Rɔmfuɛ Mun 13:1 - Nyanmien nde Ufle

¹ Man swran'n kwlaa bé nyin ye ngbenngben mun, afin swran fi kwla di'a kpenngben bo nanh Nyanmien ye o sié io. Ye bé nga bé ô le nde bobo'n, Nyanmien ye o siéé béo.

NYANMIƐN NDƐ'N 1998

¹ Man sran'm be kwlaa bé nyin yi ngbɛn-ngbɛn mun, afin sran fi kwla di-man kpɛnngbɛn bɔ nán Nyanmiɛn yɛ ɔ sieli i-ɔ. Yɛ be nga be o lɛ ndɛ bɔbɔ'n, Nyanmiɛn yɛ ɔ sieli be-ɔ .

Rɔmfuɛ Mun 13:1 ပူးပေါင်းရင်းမြစ်များ

Matthieu 6:13

Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

Jean 19:11

Jésus sé i ke: Se Nyanmien a ma'an o atin'n, a kwla yô'a n sa fi. I so'n ti, swran ng'o fa min maan wo'n, i fo'n b'o dili'n i dan tro o lie'n.

Sa nga bé yôli'n 2:41

Bé bo bé fe i nde'n su'n, bé yôô bé baptême, tyen so'n nun swran bo bé dyu bo akpi-nsan kun bé ukaa bé su.

Rɔmfuɛ Mun 12:21

Nanh man bé nga bé yô amun te'n bé kwla amun, sannge anh yô bé kpa lélé an kwla bé.

Rɔmfuɛ Mun 13:2

O man swran ng'o dyaô bé wun'n, wuun wa yô nyin kéklé Nyanmien su. Bé nga bé yô nyin kéklé so'n, bé kpe bé bobo bé wun sae ba.

Efɛzfuɛ Mun 5:21

Ke amun nyin yi Christ'n ti, anh bu amun wiéngu swran.

1 Timote 2:2

Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

Tite 3:1

Kpen bé wla ke bé bu bé nga bé sié bé'n nin bé nga bé dyran bé dya nun'n bé swran, man bé nyin yi bé, sa kpa kwlaa nga bé sé bé ke bé yô'n, man bé yô.

Jude 1:8

Nde swran so'm bé si so, sannge bé bu akunndan tete'n lélé bé satyi, bé bu'a Nyanmien liké fi, bé kpe nyanmien su lo swran nga bé le nyrun'n bé nzôwa.

Sa nglô yile 17:14

Bé nin Bua Gbanflen'n béh kunh, sannge Bua Gbanflen'n nin bé nga o flee bé, o faa bé, bo bé fa bé wun menten kpa'n, béh kwlah bé, afin i ye o sié bé kwlaa nga bé sié swran'n nin famien muon.

Sa nglô yile 19:16

Bé kle dunman kun i trale'n nin i sowa'n su ke: Famien'm bé Famien nin swran'm bé min mun bé Min.