Rɔmfuɛ Mun 16:7 - Nyanmien nde Ufle

⁷ Nh yôh Andronicus nin Junias bo bé ti n wôsufue'n, bé liké. Bé ti n wiéngu bisuafue, bé nga Jésus sunmaan bé'n, bé bô bé dunman kpa. Bé dun mmua fa bé wun maan Christ, nan man fa min wun a men.

NYANMIƐN NDƐ'N 1998

⁷ N ´yo Andrɔnikis nin Zinias bɔ be ti n osufuɛ'n, be like. Be ti n wiengu bisuafuɛ, be nga Jésus sunmannin be'n, be bo be dunman kpa. Be dun mmua fa be wun mannin Krist nan man fa min wun a mɛn i.

Rɔmfuɛ Mun 16:7 ပူးပေါင်းရင်းမြစ်များ

Jean 14:20

I tyen so'n nun, amunh wunh i wle ke min nin n Si é ti swran wunmuan, ye min nin amun kusu ya katyi swran wunmuan.

Jean 15:2

N sama kwlaa ng'o suman'n, o kpe, ye ng'o su'n, o kpekpe su nan o yô kpa ye o su tra laa lie'n.

Jean 6:56

Swran ng'o di min nnen'n b'o non min mmôdya'n, min nin i ya katyi swran wunmuan, é su ti'a nun.

Rɔmfuɛ Mun 16:10

Nh yôh Apellès b'o ti Christfue kpa'n, i liké. Nh yôh Aristobule i awlôfue'm bé liké.

Rɔmfuɛ Mun 16:11

Nh yôh Hérodion b'o ti n wôsufue'n, i liké. Nh yôh Narcisse i awlôfue'm bo bé lafi é Min'n su'n, bé liké.

Rɔmfuɛ Mun 16:21

Timothée b'o ti n wiéngu dyunman nun'n, nin Lucius, nin Jason, nin Sosipater, ye n wôsufue mun béh yôh amun liké.

Rɔmfuɛ Mun 16:3

Nh yôh Prisca nin Aquilas bo bé ti n wiéngu Christ-Jésus i dyunman nun'n, bé liké.

Rɔmfuɛ Mun 16:6

Nh yôh Marie b'o dii dyunman dan man amun'n, i liké.

Rɔmfuɛ Mun 16:8

Nh yôh Ampliatus b'o ti n swran kpa é Min'n ti'n, i liké.

Rɔmfuɛ Mun 16:9

Nh yôh Urbain b'o ti é wiéngu Christ i dyunman nun'n, o nin Stachys n swran kpa'n, bé liké.

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

Rɔmfuɛ Mun 8:11

Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

Rɔmfuɛ Mun 9:3

Afin se Nyanmien bô n sannzan bo min nin Christ é bu, nan n niaan'm bo min nin bé é ti nvlé kun'n bé nyan bé ti'n, nh séh Nyanmien ke o yô n so.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

2 Korɛntfuɛ Mun 11:23

Se bé ti Christ dyunman difue'n, n kusu n ti i dyunman difue wié dan, n ken ke man dyinmin sa, n di dyunman tra bé, bé wla m bisua tra bé, bé bô min tra su. Tyen kwlaa n wô wié'n nuan,

2 Korɛntfuɛ Mun 12:2

N si Christfue kun bo Nyanmien meen i su lélé fa dyu nyanmien su mmua kpa lo, i afue blu-nin-nnan ye, se o meen i su sakpa ô, se kusu o man o wuun liké aôlia nun ô, n wu'en i wle, Nyanmien ye o wun i wleo.

2 Korɛntfuɛ Mun 5:17

Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 1:22

I nun so'n nun, Christ i asonunfue nga bé ô Judée lo'n, bé si'a min,

Galasifuɛ Mun 2:2

Sa ti ye n woli'n yele ke Nyanmien séé n ke n wo. Min nin bé kaklaakla mun é yiaa é ngunmin kan, ye n kan dyasin fe'n bo n kan klé bé nga bé ti'a Juif'n kléé bé, nan n dyunman nga n dii laa'n, nin nga n te di'n, n sa a kpi'a asé.

Galasifuɛ Mun 2:6

Bé nga bé ti bé nun kpakpa'n, se bé ti se bé ti se laa ô, nanh min ndeo, afin Nyanmien lie'n o nia'an swran nyrun ye o yô i sa lie nion. Bé kpakpa so'm bé lie'n, ba sé'a n ke n yô liké ufle fi.

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Galasifuɛ Mun 6:15

Se bé wla klen ô, ba wla'a klen ô, nenh i li ye bé niaan, nga bé nian'n yele ufle bo Nyanmien bô yé'n.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Kolɔsfuɛ Mun 4:10

Aristarque b'o nin min ô bisua'n nun wa'n o nin Marc Barnabas i niaan'n, béh yôh amun liké. Ba dun mmua ken i nde a klé amun ke, se o ba amun wun lo'n, an so i nun kpa.

Filemɔn 1:23

Épaphras b'o ti n wiéngu bisuafue Christ ti'n, oh yôh o liké.

1 Jean 4:13

Sa nga b'o man é si ke é nin Nyanmien ya katyi swran wunmuan, nan é nin i é tran'n, yele ke o fe i Wawe'n maan é.

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

Sa nglô yile 1:9

N Jean bo n ti amun niaan'n, ke é nin Jésus é katyii swran wunmuan'n ti, o man min nin amun é wun nyrennen, o sié é, ye é tra é awlen. Nyanmien nde nin Jésus nde bo n kan'n ti, bé fa min oo nvlé kaan bo bé flee Patmos, bo nzué sin yie'n nun.