Rɔmfuɛ Mun 12:3 - Nyanmien nde Ufle

³ Yé dan nga Nyanmien yôli'n min'n ti, nh séh amun kwlakwla ke, nanh an bu amun wun swran dan tra wafa nga an ti'n su, sannge anh nian wafa nga Nyanmien man an lafi i su'n, se an lafi su kpa ô, ye man amun si wafa nga amun ti'n.

NYANMIƐN NDƐ'N 1998

³ Ye dan nga Nyanmiɛn yoli min'n ti, n ´se amun kwlakwla kɛ nán an bu amun wun sran dan tra wafa nga an ti'n su, sanngɛ an `nian wafa nga Nyanmiɛn man an lafi i su'n, sɛ an lafi i su kpa o, yɛ man amun si wafa nga amun ti'n.

Rɔmfuɛ Mun 12:3 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 18:11

Pharisifue'n dyran nglô o kan ke i bobo ti'n klé Nyanmien, o sé ke: Nyanmien Kpli, kwla ô, afin n lie'n, n ti'a ke swran nga'm bé sa, bo bé dé swran liké wué kéklé su, bé di'a nanwle, bé kunnde bla bé yi bô nin bian bé wun bô'n bé lie'n sa, ye n ti'a ke guabô sika défue ng'o dyin ye'n sa.

Jean 3:34

afin swran nga Nyanmien sunmenniin'n, Nyanmien nde'n ye o kaan, i Wawe'n b'o fa men b'o nie'en i sin'n ti.

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 11:20

O ti so. Nyanmien bo bé lafi'e i su kpa'n ti ye bé kpekpee béo, o kusu, i su bo a lafi'n ti ye man a ô leo. Nanh tu o wun, sannge nion o wun kpa,

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 12:16

Man amun nuan se. Nanh an bu akunndan dandan, se bé sé amun ke an di dyunman b'o ti'a dyunman kpa'n, anh di. Nanh an bu amun wun ngwlelefue.

1 Korɛntfuɛ Mun 15:10

Sannge swran nga man yôé ye'n, yé bo Nyanmien yôô min'n ti ye man man yô soo. Yé so'n b'o yô min'n wa yô'a ngben, afin n dii dyunman dan tra bé ngba, nanh ke m bobo min ye n di dyunman so nion, sannge Nyanmien ye o dyran n si ye man n dii dyunman so nion.

1 Korɛntfuɛ Mun 3:10

Nyanmien klun-ufué'n ti man yô ke sua kplanfue b'o si sua kplan sa, n wlaa sua'n i bô asé, ye swran ufle su taka su. Sannge man swran ng'o taka su'n, o nien i wafa ng'o fa taka su'n i su kpa.

1 Korɛntfuɛ Mun 7:17

Sannge sa ng'o ti tyinndyin'n yele ke man swran kun tran ke Nyanmien siélii'n sa, o nin i wafa ng'o ti bo Nyanmien fa flelii'n su. I so nde ye n ken i asonun'n kwlaa nuon.

2 Korɛntfuɛ Mun 10:13

É lie'n, Nyanmien kléé é dyunman nga é di'n o nin i dyuwle, an wô nun wié. Ke éh dih é nuan'n é fa'a liké ng'o nu'an é dyunman lie'n nun'n di'a é nuan.

2 Korɛntfuɛ Mun 12:13

?Nzu liké ye n yô maan asonun nga mun bo man yô'a wié a ma'an amuon? San liké bo man démen amun sa nun'n, i tye! Se i ye o ti sa bo n yôli amun'n, anh yatyi.

2 Korɛntfuɛ Mun 12:7

Ke o kô yô nan man tu'a min wun abônuan sa bo Nyanmien yi bé nglô kléé min'n ti, o man tukpatye wié too n su o ka n kplô'n nun. O ti ke Satan (*f6*) i ange sa, o ba m bôle nan man tu'a min wun.

Galasifuɛ Mun 6:3

Se swran kun bu i wun ke o ti swran dan b'o ti'a so'n, wuun wa leke i bobo wun.

Efɛzfuɛ Mun 3:2

Sa nga Nyanmien i klun-ufué'n ti o man n yô man amun'n, n lafi su kpa ke an tili.

Efɛzfuɛ Mun 3:4

Se an kanngan'n, amunh wunh i wle wéiin ke n si Christ i wun nde bo Nyanmien fiee swran'm bé nyrun'n kpa.

Efɛzfuɛ Mun 4:16

ye man wunnen wunmuan'n kwlaa ô leo, ye wunnen so'n i lika kun dyunman lie nga bé klé i ke o di'n o dio, afin bé kwlaa bé sasa su. O man o nyin o yô kpa klôle bo bé klô bé wun'n ti.

Filipfuɛ Mun 2:13

Afin Nyanmien bobo ye o man i klun sa yôle'n yô amun fe, ye man an kwla yôo.

Kolɔsfuɛ Mun 1:29

I so'n ti ye n fa wunmien ng'o maan min, bo i ti ye n le fanngan'n m mian min nyin fa di dyunman kpa nion.

Kolɔsfuɛ Mun 2:13

Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

1 Timote 1:14

Yé nga é Min'n yôô min'n i nyin fitéé dan, o man ke é nin Christ-Jésus é katyii swran wunmuan'n, é lafi i su, ye é klô i nin swran.

1 Timote 2:15

Sannge se bla lafi Nyanmien su kpa, o klô swran titi, o yô Nyanmien lie mlonmlon, b'o nien i wun su kpa'n, se o kô wu ba'n, oh fitéh nun.

1 Timote 2:9

I kunngba'n, n klô ke tannin nga mmla'm bé kla'n bé kle i kpa, nanh man bé fa bé wun klé, sannge man bé sié bé wun kpa. Ke béh siésiéh bé wun'n, nanh man bé fa bé wla gue bé ti bo bé yô'n, nin sika okwle, nin aflé, nin trale b'o le gua'n bé su,

Tite 2:12

Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

Tite 2:2

Sé yasua kpenngben'm bé ke bé bu akunndan, bé di nanwle, bé yô sa i nuan su, man bé dyran kéklé bé lafi Nyanmien su, bé klô Nyanmien nin swran, bé tra bé awlen.

Tite 2:4

nan bé fa klé talua mun ke bé klô bé klô bé wun nin bé mma mun,

Tite 2:6

Kan klé ngbanflen mun ke bé kusu bé yô sa i nuan su.

Jacques 4:6

Sannge yé ng'o yô yé'n ti dan, afin bé klee ke: «Nyanmien nin bé nga bé tu bé wun'n mun lee, Sannge o yô aénvuefue'm bé yé.»

1 Piɛr 1:13

I so'n ti, anh bu akunndan, anh nian amun wun su, man amun nyin tran liké nga tyen nga Jésus-Christ wa yi i wun nglô'n oh fah man amun'n su kpa.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»

1 Piɛr 5:8

Anh sasa amun wun, anh niannian! Afin mmusu'm bé si Satan b'o ti amun kpofue'n, o ti ke dyra b'o wlanwlan, o kpan kunnde nnen'n sa.

3 Jean 1:9

N kle nde kaan blee asonun'n, sannge Diotrèphe b'o klô ke oh yôh bé sukpen'n, o fa'a é nde'n su.