Rɔmfuɛ Mun 14:18 - Nyanmien nde Ufle

¹⁸ Swran ng'o di Christ i dyunman'n ke nga sa'n, Nyanmien klun dyo i wun, ye swran'm bé bô i dunman.

NYANMIƐN NDƐ'N 1998

¹⁸ Sran ng'ɔ di Krist i junman'n kɛ nga sa'n, Nyanmiɛn klun jɔ i wun, yɛ sran'm be bo i dunman.

Rɔmfuɛ Mun 14:18 ပူးပေါင်းရင်းမြစ်များ

Marc 13:34

Oh yôh ke swran kun b'o su ko lika sa, o tu i bô i awlô'n nun, o fe i ninngé'n kwlaa wle i swran'm bé sa nun, o man bé kwlaa bé dyunman, ye o sé anuan sunianfue'n ke o nian su kpa.

Jean 12:26

Swran nga i waan oh suh min'n, mon o su n su, ye lika nga n wô nun'n, n swran so'n oh tranh lo wié. N Si buh swran ng'o su min'n i swran.

Sa nga bé yôli'n 10:35

sannge nvlé'n kwlaa nun swran ng'o srôé, b'o yô i klun sa'n, i klun dyo i wun.

Rɔmfuɛ Mun 12:11

Nanh an yô fuen, sannge anh yô kékléfue. Anh yô swran wakawakafue. Anh di é Min'n i dyunman'n kpa.

Rɔmfuɛ Mun 14:4

?A ti o lie se bo a kon o niaan wié dyunman difue'n i wun ndeo? Se i nzuen ti kpa ô, se o ti'a kpa ô, nonh o ndeo, i min'n i ndeo. Oh yôh kpa, afin é Min'n kwla suen i bô mon o yô kpa.

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

Rɔmfuɛ Mun 6:22

Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

1 Korɛntfuɛ Mun 7:22

Swran kun nga ke Nyanmien fleh'n o ti kanga'n, o katyi diéwa ba Min'n sa nun, i kunngba'n swran nga ke Nyanmien fleh'n o ti diéwa'n, o katyi Christ i kanga.

2 Korɛntfuɛ Mun 4:2

É wla liké nga bé yô nyannzuen ti bé fiafia su'n bé asé, é yô'a liké gblegble nun, é sannga'an Nyanmien nde'n, sannge ke é kan nde wéinwéin Nyanmien nyrun'n, o man swran'n kwlaa bé wun é wafa nga é ti'n.

2 Korɛntfuɛ Mun 5:11

Ke é si ke é Min'n yô srô'n, é kan nde wéiin klé swran mun nan bé katyi. Nyanmien si é kpa, ye é bu i ke amun kusu an si min kpa.

2 Korɛntfuɛ Mun 5:9

O man se é tran wa ô, se é ko ô, é mian é nyin ke liké kwlaa nga é yô'n, o yô é Min'n i fe.

2 Korɛntfuɛ Mun 6:4

Sannge sa kwlaa nun é fa é wun klé ke é ti Nyanmien dyunman difue. Se afe ô é su ô, se é sa mian ô, se é wun nyrennen ô, sa so'n kwlaa nun, é tra é awlen.

2 Korɛntfuɛ Mun 8:21

Nanh liké nga é Min'n i nyrun o ti nanwle'n i ngunmin ye é yôo, sannge é yô ng'o ti nanwle swran'm bé nyrun'n kusu wié.

Filipfuɛ Mun 4:18

Liké kwlaa nga an fa blee min'n, n nyenniin, o dyu min tra su. Ke Épaphrodite fa liké so'n bo an fa menniin ke o fa ble min'n blee min'n, o man liké'n kwlaa ti a sin a yia min. Liké so'm bé ti ke liké b'o bon fannin bo bé fa man Nyanmien, o so nun, o dyo i klun'n sa.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

Kolɔsfuɛ Mun 3:24

Man an si ke é Min'n bobo ye oh fah liké nga i waan i swran'm béh nyenh'n tua amun kaleo. Afin amun Min kpafue nga an sui'n, yele Christ.

1 Timote 2:3

Sa so'n ti kpa, o yô é Défue Nyanmien'n i fe.

1 Timote 5:4

Sannge ng'o le ba annze anunman'n, man ba so'm bé si ke bé Nyanmien sule'n nun sa nga bé dun mmua yô'n yele bé awlô'n i lika nianle. Ke béh yôh so'n, wuun liké nga bé si nin bé nin nin bé nannan'm bé yô maan bé'n, i wunsu ye bé su yô man béo. I so'n yô Nyanmien fe.

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 2:20

?Sannge se an yô sa, bo an tra amun awlen an dyran lé bé bô amun'n, nzu mô ye béh yôh amuon? Sannge se an yô kpa bo bé klé amun nyrennen, b'o son amun nun'n, i so'n ye o yô Nyanmien feo.

1 Piɛr 2:5

Amun kusu, an ti ke yebue b'o ô le tititi'n sa, man bé fa amun wla Nyanmien sua bo i Wawe'n kplan'n nun wié, ye amunh katyih Nyanmien nyrun dyranfue, bo i Wawe'n man amunh soeh wafa ufle su. Jésus-Christ ti, i sole so'n oh dyoh i klun.

1 Piɛr 3:16

Sannge anh te bé su amannien su, man bé wun ke an srô Nyanmien. Ke amunh yôh so'n, nanh an yô sa nga b'o man amunh kôkôh i sin'n, nan bé nga bé satyi amun dunman, bo bé kan sa kpa nga Christ ti an yô bé'n, bé nde'n, bé wun nyannzuen.