Rɔmfuɛ Mun 16:25 - Nyanmien nde Ufle

²⁵ Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

NYANMIƐN NDƐ'N 1998

²⁵ Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

Rɔmfuɛ Mun 16:25 ပူးပေါင်းရင်းမြစ်များ

Matthieu 13:17

Nanwle, Nyanmien nuan idyofue nin swran nanwlefue kpanngban kpa bé klô ke béh wunh liké nga an wun bé ye'n, sannge ba wu'an bé, bé klô be béh tih nde nga an ti bé ye'n, sannge ba timan.

Matthieu 13:35

nan nde nga Nyanmien nuan idyofue'n kannin'n o kpen su. O sé ke: «Nh wukéh min nuan'n, mh buh nyanndra, Ye ninngé nga bé fia su ke o fin men'n i bôbôle nun'n, nh kenh i nde klé amun.»

Matthieu 20:7

Ye bé waan: Swran fi a fa'a é. Ye o sé bé ke: Amun kusu, anh wo raisin fié'n su lo.

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Sa nga bé yôli'n 9:20

kpekuun o su kan Jésus nde Nyanmien sua'm bé nun, ke Jésus ti Nyanmien Wa.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 14:4

?A ti o lie se bo a kon o niaan wié dyunman difue'n i wun ndeo? Se i nzuen ti kpa ô, se o ti'a kpa ô, nonh o ndeo, i min'n i ndeo. Oh yôh kpa, afin é Min'n kwla suen i bô mon o yô kpa.

Rɔmfuɛ Mun 16:24

[Man é Min Jésus yô amun kwlaa amun yé tititi! Mon o yô so!]

Rɔmfuɛ Mun 2:16

Dyasin fe'n bo n kan'n, o klé ke bé wa wun i wle so tyen nga Nyanmien man Christ-Jésus wa nian sa nga swran'm bé yô fia'n, se o ti kpa ô, se o ti te ô.

1 Korɛntfuɛ Mun 1:23

Sannge é lie'n, Christ bo bé bôbôlii waka'n su, bo i nde kanle'n ti Juif'm bé ngasi'n, b'o ti bé bo bé ti'a Juif'n bé nyrun sinnzin nde'n, i nde ye é kaan.

1 Korɛntfuɛ Mun 2:7

Nyanmien i ngwlele b'o yi'e i nglô b'o fiee swran'm bé nyrun, b'o dun mmua sié maan é ke o ba é nyrun nyan ka nan wa yi men'n, i nde ye é kaan.

1 Korɛntfuɛ Mun 4:1

I so'n ti, man swran'm bé si ke é ti Christ i ukafue bo é nian liké nga Nyanmien fiee swran'm bé nyrun'n bé su.

2 Korɛntfuɛ Mun 4:3

Se é dyasin fe nga é kan'n o te ô bui bô'n, wuun bé nga bé su mlin'n bé nyrun ye o te ô bui bôo.

2 Korɛntfuɛ Mun 4:5

É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

Galasifuɛ Mun 2:2

Sa ti ye n woli'n yele ke Nyanmien séé n ke n wo. Min nin bé kaklaakla mun é yiaa é ngunmin kan, ye n kan dyasin fe'n bo n kan klé bé nga bé ti'a Juif'n kléé bé, nan n dyunman nga n dii laa'n, nin nga n te di'n, n sa a kpi'a asé.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 3:11

Ke o yôé so'n, sa ng'o dun mmua buu i akunndan lalafue nun ke o man é Min Christ-Jésus yô'n, o kpeen su.

Efɛzfuɛ Mun 3:9

Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

Efɛzfuɛ Mun 6:19

Ye anh sre i ékun ke, ke n wuké n nuan'n, o klé min nde nga n kaan o ti su'n, nan n yi dyasin fe'n b'o fiee swran'm bé nyrun'n i nglô klé bé wéiin yakpa su,

Kolɔsfuɛ Mun 2:2

M mian min nyin nan an tra amun awlen, ye klôle bo an klô amun wun'n ti amun bô yô kun, ye an si ngwlele kpa b'o man amunh wunh sa wle wéiin nan an si liké nga Nyanmien fiee swran'm bé nyrun'n, liké so'n yele Christ!

Kolɔsfuɛ Mun 4:3

Ke amunh yôh so'n, anh sre Nyanmien ke o man é kusu é atin man é ken i nde'n, nan é kwla kan Christ nde bo Nyanmien fiee swran'm bé nyrun'n, afin i ti ye man bé wlaa m bisua nion.

1 Tɛsalonikfuɛ Mun 3:13

Ke o kô yô so'n, o man amunh nyanh awlen, ye ke é Min Jésus nin i swran'n kwlaa béh bah'n, é Si Nyanmien sunh ke an ti i lie klônglônglô bo bé kwla satyi'a amun wun kaan sa!

2 Tɛsalonikfuɛ Mun 2:14

Afin i so'n ti ye ke é kan dyasin fe'n kléé amun'n, o fleli amuon, nan nyrun nga é Min Jésus-Christ nyenh'n, amun dunman'n te nun wié.

2 Tɛsalonikfuɛ Mun 3:3

Sannge é kwla fa é wla gua é Min'n su. Oh wlah amun fanngan ye oh nianh amun su, o man Klunwifue'n su nya'an amun.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

2 Timote 2:8

Bu Jésus-Christ David anunman'n b'o tyennin'n i akunndan. Ke nh kanh dyasin fe'n ye n ken i nde so nion.

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

Hébreu 7:25

I so'n ti, o man bé bo i ti bé mantan Nyanmien béh kwlah nyan bé ti mlonmlon, afin o ô le titi o sre Nyanmien ke o nian bé su.

1 Piɛr 1:20

Nyanmien dun mmua fe siéli i sin nan wa yi men'n, ye amun ti, ke ya dyu men'n i bué nuan'n, wa yii nglô.

1 Piɛr 5:10

Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.

Sa nglô yile 10:7

Ke ange nsô su'n i awe lie'n i bôle'n kô dyu'n, sa nga Nyanmien fiee swran'm bé nyrun'n b'o kan kléé i swran bo bé ti i nuan idyofue'n oh kpenh su.