Rɔmfuɛ Mun 15:15 - Nyanmien nde Ufle

¹⁵ Kannze o ti so'n, ke n klee fluwa ye'n, n kan sa wié'm bé nde wéiin kléé amun nan amun wla kpen sa nga amuan dun mmua ti'n su. Yé dan bo Nyanmien yôô min

NYANMIƐN NDƐ'N 1998

¹⁵ Kannzɛ ɔ ti sɔ'n, kɛ n klɛli fluwa yɛ'n, n kan sa wie'm be ndɛ weiin kleli amun nan amun wla `kpɛn sa nga amu'an dun mmua ti'n su. Ye dan bɔ Nyanmiɛn yoli min

Rɔmfuɛ Mun 15:15 ပူးပေါင်းရင်းမြစ်များ

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 12:3

Yé dan nga Nyanmien yôli'n min'n ti, nh séh amun kwlakwla ke, nanh an bu amun wun swran dan tra wafa nga an ti'n su, sannge anh nian wafa nga Nyanmien man an lafi i su'n, se an lafi su kpa ô, ye man amun si wafa nga amun ti'n.

Rɔmfuɛ Mun 12:6

Yé fanunfanun nga Nyanmien yô yé'n ti, i ninngé b'o fa man é bo é yô'n, bé ti ngunminngunmin. Se Nyanmien man é nun kun si i nuan idyo'n, mon o yôé ke o fa lafi su dyu'n sa.

1 Korɛntfuɛ Mun 15:10

Sannge swran nga man yôé ye'n, yé bo Nyanmien yôô min'n ti ye man man yô soo. Yé so'n b'o yô min'n wa yô'a ngben, afin n dii dyunman dan tra bé ngba, nanh ke m bobo min ye n di dyunman so nion, sannge Nyanmien ye o dyran n si ye man n dii dyunman so nion.

1 Korɛntfuɛ Mun 3:10

Nyanmien klun-ufué'n ti man yô ke sua kplanfue b'o si sua kplan sa, n wlaa sua'n i bô asé, ye swran ufle su taka su. Sannge man swran ng'o taka su'n, o nien i wafa ng'o fa taka su'n i su kpa.

Galasifuɛ Mun 2:9

Ke Jacques nin Céphas nin Jean bo bé tra Asonun'n nun'n bé wuun ke Nyanmien bu n swran o fa min siéé dyunman so'n su'n, bé sunmaan min nin Barnabas é nun, o man é wuun ke é nen see su ke é o bé nga bé ti'a Juif'n bé sin, ye bé kusu béh koh bé nga bé wla klen'n bé sin.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

2 Timote 1:6

I so'n ti, nh sreh o ke liké nga ke n fa n sa fuoo o su, bo Nyanmien fa moon o ke a yô b'o ti ke sin sa'n, tro i nuan nian su.

2 Timote 2:14

Kan nde nga klé bé kwlaa, kan flan nun. Nyanmien Kpli ti o lalôfue, sre bé kpa ke bé yatyi nde'm bé su utré dile'n b'o yô'a liké fi yé'n, o sanngan bé nga bé ti'n bé akunndan.

Tite 3:1

Kpen bé wla ke bé bu bé nga bé sié bé'n nin bé nga bé dyran bé dya nun'n bé swran, man bé nyin yi bé, sa kpa kwlaa nga bé sé bé ke bé yô'n, man bé yô.

Hébreu 13:22

Aniaan mun, nh sreh amun, anh fa afotue nga m maan amun ye'n su, afin o ti'a nde tennden.

1 Piɛr 5:12

É niaan Sylvain bo n wuun ke é kwla fa é wla gue i su'n, i ye o uka min é kle nde kaan nga n kle ble amun ye nion. N waan nh wlah amun fanngan, ye nh kanh klé amun ke yé nga Nyanmien yô yé'n, i ye o ti yé kpafue nion. I ti, anh dyran kéklé.

2 Piɛr 3:15

Anh nian é Min'n i awlen b'o tre amun wun'n, amun ti nyanle tio. Ke é niaan Paul b'o ti é swran kpa'n, bo Nyanmien meen i ngwlele'n, kle i so blee amuon.

1 Jean 5:13

N kle nde so'n blee amun nan amun bo an lafi Nyanmien Wa'n su'n, an si ke an le anannganman nguan.