Rɔmfuɛ Mun 15:14 - Nyanmien nde Ufle

¹⁴ N niaan mun, m bobo n lafi amun su kpa ke an ti klunufuéfue kpa, an wun sa'n kwlaa wle, ye an kwla tu amun wiéngu fo.

NYANMIƐN NDƐ'N 1998

¹⁴ N niaan mun, m bɔbɔ n lafi amun su kpa kɛ an ti klun-ufuefuɛ kpa, n lafi amun su kɛ amun wun sa'n kwlaa wlɛ yɛ an kwla tu amun wiengu fɔ.

Rɔmfuɛ Mun 15:14 ပူးပေါင်းရင်းမြစ်များ

1 Korɛntfuɛ Mun 1:5

Afin ke amun nin Christ amuan yô swran wunmuan'n, liké kpakpa'n kwlaa ti a sin a yia amun, an si i nde'n kwlaa kan, an wun i ninngé'n kwlaa bé wle.

1 Korɛntfuɛ Mun 12:8

Afin Nyanmien Wawe'n man swran'n wié ngwlele o fa kan nde, ye i Wawe kunngba'n man swran'n wié kusu wun sa wle o kan klé swran wié mun.

1 Korɛntfuɛ Mun 13:2

Man n yô Nyanmien nuan idyofue, man n si sa nga Nyanmien fiee swran'm bé nyrun'n i ngba, ye man n wun sa'n kwlaa wle, ye se n lafi Nyanmien su kpa bobo b'o man n kwla sé ôka'm bé ke bé tu bé bô wo'n, sannge se n klô'a swran'n, wuun man yô'a liké fi.

1 Korɛntfuɛ Mun 8:1

Amuen nnen'n lie'n, é si ke é kwlaa é sii. Sannge sa sile so'n man swran tu i wun, sannge swran klôle'n o man swran yô swran.

1 Korɛntfuɛ Mun 8:10

?Afin se swran wié b'o nian wu'en i wle kpa'n o wun ke o bo a wun i wle'n a ô amuen sua'n nun a su di liké'n, i kusu kô di'a muen nnen so'n wié o dunman nun?

1 Korɛntfuɛ Mun 8:7

Sannge swran ngba sié i so. Afin amuen nde'n te ô wié'm bé klun, o man ke béh dih nnen'n, o yô bé ke amuen nnen ye bé su di saa. Ke bé wu'en i wle kpa'n ti, bé klun titi bé.

2 Korɛntfuɛ Mun 8:7

Liké kpakpa'n kwlaa ti a sin a yia amun, an lafi Christ su kpa, an si idyo, an wun sa wle, an le awlen sa'n kwlaa nun, an klô é dan. N klô ke an yô aklunyéfue dan kusu.

Efɛzfuɛ Mun 5:9

Afin bé nga bé ô wia'n nun'n, bé yô swran yé, bé yô sa kpa, bé di nanwle.

Filipfuɛ Mun 1:11

Ye Jésus-Christ man amunh yôh sa kpakpa Nyanmien manmanle nin i komin su manle'n ti.

Filipfuɛ Mun 1:7

Ke m bu amun kwlaa amun akunndan ke nga sa'n, o ti kpa, afin amun nde lô n kpa. Ke é sé ye'n bo n wô bisua'n nun'n, nin laa bo n nyan n ti n dyran dyasin fe'n su mon o taka kpa'n, yé nga Nyanmien yôô min'n o yô amun kwlaa amun wié.

Kolɔsfuɛ Mun 3:16

Man Christ nde b'o ti amun liké kpa'n tran amun klun. Anh kan klé amun wiéngu, ngwlele kwlaa nga an sii'n anh fa tu amun wun fo. Anh tu amun klun tô psaume nin Nyanmien manmanle dyué nin asonun dyué'n menmen, anh le i asé.

1 Tɛsalonikfuɛ Mun 5:11

I so'n ti, anh tyityi amun wiéngu wla, mon o yô swran, afin ke an yôé soo.

1 Tɛsalonikfuɛ Mun 5:14

Aniaan mun, éh sreh amun ke an tu bé nga bé yô sa sukusuku'n bé fo, anh wla bé nga bé awlen soman'n bé yakpa, anh wuka bé nga bé le'a wunmien'n, anh tra amun awlen swran'n kwlaa bé wun.

2 Tɛsalonikfuɛ Mun 1:11

I so'n ti, é sre é Nyanmien'n titi ke o dyran amun sin, nan ke o wun amun'n, oh wunh ke flele ng'o flee amun'n o ti kpa. Man Nyanmien Kpli'n man sa kpa kwlaa nga an klô ke amunh yôh'n, nin sa kwlaa nga an lafi su ke oh yôh'n o yô yé.

2 Timote 1:5

N wla ô o Nyanmien su bo a lafii kpa'n su, o nannan Loïs nin o nin Eunice bé ye bé dun mmua lafii i su soo. Ye n si ke a lafi i su so wié kusu.

Filemɔn 1:21

Fluwa nga nh kleh m ble o ye'n, n si ke swran bo a bu min'n ti, liké nga n sé o ke a yô'n, ah yôh tra su.

Hébreu 5:12

Amuan tye, amuan dyu swran ufle'm bé liké kléle, sannge kusu an te kunnde ke bé fa Nyanmien nde'n i bôbôle'n klé amun ékun. Amuan yô swran b'o nin nyonflen nonle fata, an kwla di'a lie.

Hébreu 6:9

N swran kpa mun, kannze é kan so'n, é lafi su ke amun sa lie nga ke amun nyan amun ti'n an yô'n ti kpa tra bé lie'n.

2 Piɛr 1:12

An si sa so mun, ye an lafi nde nanwle nga an tili'n su kpa, sannge n su yatyi'a amun wla kpenle sa so'm bé su.

1 Jean 2:21

Nanh ke an si'a nde nanwle'n ti ye n kle fluwa so'n ble amuon, sannge i sile bo an sii'n tio, ye an si ke atô'n nin nanwle'n bé sa'an nun.