Rɔmfuɛ Mun 12:12 - Nyanmien nde Ufle

¹² Amun nyin b'o ô é Min'n i sin'n ti, anh gua amun wla asé. Se sa to amun su'n, anh tra amun awlen. Amun nin Nyanmien anh kôkô yale titi, nanh amun kponzo.

NYANMIƐN NDƐ'N 1998

¹² Amún nyin b'ɔ wo e Min'n i sin'n ti, an `gua amún wla ase. Sɛ sa tɔ amun su'n, an `tra amun anwlɛn. Amun nin Nyanmiɛn an `koko yalɛ titi, nán amun kpɔnzɔ.

Rɔmfuɛ Mun 12:12 ပူးပေါင်းရင်းမြစ်များ

Matthieu 5:12

yele ke amun mô'n o wa yô dan nyanmien su lo. I so'n ti, man amun klun dyo, man amun wun blibli amun. Afin laa ke bé kléé Nyanmien nuan idyofue'm bé yale soo, i sin nan ba wu amun.

JÉSUS-CHRIST I DYASIN FE'N BO LUC KLELI'N 10:20

Kannze n séé so'n, nanh amun klun dyo ninngé'm bo bé srô amun'n ti, sannge man amun klun dyo amun dunman bo ba klee nyanmien su lo'n ti.

JÉSUS-CHRIST I DYASIN FE'N BO LUC KLELI'N 21:19

Se an tra amun awlen'n, amunh nyanh amun ti.

JÉSUS-CHRIST I DYASIN FE'N BO LUC KLELI'N 8:15

Nga kusu b'o gua asie kpafue'n su'n, yele bé nga bé sié bé su Nyanmien nde'n su bé ti, bé wun i wle, bé fa su kpa'n. Bé ye bé ti awié b'o yôô kpa nion.

Sa nga bé yôli'n 1:14

Bé nin bla mun, nin Marie Jésus nin'n, ye niaan bian mun bé kwlaa bé bô yôô kun, bé nin Nyanmien bé kôkô yale. Yale kôkôle so'n dii bé mlonmlon.

Sa nga bé yôli'n 12:5

I so'n ti, sôndya'm bé nian Pierre su kpa bisua'n nun, sannge asonunfue'm bé sre Nyanmien titi ke o nien i su.

Sa nga bé yôli'n 2:42

Bé fa bé bo Jésus sunmaan bé'n bé nde'n su kpa, bé tran aniaan tranle, bé di liké lika wle, bé nin Nyanmien bé kôkô yale tititi.

Sa nga bé yôli'n 6:4

É lie'n, é nin Nyanmien éh kôkôh yale, ye éh kenh i nde'n tititi.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 15:4

Nde kwlaa nga bé klee bé laa'n, bé kle i so ke bé fa klé é ngwlele, nan Nyanmien fe i nde so'n wla é fanngan, nan é tra é awlen, é fa é wla'n gue i su.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 8:25

Se é nyin ô liké bo bé waan béh fah man é bo é nian wunmen'n, i sin'n, é tra é awlen é tran minnde.

1 Korɛntfuɛ Mun 13:13

Sien'n, liké nsan ng'o ka le'n bé ye, Nyanmien su lafile, é wla bo é fa gue Nyanmien su'n, nin klôle bo é fa klô Nyanmien nin swran'n, sannge bé nun dan'n yele Nyanmien nin swran bé klôle.

2 Korɛntfuɛ Mun 12:8

Man sre é Min'n kpe nsan ke o yi tukpatye so'n n kplô'n nun.

Filipfuɛ Mun 3:1

N niaan mun, min nde'n i atabô'n ye: swran wunmuan bo amun nin é Min'n ti'n ti, man amun klun dyo. Nde nga n kle blee amun laa'n, ke nh kleh ble amun ékun'n o ti'a min afe, ye se n yô so man amuon o ti kpa.

Filipfuɛ Mun 4:4

Swran wunmuan bo amun nin é Min'n ti'n ti, tyen kwlaa man amun klun dyo, nh kenh i ékun, man amun klun dyo.

Kolɔsfuɛ Mun 1:11

É sre i ke o man amun fanngan i kwlale dan b'o le'a wunsu'n ti, nan sa'n kwlaa nun amun klun dyo, an kwla tra amun awlen blu sa'm bé su.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

Kolɔsfuɛ Mun 4:2

Anh kôkô yale klé Nyanmien titi, anh fa amun wla'n kwlaa gua su yô, anh le i asé.

1 Tɛsalonikfuɛ Mun 1:3

É akunndan ô liké nga Christ su bo an lafi'n ti an yô'n, nin dyunman nga an di klôle bo an fa klô Nyanmien nin swran'n, nin amun wla bo an fa gua é Min Jésus-Christ su kpa'n bé su, ye é kan klé é Si Nyanmien.

1 Tɛsalonikfuɛ Mun 5:8

Sannge é bo é ô wia'n nun'n, man é nian é wun su. Man Christ su bo é lafi'n nin é swran nin Nyanmien klôle'n o yô ke liké kôklôkô bo é fa kata é wué'n su'n sa. Man é ti bo é wla ô su ke éh nyenh'n o yô ke kpôngbô klé sa.

2 Tɛsalonikfuɛ Mun 1:4

Ye é fa amun di é nuan Nyanmien i asonun'm bé nun, afin yale kwlaa nga bé klé amun'n nin nyrennen nga an wuin'n, i kwlaa so'n nun, an tra amun awlen an lafi Christ su.

2 Tɛsalonikfuɛ Mun 3:5

Man é Min'n man an wun klôle nga Nyanmien fa klô amun'n, ye o man an tra amun awlen ke Christ lie'n sa.

1 Timote 6:11

Sannge o bo a ti Nyanmien i swran'n, nanh fo o wun wle ninngé so'm bé yôle nun. Mion o nyin yô sa ng'o ti kpa'n, fo o wun mantan Nyanmien, lafi i su, klô Nyanmien nin swran, tro o awlen, yô weteefue.

2 Timote 3:10

O lie'n, a si liké nga n klé'n kpa, nin min nzuen'n, nin min akunndan'n, nin min Nyanmien su bo n lafi'n, nin min awlen bo n tre'n, nin min Nyanmien nin swran'm bé klôle'n, nin min kéklé bo n dyran'n,

Tite 2:13

É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

Tite 3:7

nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Hébreu 10:32

Anh bu laa bo ke Nyanmien man an wuun asé'n, nyrennen dan kpa nga an wunniin'n bo an dyran kéklé'n i akunndan.

Hébreu 10:36

Anh tra amun awlen nan amuan yô Nyanmien klun sa, nan amuan nyan liké nga i waan oh fah man mun'n.

Hébreu 12:1

I so'n ti, ke swran kpanngban kpa bo bé kan Nyanmien sulafile nde'n bé sin yia é kukukuku'n, man é kusu é gua liké kwlaa ng'o tanndan é nun'n bé asé, man é wla sa te'n kwlaa asé, afin o fi'an wa dyu'a wa nan wa tanndan é dya nun. Man é mian é nyin sin lika nga bé klé yé'n nun.

Hébreu 3:6

Christ kusu, ke o ti i Wa'n, o nien i bobo i awlô'n su kpa so. Se é tra é awlen dyran kéklé lafi liké nga é wla ô su ke éh nyenh'n su kpa'n, é ti i awlô.

Hébreu 5:7

Ke Christ so'n wô asie'n su wa'n, o kpannin, i nyinmuen guali, nan wa sre Nyanmien b'o kwla déé wié'n nun'n ke o nien i su, o dyran su kpa. Srôle b'o srô Nyanmien'n ti o tili.

Hébreu 6:12

É klô'a ke an yô nveefue, sannge an nian bé nga bé lafi Nyanmien su, bé tra bé awlen b'o man bé nyan liké nga i waan oh fah man bé'n, bé lie'n su yô.

Hébreu 6:15

O men i so'n ti, ke Abraham tre i awlen lélé'n, o nyaan liké nga Nyanmien séé ke oh menh'n.

Jacques 5:7

I so'n ti, aniaan mun, anh tra amun awlen lélé mon o fa dyu é Min'n i bale. Anh nian fié difue mun, bé tra bé awlen lélé bé nyan bé fié'n su liké kpakpa. Bé tra bé awlen lélé kôfié bôle nzué'n nin wawa nzué'n o to su.

1 Piɛr 4:13

Sannge ke an wun nyrennen kunngba nga Christ wunniin'n wié'n, man amun klun dyo, nan tyen nga béh yih i swran wafa ng'o ti'n i nglô'n, amun klun a dyo kpa.

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

2 Piɛr 1:6

Ke an wun sa'm bé wle'n, anh nian amun wun su. Ke an nian amun wun su'n, anh tra amun awlen. Ke an tra amun awlen'n, anh fa amun wun mantan Nyanmien.

Sa nglô yile 13:10

Swran nga bé siéé ke bé wle bisua'n, san béh wleh, ye swran ng'o fa kaka kun swran'n, san béh fah kaka kuin wié. I kwlaa so'n nun, man bé wun ke Nyanmien i swran'm bé le awlen, ye bé lafi i su.