Rɔmfuɛ Mun 12:8 - Nyanmien nde Ufle

⁸ ye swran nga b'o man o si swran'm bé afotue man'n, mon o man. Swran ng'o man swran liké'n, mon o tu i klun yô, ye nga kusu b'o dyran swran'm bé nyrun'n, mon o nian su kpa yô, ye nga bo i waa n oh yôh swran yé'n, mon o yô i klun-ufué su.

NYANMIƐN NDƐ'N 1998

⁸ yɛ sran nga b'ɔ man ɔ si sran'm be afɔtuɛ man'n, man ɔ man. Sran ng'ɔ man sran like'n, man ɔ tu i klun yo, yɛ nga kusu b'ɔ jran sran'm be nyrun'n, man ɔ nian su kpa yo, yɛ nga bɔ i waan ɔ ´yo sran ye'n, man ɔ yo i klun-ufue su .

Rɔmfuɛ Mun 12:8 ပူးပေါင်းရင်းမြစ်များ

Matthieu 25:40

Ye m bo n ti famien'n nh séh bé ke: Nanwle, liké kwlaa nga an yô maan n nian nga bé yale'n tra wié'm bé lie'n, bé nun kun'n, min ye an yô maan mion.

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 13:12

Ke Sergius Paulus wuun sa so'n, é Min'n i nde'n bo bé klé'n o bôô i nuan kpa, nan wa lafi su.

Sa nga bé yôli'n 13:15

Ke bé wiéé mmla'n nin Nyanmien nuan idyofue'm bé fluwa'n i kanngan'n, Nyanmien sua sukpen'm bé sunmaan swran ke bé kô sé bé ke: Nnya mun, kpenngben'm bé waan: Se an le afotue nde wié bo an klô ke amunh kanh klé swran mun'n, anh kan.

Sa nga bé yôli'n 15:32

Jude nin Silas bo bé bobo bé ti Nyanmien nuan idyofue'n bé kan nde kpanngban, bé maan bé niaan'm bé afotue, bé wla bé fanngan.

Sa nga bé yôli'n 20:2

O wlanwlan men so'n nun, o man lofue'm bé afotue kpanngban sa sunman su, nan wa o Grèce.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 4:36

Joseph, Lévi ôsufue kun b'o fin Chypre men'n nun'n, bo bé bo Jésus sunmaan bé'n bé toen Barnabas bo i bô yele Tyityi Wla'n,

Rɔmfuɛ Mun 12:13

Anh ti amun niaan Christfue'm bé wun nyanman nun. Anh yô aklunyéfue.

Rɔmfuɛ Mun 13:6

I so'n ti ye man an su l'impôt nion, afin bé nga bé su l'impôt'n man bé'n, Nyanmien ye o sié bé ke bé di dyunman so nion.

1 Korɛntfuɛ Mun 12:28

Ke Nyanmien siéé swran'm bé so asonun'n nuon. Bé nun klikli'n yele bé b'o sunman bé'n, i nnyon su'n yele bé nga bé idyo i nuan'n, i nsan su'n, yele bé nga bé klé ninngé'n. Bé sin lie'n yele bé nga bé yô sa kéklééklé'n, bé nga bé yô tukpatyefue'm bé dyuédyué'n, bé nga bé yô swran yé'n, bé nga bé di kpen'n, bé nga bé kan anien wafawafa'n.

1 Korɛntfuɛ Mun 14:3

Sannge swran ng'o idyo Nyanmien nuan'n, o kan nde klé swran mun, o man bé yô swran, o man bé afotue, o gua bé awlen su nzué.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 11:3

Sre kun min ke bé wa satyi amun ti nun, o man an su fa'a amun wla'n kwlaa gue'e Christ su kun, ke wuô i gble'n ti o laka Ève b'o nyenniin'n sa.

2 Korɛntfuɛ Mun 8:12

Afin se swran kun bobo klun su i waan oh manh Nyanmien liké'n, liké nga i sa dyu su b'o fa men'n, o so nun, o mia'an swran ke o men liké b'o lemen'n.

2 Korɛntfuɛ Mun 9:11

Nyanmien manh amun liké'n kwlaa bo amunh fah yô aklunyé titi, ye amun nennen nga amun di bo éh fah kô man bé'n, o man béh lah Nyanmien asé.

2 Korɛntfuɛ Mun 9:13

Ke an nian bé like so'n, o klé ke an fa Christ dyasin fe'n bo an sé ke an lafi su'n i su kpa. Ke swran kpanngban bé wun i so'n o nin yé dan nga an yô bé nin swran wié mun'n, o man béh bôh Nyanmien dunman.

2 Korɛntfuɛ Mun 9:7

Man swran kun i liké ng'o bu i akunndan ke se o maan o ti kpa'n, o fa man, nanh mon o yô klunngbo su nin mianle su, afin swran ng'o man Nyanmien liké i klun-ufué su'n, i klun dyo i wun.

Efɛzfuɛ Mun 6:5

Kanga mun, man amun nyin yi amun min mun, anh bu bé swran, anh mian amun nyin ke liké nga amunh yôh'n o dyo bé klun, ke Christ ye an su yô men saa, nanh an bu i sin.

Kolɔsfuɛ Mun 3:22

Kanga mun, man amun nyin yi amun min mun sa'n kwlaa nun, anh bu bé swran. Nanh ke ke bé ô le'n i ngunmin ye an yôé so nan swran'm bé klun dyo amun wuon. Sannge é Min'n bo an srôé'n ti, liké nga an yô'n, nanh an bu i sin.

1 Tɛsalonikfuɛ Mun 2:3

Nanwle, nde nga é kan klé swran mun'n o ti'a atô, é akunndan'n ti'a te, ye é klô'a ke é laka swran.

1 Tɛsalonikfuɛ Mun 2:8

Klôle bo bé fa klô amun'n ti, nanh Nyanmien dyasin fe'n ngunmin ye é fa man amuon, sannge se é fa é bobo é wun nannan su'n, o ti kpa, afin an ti é awlen su swran.

1 Timote 4:13

Fa Nyanmien Nde kannganle nzra nun'n, nin afotue manle'n, nin liké kléle'n fa yô o dyunman man m ma tô o su.

1 Timote 5:17

Asonun kpenngben ng'o sié asonun'n kpa'n, se bé bui swran bé yô i mô dan'n, i yôwle suo. Sannge bé nga bé yô bé lie'n tra su'n, yele kpenngben ng'o di dyunman kpa o kan Nyanmien nde, o klé liké'n.

1 Timote 6:18

Sé bé ke bé yô sa ng'o ti kpa'n, bé yô swran yé, ye o ti anyanbéun kpa nion. Man bé yô aklunyé, bé tye swran liké.

Hébreu 10:25

Nanh man é yatyi yiale'n ke swran wié'm bé yô'n sa. Sannge man é yia, é tu é wun fo. Sien'n bo an wun ke é Min'n i tyen'n su mantan'n, anh yôé so tra su.

Hébreu 13:17

Man amun nyin yi amun kpenngben mun, anh bu bé swran. Bé nian amun su titi, afin bé wa kan bé dyunman'n i su nde klé Nyanmien. Anh yô sa nga b'o man bé klun dyo bé dyunman'n su'n. Se amuan yô'e i so bo bé ôtô'n, o man bé su kwla uka'a amun.

Hébreu 13:22

Aniaan mun, nh sreh amun, anh fa afotue nga m maan amun ye'n su, afin o ti'a nde tennden.

Hébreu 13:24

Nh yôh amun kpenngben nin Nyanmien swran'm bé kwlaa bé liké. Italiefue'm béh yôh amun liké.

Hébreu 13:7

Anh bu amun kpenngben bo laa bé kan Nyanmien nde kléé amun'n bé akunndan. Anh nian bé nzuen'n nin bé agualie'n, anh nian ke bé fa lafi Nyanmien su'n, anh lafi i su so wié.