Rɔmfuɛ Mun 15:19 - Nyanmien nde Ufle

¹⁹ ye sa kéklééklé, nin atre, nin abônuan sa bo Nyanmien Wawe'n i fanngan nun n yôli'n, i tye ye n kaan. Ke m bô Christ i dyasin fe'n kwlakwlakwla sa, Jérusalem bué lie'n su lélé fa dyuu Illyrie.

NYANMIƐN NDƐ'N 1998

¹⁹ yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Rɔmfuɛ Mun 15:19 ပူးပေါင်းရင်းမြစ်များ

Matthieu 12:28

Sannge se Nyanmien Wawe'n i dunman nun ye n fuan asie usu mun'n, wuun Nyanmien siéle'n wa tô amun wa.

Jean 4:48

Jésus sé i ke: Se amuan wu'an atre nin abônuan sa'n, an su lafi'a n su mlonmlon!

Sa nga bé yôli'n 1:8

Sannge ke Nyanmien Wawe'n kô ba amun wun'n, oh tinh amun, an wa kan min nde Jérusalem wa, Judée men wunmuan'n nun, o nin Samarie lo lélé fa dyu asie'n i awiélie.

Sa nga bé yôli'n 13:14

Ke bé fin Perge le'n, bé oo Antioche b'o ô Pisidie men'n nun'n su. Sabbat b'o ti Juif'm bé tyen te'n bé wluu Nyanmien sua'n nun bé tran asé.

Sa nga bé yôli'n 13:51

Paul nin Barnabas bé kpukpuu bé dya wun ndutré'n gue bé wun, nan ba oo Iconium.

Sa nga bé yôli'n 14:10

o sé ke: Dyaô dyran o dya'n su séiin! O dyaôô waka, kpekuun o su nanti.

Sa nga bé yôli'n 14:20

Sannge Jésus sonnzonfue'm bo bé ô Lystre le'n, bé sin yielii nan wa dyaô a se i sin klo lo ékun. Ke alie tyennin'n o nin Barnabas bé oo Derbe.

Sa nga bé yôli'n 14:25

Ke bé kaan Nyanmien nde Perge le'n, bé oo Attalie.

Sa nga bé yôli'n 14:6

Paul nin Barnabas bé wun i wle, bé wanndi kô fiaa Lycaonie men'n nun klo wié bo bé fle bé Lystre nin Derbe'n, o nin lika nga bé mantan bé le'n bé nun.

Sa nga bé yôli'n 15:12

Bé kwlaa nga bé yiaa le'n, bé guaa bliin, bé sié bé su Paul nin Barnabas bo béh kanh atre nin abônuan sa bo Nyanmien yô maan bé bo bé ti'a Juif'n bé nun'n klé bé'n su.

Sa nga bé yôli'n 16:18

O yô i so titi, o flaan Paul, lé kun lie'n o kpe i nyin séé bla so'n i liké'n b'o su i su'n ke: Jésus-Christ dunman nun, nanh su bla nga su kun. Nan wa tu i wun bé dya ôsu kunngba'n nun.

Sa nga bé yôli'n 17:10

Kpekuun é niaan'm bé man Paul nin Silas bé oo Bérée kongue. Ke bé dyuu lo'n, bé wlu Juif'm bé Nyanmien sua'n nun,

Sa nga bé yôli'n 17:15

Bé nga bé oo Paul sunmanle'n, bé o lélé dyuu Athènes. Ke béh sah bé sin'n, o maan bé ngalie ke bé sé Silas nin Timothée ke bé bla trelele.

Sa nga bé yôli'n 18:1

I sin Paul fin Athènes oo Corinthe.

Sa nga bé yôli'n 18:19

Ke bé dyuu Éphèse lo'n, Paul yatyi bé le, o wluu Nyanmien sua lo, o nin Juif mun kôkô yale.

Sa nga bé yôli'n 19:1

Ke Apollos ô Corinthe lo'n, Paul kusu wlanwlan Asie men'n nun, o dyuu i klo'n bo bé fle i Éphèse'n su.

Sa nga bé yôli'n 20:20

An si ke sa kwlaa b'o kô yô amun kpa'n man fia'a wié fi su amun wun. N ken i kwlaa kléé amun, n yiyi nun wéiin klé amun nzra nun nin awlô'm bé nun.

Sa nga bé yôli'n 20:6

É kusu, ke kpaun bo bé gua'a nun ayré'n (*f19*) i tyen'n sinnin'n, é faa mméli Philippe le. Ke é dii lé nnun'n, é tôô bé Troas nan ya di lé nsô le.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 15:24

I so'n ti, ke nh koh Espagne'n n klô ke mh bôh nun amun wun lo nan é yi awlalôe kan lé nnyon kun, nan an gua min atin klaan.

1 Korɛntfuɛ Mun 2:4

N idyole'n nin Nyanmien nde bo n ken i lo'n, o ti'a ngwlele nde bo se swran tio o fa suo, sannge o ti nde b'o yi Nyanmien Wawe'n nin i kwlale'n nglô.

2 Korɛntfuɛ Mun 12:12

N kusu sa ng'o klé ke i ye o sunmaan min'n yele sa kwlaa b'o to n su bo n tra min awlen n yi atre, n yô abônuan sa, n yô sa kéklééklé amun nyrun'n.

Galasifuɛ Mun 3:5

?Nyanmien b'o fe i Wawe'n man amun b'o yô sa kéklééklé man amun'n, mmla'n bo an fa su'n ti ye o yôé soo, annze dyasin fe'n bo an tili an fa su'n tio?

Kolɔsfuɛ Mun 1:25

Nyanmien fa n sié Asonun'n i dyunman difue nan n ken i nde'n kwlakwla klé amun,

1 Tɛsalonikfuɛ Mun 1:5

Afin ke é kan dyasin fe'n i nde kléé amun'n, é kenmen é nuan nun ngben, Nyanmien Wawe'n ye o tin yéo, o man é wun i wle kpa ke nde nga é kan'n ti nanwle. Ke é ô amun wun lo'n, an si é wun wafa nga é yôli'n, amun ti ye é yô é wun soo.

2 Timote 4:17

Sannge é Min'n ye o dyran n sin wlaa n fanngan ye man n kwla ken i nde'n kwlaa, ye man bé kwla nga bé ti'a Juif'n bé tilio. O déé min dyra'n i nuan nun.

Hébreu 2:4

Ke Nyanmien yi atre, b'o yô abônuan sa nin sa kéklééklé fanunfanun, b'o fa liké nga i Wawe'n man swran yô'n man swran ke i klun klô'n sa'n, o guaa bé nde'n su.

1 Piɛr 1:12

Nyanmien kan kléé bé ke i nde ng'o fa wla bé nuan ke bé kan'n o ti'a bé bobo bé lie, sannge amun lieo. Bé nga bé kan dyasin fe'n Nyanmien Wawe'n b'o sunmenniin'n i fanngan nun'n, nde so'n ye bé kan kléé amun ye'n. Ange'm bé bobo bé klô ke béh wunh sa so'm bé wle.