Rɔmfuɛ Mun 12:1 - Nyanmien nde Ufle

¹ Aniaan mun, aunnvue dan bo Nyanmien wunnin yé'n ti, nh sreh amun kpa ke an fa amun wun men ke sraka bo bé dyre sa, b'o ti i lie mlonmlon, bo i klun dyo su, i ye o ti i sole wafa b'o ti suo.

NYANMIƐN NDƐ'N 1998

¹ Aniaan mun, aunnvuɛ dan bɔ Nyanmiɛn wunnin ye'n ti, n ´srɛ amun kpa kɛ an fa amun wun mɛn i kɛ sraka bɔ be jrɛ i'n sa, b'ɔ ti i liɛ mlɔnmlɔn bɔ i klun jɔ su, i yɛ ɔ ti i sɔlɛ wafa b'ɔ ti su-ɔ.

Rɔmfuɛ Mun 12:1 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 7:47

I so'n ti, nh kanh klé o ke, i klôle dan b'o fa klô min'n klé ke Nyanmien a yatyi i sa tete kpanngban b'o yôli'n wa tyee. Sannge swran nga i sa te b'o yôli bo Nyanmien yatyi tyelii'n, o ti'a dan'n, i klôle b'o fa klô min'n ti kaan.

Rɔmfuɛ Mun 12:2

Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 15:30

[Aniaan mun,] nh sreh amun, anh nian é Min Jésus-Christ nin klôle nga Nyanmien Wawe'n man é klô é wun'n ti,

Rɔmfuɛ Mun 2:4

Nyanmien ti aklunyéfue dan kpa, o kpli'a sa wun, o kpli'a sa wun, o blu sa su. ?O nin i so'n ngba, an bu'e liké fi? ?An si'a ke Nyanmien yô kpa nan an katyi amun nzuen'n?

Rɔmfuɛ Mun 6:13

Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

Rɔmfuɛ Mun 6:16

?An si'a ke sa an fa amun wun man swran kun, bo an katyi i swran, bo amun nyin yii'n, wuun an ti i kanga? O man an kwla fa amun wun man sa te yôle bo i agualie yele wié'n, annze Nyanmien i nyin yile bo i agualie yele swran i swran kpa katyile'n.

Rɔmfuɛ Mun 6:19

Klo swran bo amun ti bo amun awlen soman'n ti ye n fa swran akunndan ken i soo. Laa an fa amun wun maan sa tete yôle'n nin mmla tonle'n nan amunh yôh sa sukusuku mun, o man sien'n, anh fa amun wun man sa kpa yôle'n nan anh fah Nyanmien nzuen'n.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

1 Korɛntfuɛ Mun 1:10

Aniaan mun, é Min Jésus-Christ ti nh sreh amun, man amun nuan se, nanh an bubu amun wun nun, sannge man amun akunndan'n nin amun nen'n yô kun.

2 Korɛntfuɛ Mun 10:1

M bobo m Paul m ma sre amun liké kun. Bé sé ke, ke n wô amun nyrun lo'n, n ti wetee kpé nun, sannge ke n nu'an lo'n, nde nga n kan klé amun'n, n ken yasua su. Christ b'o ti weteefue b'o ti swran kpa'n i dunman nun

2 Korɛntfuɛ Mun 4:1

Nyanmien i aunnvue b'o si é b'o fa é wlaa dyunman nga nun'n ti, é sa sin bubu'a é.

2 Korɛntfuɛ Mun 4:16

I so'n ti, é sa sin bubu'a é. Kannze é wunnen ng'o ô ye'n o satyi'n, liké nga bo man bé fle min swran'n, tyen kwlaa Nyanmien bôé monnen.

2 Korɛntfuɛ Mun 5:20

O man é ti Christ i dya nun dyranfue, Nyanmien bobo fa nde ng'o klô ke oh kanh klé amun'n, wla é nuan, o man éh sreh amun Christ dunman nun, man Nyanmien siésié amun nin i bobo amun afien.

2 Korɛntfuɛ Mun 6:1

I so'n ti, é bo é nin Nyanmien é di dyunman kun'n, éh sreh amun, nanh man yé nga Nyanmien yôô amun'n o yô ngben,

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Efɛzfuɛ Mun 5:10

Anh mian amun nyin anh yôh sa ng'o yô é Min'n i fe'n.

Filipfuɛ Mun 1:20

Liké nga n wla'n wô su, bo n kunndee kpa'n yele ke, nanh man liké fi kun min nyannzuen, sannge n tra min awlen nde nin tyen kwlaa lélé, se n nyan nguan ô, se n wu ô, liké kwlaa nga n yô'n o ba Christ nyrunnyan.

Filipfuɛ Mun 2:17

Nyanmien su bo an lafi'n ti ke nnen bo bé fa soe'n sa. Se bé fa min uka su men'n, oh dyoh n klun ye amun kwlaa amunh yô m mô.

Filipfuɛ Mun 4:18

Liké kwlaa nga an fa blee min'n, n nyenniin, o dyu min tra su. Ke Épaphrodite fa liké so'n bo an fa menniin ke o fa ble min'n blee min'n, o man liké'n kwlaa ti a sin a yia min. Liké so'm bé ti ke liké b'o bon fannin bo bé fa man Nyanmien, o so nun, o dyo i klun'n sa.

1 Tɛsalonikfuɛ Mun 4:1

Aniaan mun, min nde'n i atabô'n ye: sa nga an yôo o yô Nyanmien fe'n, é kléli amun, an fali su an yô, sannge swran wunmuan bo é nin é Min Jésus ti'n ti, éh sreh amun ye éh kanh klé amun kpa ke an yô i so tra laa'n.

1 Tɛsalonikfuɛ Mun 4:10

O man ke amun nin é niaan kwlaa nga bé ô Macédoine men wunmuan'n nun'n an klô amun wun soo, sannge aniaan mun, éh sreh amun ke an yô i so tra laa'n.

1 Tɛsalonikfuɛ Mun 5:12

Aniaan mun, éh sreh amun ke an bu bé nga bé di dyunman amun afien bo é Min'n fa bé siéé amun su ke bé tu amun fo'n, bé akunndan.

1 Timote 2:3

Sa so'n ti kpa, o yô é Défue Nyanmien'n i fe.

1 Timote 5:4

Sannge ng'o le ba annze anunman'n, man ba so'm bé si ke bé Nyanmien sule'n nun sa nga bé dun mmua yô'n yele bé awlô'n i lika nianle. Ke béh yôh so'n, wuun liké nga bé si nin bé nin nin bé nannan'm bé yô maan bé'n, i wunsu ye bé su yô man béo. I so'n yô Nyanmien fe.

Filemɔn 1:10

n wa Onésime bo n katyii i si bisua'n nun wa'n ti, yatyi.

Filemɔn 1:9

sannge nga lie'n, o fata ke n sre o klôle bo a klô bé'n ti. M Paul bo man yô kpenngben bo Christ-Jésus ti sien'n n wô bisua'n nun'n,

Hébreu 13:22

Aniaan mun, nh sreh amun, anh fa afotue nga m maan amun ye'n su, afin o ti'a nde tennden.

1 Piɛr 2:20

?Sannge se an yô sa, bo an tra amun awlen an dyran lé bé bô amun'n, nzu mô ye béh yôh amuon? Sannge se an yô kpa bo bé klé amun nyrennen, b'o son amun nun'n, i so'n ye o yô Nyanmien feo.

1 Piɛr 2:5

Amun kusu, an ti ke yebue b'o ô le tititi'n sa, man bé fa amun wla Nyanmien sua bo i Wawe'n kplan'n nun wié, ye amunh katyih Nyanmien nyrun dyranfue, bo i Wawe'n man amunh soeh wafa ufle su. Jésus-Christ ti, i sole so'n oh dyoh i klun.