Rɔmfuɛ Mun 12:10 - Nyanmien nde Ufle

¹⁰ Anh klô amun wun kpa ke swran nin i niaan sa, anh bu amun wiéngu swran.

NYANMIƐN NDƐ'N 1998

¹⁰ An `klo amun wun kpa kɛ sran nin i niaan sa, an `bu amun wiengu sran.

Rɔmfuɛ Mun 12:10 ပူးပေါင်းရင်းမြစ်များ

Matthieu 20:26

Amun lie'n su yô'a so, sannge amun nun swran ng'o klô ke oh yôh dan'n, mon o su wiéngu mun,

JÉSUS-CHRIST I DYASIN FE'N BO LUC KLELI'N 14:10

Sannge se swran fle o ke a wa di liké'n, kô tran sien lo bia lie'n su, nan swran ng'o flee wo'n, se o dyu le'n wa sé o ke: Dyanvue, wa tran bia kpa nga su. I so'n nun, ah nyanh komin bé nga a nin bé di liké'n bé nyrun.

Jean 15:17

Nde nga nh kanh klé amun'n yele ke anh klô amun wiéngu.

Jean 17:21

N Si, nh sreh o ke bé katyi swran wunmuan, ye bé nin é é yô swran wunmuan ke min nin o é ti swran wunmuan'n sa nan men nunfue'm bé lafi su ke wo ye a sunmaan mion.

Sa nga bé yôli'n 4:32

Swran kaka nga bé lafii Christ su'n, bé bô yôô kun, bé akunndan'n ti kun. Bé nun wié fi sé'a ke i ninngé'm bé ti i ngunmin lie, sannge liké ng'o ti swran kun lie'n, o ti bé kwlaa bé lie.

Rɔmfuɛ Mun 13:7

Bé kale kwlaa ng'o ô amun su'n, anh tua man bé. Swran nga bé su l'impôt men'n, anh su men. Swran nga amun ninngé'm bé su sika'n ti i lie'n, anh yi men. Swran ng'o ti bo an srôé'n, anh srôé, ye ng'o ti bo an bui swran'n, anh bui swran.

Galasifuɛ Mun 5:13

Aniaan mun, Nyanmien flee amun ke an nyan amun ti, sannge amun ti bo amun nyen so'n ti, nanh an yô klo swran nyôlie'n, sannge anh bu amun wun ke an ti amun wiéngu kanga, anh wuka amun wun klôle bo an klô amun wun'n ti.

Galasifuɛ Mun 5:22

Sannge sa nga Nyanmien Wawe'n man swran yô'n ye: o man bé klô Nyanmien nin swran, bé klun dyo, bé wla gua asé, bé tra bé awlen, bé yô swran yé, bé yô aklunyé, bé di nanwle,

Galasifuɛ Mun 5:6

Ke é nin Christ-Jésus ya katyi swran wunmuan'n, se é wla klen ô, ya wla'a klen ô, nenh i li ye bé niaan, sannge klôle bo é fa klô swran nin Nyanmien'n i su bo é lafi'n ti'n, i li ye bé niaan.

Filipfuɛ Mun 2:3

Nanh an bu amun bobo amun wun akunndan yô liké fi, nanh an kunnde amun dunman, nanh an tu amun wun, sannge anh bu swran wié'm bé swran tra amun bobo.

Kolɔsfuɛ Mun 1:4

afin é tii Christ-Jésus su bo an lafi'n, nin klôle nga an fa klô Nyanmien swran'n kwlaa'n i nde bo bé kan'n.

1 Tɛsalonikfuɛ Mun 4:9

Amun niaan klôle nde lie'n, é bô'a ye kle'a amun i su fluwa, afin Nyanmien bobo kléé amun ke an klô amun wun.

2 Tɛsalonikfuɛ Mun 1:3

Aniaan mun, anh lafi Christ su kpa tra laa'n, klôle nga amun kwlaa an fa klô amun wun'n ti dan tra laa'n, o man amun ti o fata ke é la Nyanmien asé titi, se é yôé soo o ti su.

Hébreu 13:1

Anh klô amun wun kpa ke swran nin i niaan sa tititi.

1 Piɛr 1:22

Ke an faa nde nanwle'n su, bo amun wun sa'n wiéli'n, o man an klô'a amun niaan Christfue mun amun nuan bui su. I so'n ti, anh klô amun wun kpa, anh tu amun klun yô sa ng'o klé ke an klô amun wun'n.

1 Piɛr 2:17

Anh bu swran'n kwlaa bé swran, anh klô amun niaan Christfue mun, man amun nyin yi Nyanmien, anh bu famien'n i swran.

1 Piɛr 5:5

Gbanflen mun, amun kusu anh bu kpenngben'm bé swran. Amun kwlaa anh yô amun wun ke kanga sa, anh wuka amun wun, afin bé klee Nyanmien Nde'n nun ke: «Nyanmien nin bé nga bé tu bé wun mun lee, Sannge o yô aénvuefue'm bé yé.»

2 Piɛr 1:7

Ke an mantan Nyanmien'n, anh yô amun niaan'm bé kpa. Ke an yô bé kpa'n, anh klô swran.

1 Jean 4:11

N swran kpa mun, se Nyanmien klô é dan ke nga sa'n, man é kusu é klô é wun so.

1 Jean 4:20

Se swran kun sé ke o klô Nyanmien, sannge o kpo i niaan'n, wuun atô ye o buaa. ?Afin se o klô'e i niaan'n b'o wuin'n, o yô se ye o kwla klô Nyanmien b'o wunmen nion?