Rɔmfuɛ Mun 15:5 - Nyanmien nde Ufle

⁵ Man Nyanmien b'o wla swran fanngan b'o man bé tra bé awlen'n, o man amun akunndan'n yô kun ke Christ-Jésus bobo klé é ke é yô'n sa.

NYANMIƐN NDƐ'N 1998

⁵ Man Nyanmiɛn b'ɔ wla sran fanngan b'ɔ man be tra be anwlɛn'n, ɔ man amun akunndan'n yo kun kɛ Krist-Jésus bɔbɔ kle ye kɛ e yo'n sa.

Rɔmfuɛ Mun 15:5 ပူးပေါင်းရင်းမြစ်များ

Sa nga bé yôli'n 4:32

Swran kaka nga bé lafii Christ su'n, bé bô yôô kun, bé akunndan'n ti kun. Bé nun wié fi sé'a ke i ninngé'm bé ti i ngunmin lie, sannge liké ng'o ti swran kun lie'n, o ti bé kwlaa bé lie.

Rɔmfuɛ Mun 12:16

Man amun nuan se. Nanh an bu akunndan dandan, se bé sé amun ke an di dyunman b'o ti'a dyunman kpa'n, anh di. Nanh an bu amun wun ngwlelefue.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:3

Afin Christ wa yô'a liké ng'o dyo i bobo i klun'n, yele ke bé klee ke: «Nzôwa nga bé kô fa kô kpe wo'n, bé fa kpee min.»

1 Korɛntfuɛ Mun 1:10

Aniaan mun, é Min Jésus-Christ ti nh sreh amun, man amun nuan se, nanh an bubu amun wun nun, sannge man amun akunndan'n nin amun nen'n yô kun.

2 Korɛntfuɛ Mun 13:11

Aniaan mun, min nde'n i atabô'n ye: Nyanmien man amun klun dyo. Anh katyi anh yô swran kpa, anh fa min nde'n su, man amun bô yô kun, anh di anuanse. Ye Nyanmien b'o klô swran'n b'o man é di aladyé'n, o nin amunh tranh.

2 Korɛntfuɛ Mun 7:6

Sannge Nyanmien b'o tyityi bé bo bé wla bô'n bé wla'n, o man ke Tite bali'n, o wa gua é awlen su nzué.

Efɛzfuɛ Mun 5:2

Sa kwlaa nga amunh yôh'n, anh yôé swran klôle'n ti, ke Christ kusu klôli é b'o fe i wun maan Nyanmien é ti ke te nnen bo bé yre'n (*f41*) b'o bon fannin Nyanmien bué nun'n sa.

Filipfuɛ Mun 1:27

Sa'n kwlaa nun, anh yô sa ng'o nin Christ dyasin fe'n ti kun'n, nan se mh bah amun wun wunle ô, se m baman ô, man ti amun ngan ke amun kwlaa amun bô ti kun kpa amun dyran kéklé, ye amun akunndan'n ti kun, an mian amun nyin dyasin fe'n bo an lafi su'n ti.

Filipfuɛ Mun 2:2

I so'n ti, anh yô man n klun dyo kpa. Man amun akunndan'n yô kun, anh klô amun wun, man amun nuan se.

Filipfuɛ Mun 3:16

Lika kwlaa nga ya dyu'n, kannze o ti se… man adyale kunngba nga é fa bô i bô'n é fa o.

Filipfuɛ Mun 4:2

Évodie nin Syntyche, nh tuh amun fo, ye nh sreh amun ke man amun akunndan'n yô kun, afin é Min'n ti an ti niaan.

1 Piɛr 3:20

Bé nga laa ke Noé bôboh mméli'n bé yô nyin kéklé Nyanmien su, b'o tre i awlen bé wun'n, bé wawe muon. Swran motyue tye ye bé fuu mméli so'n nun, bé tran nzué'n i nyin su lélé bé nyaan bé tio.

1 Piɛr 3:8

Min nde'n i atabô'n ye, man amun akunndan'n yô kun, anh wun amun wiéngu aunnvue, anh klôé ke amun niaan sa, anh si i aunnvue, anh yô amun wun aénvue.

2 Piɛr 3:15

Anh nian é Min'n i awlen b'o tre amun wun'n, amun ti nyanle tio. Ke é niaan Paul b'o ti é swran kpa'n, bo Nyanmien meen i ngwlele'n, kle i so blee amuon.

2 Piɛr 3:9

Liké nga é Min'n sé ke oh yôh'n, o tyuentyue'en i asé ke swran'm bé bu'n sa. Sannge o tre i awlen amun wun, o klô'a ke swran kun sa mlin, o klô ke swran'n kwlaa bé katyi bé nzuen'n.