Rɔmfuɛ Mun 2:15 - Nyanmien nde Ufle

¹⁵ Ke bé yô so'n, o klé ke bé si sa nga bé klee mmla'n nun ke swran yô'n bé awlen'n nun lo. Sa wle bo bé wuin'n nin bé akunndan bo bé bu'n o man bé wun sa nga swran yô'n i wle, se o ti kpa ô, se o ti te ô.

NYANMIƐN NDƐ'N 1998

¹⁵ Kɛ be yo sɔ'n, ɔ kle kɛ be si sa nga be klɛli i mmla'n nun kɛ sran `yo'n be anwlɛn'n nun lɔ. Sa wlɛ bɔ be wun i'n nin be akunndan bɔ be bu'n man be wun sa nga sran yo'n i wlɛ, sɛ ɔ ti kpa o, sɛ ɔ ti tɛ o, be wun i wlɛ.

Rɔmfuɛ Mun 2:15 ပူးပေါင်းရင်းမြစ်များ

Jean 8:9

Ke bé tii nde so'n, bé kpenngben mun nga dyaô blele ko, nga dyaô blele ko lélé o fa tôô bé kanngan mun, o kaa Jésus nin bla'n b'o dyin afien le'n.

Sa nga bé yôli'n 23:1

Paul nian dyole difue mun siin, o sé ke: Nnya mun, min nzuen'n ti kpa Nyanmien nyrun lélé ye wa fa dyu nde'n, o man n klun ti'a min.

Sa nga bé yôli'n 24:16

I so'n ti ye man n kusu, m mian min nyin ke min awlen'n nun yô wéiin titi Nyanmien nin swran'm bé nyrun nion.

Rɔmfuɛ Mun 2:14

Afin ke bé bo bé ti'a Juif'n bo bé si'a mmla'n bé yô sa nga bé klee mmla'n nun ke swran yô'n, kannze bé le'e i so mmla'n, sannge sa nga bé yô'n o klé ke bé le bé bobo bé mmla.

Rɔmfuɛ Mun 2:27

?Ye swran nga ba wle'e i klen sannge o fa mmla'n su'n, o sé'a ke amuan di fo? Afin an si mmla'n kwlaa, bé wlaa amun klen, sannge an ton mmla so'n.

Rɔmfuɛ Mun 9:1

Ke n sé ke awlabôe'n wô n su dan, ye min awlen'n kpe n klun'n, Christfue bo n ti'n ti, n di nanwle, Nyanmien Wawe'n kusu man n si n klun lo wéiin ke m bua'a atô.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 5:11

Ke é si ke é Min'n yô srô'n, é kan nde wéiin klé swran mun nan bé katyi. Nyanmien si é kpa, ye é bu i ke amun kusu an si min kpa.

1 Timote 4:2

Bé nga bé klé liké so'n, bé ti atôfue bé klô dunman, bé klun akunndan'n wa yô ke blale ngle b'o yra swraan o yô kôklôkô'n sa.

Tite 1:15

Swran nga bé akunndan'n ti kpa'n, liké kwlaa ti kpa bé nyrun, sannge swran nga bé akunndan'n ti'a kpa, bo bé lafi'a Nyanmien su'n, liké fi ti'a kpa bé nyrun. Afin bé akunndan'n ti tete, bé yô saa bé klun ti'a bé.