Rɔmfuɛ Mun 14:22 - Nyanmien nde Ufle

²² O sa wle bo a wuin so'n, mon o tran a nin Nyanmien amun afien. Swran ng'o wun liké ng'o yô'n i wle b'o wun ke se o yôo i klun su timen'n, i lie su ti yé!

NYANMIƐN NDƐ'N 1998

²² Ɔ sa wlɛ'n bɔ a wun i sɔ'n, man ɔ tran a nin Nyanmiɛn amun afiɛn. Sran ng'ɔ wun like ng'ɔ yo'n i wlɛ b'ɔ wun kɛ sɛ ɔ yo-ɔ i klun su ti-mɛn i'n, i liɛ su ti ye!

Rɔmfuɛ Mun 14:22 ပူးပေါင်းရင်းမြစ်များ

Sa nga bé yôli'n 24:16

I so'n ti ye man n kusu, m mian min nyin ke min awlen'n nun yô wéiin titi Nyanmien nin swran'm bé nyrun nion.

Rɔmfuɛ Mun 14:14

Swran wunmuan bo min nin é Min Jésus é ti'n ti, n si wéiin kpa ke liké kwlaa nga bé ô le'n, bé wié fi ti'a liké te, sannge se swran kun bu liké kun ke o ti'a kpa'n, wuun o ti'a kpa i nyrun.

Rɔmfuɛ Mun 14:2

Anh nian, swran wié ô le'n o lafi su ke o kwla di liké'n kwlaa, sannge swran ng'o nian wu'an sa ng'o yôo o ti su'n i wle'n, alie ngunmin ye o dio, o di'a nnen.

Rɔmfuɛ Mun 14:23

Sannge swran ng'o wu'an liké ng'o di'n i wle kpa se o ti kpa ô, se o ti'a kpa ô, nan o di'n, Nyanmien wa sé ke wa di fo, yele ke liké ng'o yô'n, o wu'en i wle. Afin liké kwlaa nga bé yô bo bé wu'en i wle ke o ti kpa nan ba yô'n, o ti sa te.

Rɔmfuɛ Mun 14:5

Swran wié bu ke tyen'n wié ti kpa tra wié, sannge wié nyrun i kwlaa ti kun. I so'n ti, man swran kun wun liké ng'o yô'n i wle nan wa yô.

Rɔmfuɛ Mun 2:1

I so'n ti, amun kwlaa bo an bu swran fo'n, an le'a nde fi. Afin ke an bu swran fo bo an yô sa kunngba nga swran so'n yô'n, an bu amun bobo amun wun fo.

Rɔmfuɛ Mun 7:15

Nanwle, sa nga n yô bé'n, n wu'en i wle, liké nga n klô ke nh yôh'n, nenh i ye n yôo, sannge liké nga n klô'a bé'n ye n yôo.

Rɔmfuɛ Mun 7:24

Ééé, n ti nyrennenfue dan! ?Wan ye oh tuh min nzuen nga b'o man nh wuh'n, i suo?

1 Korɛntfuɛ Mun 8:7

Sannge swran ngba sié i so. Afin amuen nde'n te ô wié'm bé klun, o man ke béh dih nnen'n, o yô bé ke amuen nnen ye bé su di saa. Ke bé wu'en i wle kpa'n ti, bé klun titi bé.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

Galasifuɛ Mun 6:1

Aniaan mun, se an wun ke amun niaan kun su yô sa wié b'o ti'a kpa'n, amun bo Nyanmien Wawe'n sié amun'n, anh klé i atin ng'o ti kpa'n amannien su. Sannge anh nian amun bobo amun wun nan amuan yô'a sa kunngba so'n wié.

Jacques 3:13

?Amun nun ônin ye o si ngwlele, o wun sa wleo? Man bé wun i so i nzuen kpa'n nin sa kpa ng'o yô bé'n bé nun, ye man bé wun ke o yô i wun aénvue, o ti ngwlelefue.

1 Jean 3:21

N swran kpa mun, se é si é klun lo ke ya yô'a sa te'n, é wla'n kwla gua asé Nyanmien nyrun.