Rɔmfuɛ Mun 2:12 - Nyanmien nde Ufle

¹² Bé kwlaa nga bé si'a Moïse mmla'n bo bé yô sa te'n, béh mlinh, sannge bé su dyra'an mmla'n su ye béh dih bé dyole nion. Sannge bé kwlaa nga bé si mmla'n bo bé yô sa te'n, béh dyranh mmla'n su ye béh dih bé dyole nion.

NYANMIƐN NDƐ'N 1998

¹² Be kwlaa nga be si-man Moiz mmla'n bɔ be yo sa tɛ'n, be ´mlin, sanngɛ be su jran-man mmla'n su yɛ be ´di be jɔlɛ nin-ɔn. Sanngɛ be kwlaa nga be si mmla'n bɔ be yo sa tɛ'n, be ´jran mmla'n su yɛ be ´di be jɔlɛ nin-ɔn.

Rɔmfuɛ Mun 2:12 ပူးပေါင်းရင်းမြစ်များ

Matthieu 11:22

I so'n ti, nh kanh klé amun ke, dyole dile tyen'n nun Tyr nin Sidon bé nyrennen lie'n oh yôh soso tra amun lie'n.

Matthieu 11:24

I so'n ti, nh kanh klé amun ke dyole dile tyen'n nun Sodome i nyrennen lie'n oh yôh soso tra o lie'n.

Jean 19:11

Jésus sé i ke: Se Nyanmien a ma'an o atin'n, a kwla yô'a n sa fi. I so'n ti, swran ng'o fa min maan wo'n, i fo'n b'o dili'n i dan tro o lie'n.

Sa nga bé yôli'n 2:23

Ke Nyanmien bobo dun mmua buu i akunndan b'o sié i ke bé fa bian so'n man swran mun'n, amun man bé bo bé sro'a Nyanmien'n bé bôbôlii waka'n su, bé kunniin.

Rɔmfuɛ Mun 1:32

Bé si ke bé klee Nyanmien mmla'n nun ke swran ng'o yô i so sa'n, o nin kunle fata, sannge bé yô, ye ke swran wié'm bé yô sa kunngba so'n, o yô bé fe.

Rɔmfuɛ Mun 4:15

Mmla'n ye man swran kun Nyanmien yaa, afin se mmla'n nu'an le'n, bé tonman.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

1 Korɛntfuɛ Mun 9:21

Ke n kô yô nan man nyan bé bo bé di'a Moïse mmla'n su'n, se n du bé sa. Kannze n yô so'n nanh ke n di'a Nyanmien mmla'n su mlonmlon tio, n di Christ lie'n su.

Galasifuɛ Mun 3:10

Afin bé kwlaa nga bé fa bé wla gua mmla'n su fale'n su'n, bé wun su dyo'a bé le, afin bé klee ke, «Swran kwlaa ng'o faman nde kwlaa nga bé klee mmla fluwa'n nun'n su titi'n, i wun dyo'e lé.»

Galasifuɛ Mun 3:22

Sannge é kenngen Nyanmien Nde nga bé kleli'n nun ke, sa te'n ti menmenfue'n kwlaa bé nzuen. O yô so nan liké nga Nyanmien waan oh yôh man swran'n, bé nga bé fa nde so'n su'n bé nyen Jésus-Christ bo bé lafi i su'n ti.

Jacques 2:10

Afin swran ng'o fa mmla'n kwlaa su b'o yatyi kun'n, wuun wa satyi i kwlaa.