Rɔmfuɛ Mun 15:31 - Nyanmien nde Ufle

³¹ amun kusu amun nin min é dyran kéklé é sre Nyanmien ke o dé min bé nga bé lafi'a Nyanmien su Judée lo'n bé sa nun, ye liké nga n su fa kô man Nyanmien su Judée lo'n bé sa nun, ye liké nga n su fa kô man Nyanmien i swran mun Jérusalem lo'n, man bé so nun klaan.

NYANMIƐN NDƐ'N 1998

³¹ amun nin min e `jran kekle e srɛ Nyanmiɛn kɛ ɔ de min be nga be lafi-man i su Zide lɔ'n bé sa nun, yɛ e srɛ i kɛ like nga n su fa ko man i sran mun Zerizalɛm lɔ'n, ɔ `yo man be sɔ nun klanman.

Rɔmfuɛ Mun 15:31 ပူးပေါင်းရင်းမြစ်များ

Sa nga bé yôli'n 22:24

Ye sôndya akpi sukpen'n i waan bé fa Paul wlu sôndya'm bé nglô sua'n nun lo bé bôé, mon o kan sa ti bo bé kpen i su'n.

Sa nga bé yôli'n 25:2

Nyanmien nyrun dyranfue dandan nin Juif kpenngben'm bé kô sanmaan Paul i dyasu. Bé tyityii ke béh kunh Paul, i so'n ti, bé sree Festus kpa ke o yô bé yé, o fe bla Jérusalem, man bé kô se i nyrun atin'n nun bé kuin.

Sa nga bé yôli'n 25:24

O séé ke: Nannan Agrippa, o nin amun kwlaa bo an yiaa wa ye'n, bian ng'o dyin ye'n, i ye Juif'm bé kwlakwla bé fe i wun nde kô maan min Jérusalem lo nin wa nion, bé sre n kpa ke n kuin.

Sa nga bé yôli'n 9:13

Ananias sé ke: Nannan, n tili tete kwlaa nga bian so'n yôô o swran mun Jérusalem lo'n, swran sunman bé nuan nun,

Sa nga bé yôli'n 9:15

Sannge é Min'n sé i ke: Ko, afin bian so'n, man fe ke o di n dyunman, nan o bô n dunman'n nvlé wié'm bé nun, famien nin Israël mma'm bé nyrun,

Rɔmfuɛ Mun 15:25

Sannge lé nnyon nga lie'n, n su ko Jérusalem Nyanmien swran'm bo bé ô lo'n, bé ukale.

1 Korɛntfuɛ Mun 16:15

An si ke Stéphanas nin i awlôfue mun ye bé ti Christfue klikli Achaïe asa'n su loo, ye Nyanmien mma'm bé lika nianle'n mian bé kpa. Aniaan mun, nh sreh amun kpa ke

2 Korɛntfuɛ Mun 1:10

I ye o déé é nyrennen wié so'n nuon, ye o wa dé é. É wla ô i su ke, se an uka é é sé i ke o dyran é sin'n, oh déh é ékun. O man ke swran sunman bé sre i ke o yô é yé, b'o yô'n, swran sunman kusu béh leh i asé é ti.

2 Korɛntfuɛ Mun 8:4

Bé bobo bé sree é kpa ke é yatyi man nennen nga béh kôh di Nyanmien i swran mun Judée lo'n man bé di wié.

2 Korɛntfuɛ Mun 9:1

M bô'a ye n kle'a Nyanmien i swran'm bo bé ô Judée lo'n bé lika nianle'n nde'n i wun fluwa ma'an amun.

2 Korɛntfuɛ Mun 9:13

Ke an nian bé like so'n, o klé ke an fa Christ dyasin fe'n bo an sé ke an lafi su'n i su kpa. Ke swran kpanngban bé wun i so'n o nin yé dan nga an yô bé nin swran wié mun'n, o man béh bôh Nyanmien dunman.

1 Tɛsalonikfuɛ Mun 2:15

Juif so mun ye bé kuun é Min Jésus nin Nyanmien nuan idyofue mun, ye bé klé é yale nion. Nyanmien klun dyo'a bé wun, bé kpo swran'n kwlaa.

2 Tɛsalonikfuɛ Mun 3:2

Ye anh sre i ke o dé é klunwifue tete'm bé sa nun, afin swran ngba lafi'a Christ su.

2 Timote 3:11

nin yale nga bé klé min'n, nin nyrennen nga n wuin Antioche nin Icone nin Lystre lo'n. ?Nyrennen'n i nyrun nin i sin ônin ye man wu'en io? Sannge é Min'n déli min i kwlaa so'n nun.

2 Timote 4:17

Sannge é Min'n ye o dyran n sin wlaa n fanngan ye man n kwla ken i nde'n kwlaa, ye man bé kwla nga bé ti'a Juif'n bé tilio. O déé min dyra'n i nuan nun.