bé dyole'n.

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.