Rɔmfuɛ Mun 11:7 - Nyanmien nde Ufle

^7-8 Se o ti so'n, éh séh ke, liké nga Israëlfue'm bé kunnde'n, ba nyenmen, san bé kaan nga Nyanmien faa bé'n, bé ngunmin ye bé nyennin io. Sannge nde nga bé klee ke bé nga'm bé wa yô swran bo bé wu'an sa wle'n, ye wa kpen su ye'n. Bé klee ke: «Nyanmien man bé katyii ke swran bo bé akunndan nu'an le sa, Ye o man bé wu'an asé, Bé ti'a sa Lélé fa dyu nde.»

NYANMIƐN NDƐ'N 1998

^7-8 Sɛ ɔ ti sɔ'n, e ´se kɛ like nga Izraɛlfuɛ'm be kunndɛ'n, b'a nyɛn-mɛn i, san be kaan nga Nyanmiɛn fali be'n, be ngunmin yɛ be nyɛnnin i-ɔ. Sanngɛ ndɛ nga be klɛli i kɛ be nga'm be wa yo sran bɔ be wun-man sa wlɛ'n, yɛ ɔ'a kpɛn su yɛ'n. Be klɛli i kɛ: «Nyanmiɛn man be kacili kɛ sran bɔ be akunndan nun-man lɛ sa, yɛ ɔ man be wun-man ase. Be ti-man sa lele fa ju ndɛ .»

Rɔmfuɛ Mun 11:7 ပူးပေါင်းရင်းမြစ်များ

Marc 6:52

afin ba wu'an kpaun'n i atre'n i wle, yele ke ba kété.

JÉSUS-CHRIST I DYASIN FE'N BO LUC KLELI'N 13:24

Anh mian amun nyin anh sin anuan fii'n nun. Afin anh nian, swran kpanngban bé klô ke béh sinh nun, sannge bé su kwla sinman.

Jean 12:40

«Nyanmien katyii bé anyansifue, O man bé kétéli Nan bé nyinma a wunmen, Ba wu'en i wle, ye ba sa'a bé sin min wun, Nan man yô'a bé dyuédyué.»

Rɔmfuɛ Mun 10:3

Afin ke bé si'a liké wafa nga Nyanmien yô b'o bu swran swran kpa'n, bo bé bobo bé kunnde liké wafa nga bé yô nan ba yô swran kpa'n, o man ba fa'a Nyanmien lie'n su.

Rɔmfuɛ Mun 11:25

Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

Rɔmfuɛ Mun 11:5

I kunngba'n, ke é ô ve'n kusu, bé ônga kaan kaa le bo Nyanmien faa bé i klun-ufué'n ti.

Rɔmfuɛ Mun 3:9

?Se o ti so'n, é yôé se? ?É Juif mun é ti kpa tra swran nga mun? O ti'a so mlonmlon! Afin ya dun mmua sé ke sa te'n wa ka swran'n kwlaa bé nun, Juif ô, swran wié mun ô.

Rɔmfuɛ Mun 6:15

?Se o ti so'n, éh yôéh se? ?Ke Nyanmien dyra'an mmla'n su ye o sié é, b'o yô é yé titi'n, i so'n ti, éh yôh sa te? É su yô'e i so mlonmlon?

Rɔmfuɛ Mun 9:18

O man é si ke swran ng'o klô ke oh wunh i aunnvue'n, o wun i aunnvue, ye swran ng'o klô ke oh kétééh'n, o kétéé.

Rɔmfuɛ Mun 9:23

?Se o yôé so ke o fe i yé dan b'o yô é i klun-ufué su'n klé yé'n, o kwla yô'e so? Afin é b'o wunnin é aunnvue'n é ti ke se klaan sa. O dun mmua siéé é ke é nyan nyrun.

1 Korɛntfuɛ Mun 10:19

?I so'n ti, ke n ken i so'n, n waan, nnen bo bé fa so amuen'n ti liké dan? ?Annze amuen'n bobo ti liké dan?

2 Korɛntfuɛ Mun 3:14

Sannge Nyanmien man ba kwla wu'an sa fi wle. O man lélé nde, ke bé kunngan sa laa nga Nyanmien waan oh yôh man swran'n i fluwa'n nun'n, tannin kunngba so'n b'o man bé wu'an sa wle'n o te ô le. Afin san bé nga bé nin Christ ba katyi swran wunmuan'n bé lie'n ye wa yio.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

Efɛzfuɛ Mun 1:4

O dun mmua faa é ke é nin Christ é katyi swran wunmuan, é yô i lie, ke nanh mon o wun sa kaan sa é wun, nan wa bô men'n i bô.

Efɛzfuɛ Mun 4:18

bé kwla wu'an sa wle. Nguan nga Nyanmien fa man swran'n, bé dunman te'a nun wié, afin ba kété, o man bé si'a sa fi.

Filipfuɛ Mun 1:18

Min nde nu'an nun! Kannze bé akunndan'n ti te ô, o ti kpa ô, i wafa so'n kwlaa nun bé kan Christ nde'n o man n klun dyo, ye oh dyoh tititi.

Hébreu 12:17

An si ke, ke o yôô so'n, i sin i waan i si yre i nguan, sannge wa kpli'an su. O suun bo lélé, sannge wa wu'en i wafa nga o yô nan wa katyi nde ng'o kannin nion.

1 Piɛr 1:2

É Si Nyanmien faa amun, afin o dun mmua bu i akunndan so, nan i Wawe'n ti, an katyi i lie, amun nyin yi Jésus-Christ, ye i mmôdya'n ti amun wun sa'n wiéh. Nyanmien man an nyan yé titi, ye man amun wun dyo amun fouun!