Rɔmfuɛ Mun 11:25 - Nyanmien nde Ufle

²⁵ Aniaan mun, ke o kô yô nan amuan bu'a amun wun ngwlelefue'n, n klô ke nh kanh sa ng'o ô ye'n bo Nyanmien yi'e nglô'n klé amun. Israël'm bé bué ba yô swran bo bé wu'an sa wle, béh kah le so lélé san bé nga bé ti'a Juif bo béh nyanh bé ti'n bé nuan'n wa dyu.

NYANMIƐN NDƐ'N 1998

²⁵ Aniaan mun, kɛ ɔ ko yo nan amu'an bu-man amun wun ngwlɛlɛfuɛ'n, n klo kɛ n ´kan sa ng'ɔ o yɛ'n bɔ Nyanmiɛn yi-mɛn i nglo'n n ´kle amun. Sa sɔ'n yɛlɛ kɛ Izraɛlfuɛ mun be bue b'a yo sran bɔ be wun-man sa wlɛ, be ´ka lɛ sɔ lele san be nga be ti-man Zuif bɔ be ´nyan bé ti'n bé nuan'n ɔ'a ju.

Rɔmfuɛ Mun 11:25 ပူးပေါင်းရင်းမြစ်များ

Matthieu 13:11

Jésus sé bé ke: Amun ye bé yi Nyanmien siéle'n i wun akunndan bo swran wu'en i wle'n, i nglô kléé amuon, sannge bé nga'm bé lie'n, ba sié'e so.

JÉSUS-CHRIST I DYASIN FE'N BO LUC KLELI'N 21:24

Béh fah kaka kun bé, béh trah bé lômuen ko nvlé'n kwlaa nun, bé bo bé ti'a Juif'n, béh satyih Jérusalem, lélé san bé ble lie'n i nuan dyuh.

Jean 10:16

M bua'm bé wié ô le bo bé nu'an tuin nga nun. San nh fah bé sofue mun ba, béh tih min nen, bé akpasua'n yôh kun ye bé tafue kun.

Rɔmfuɛ Mun 1:13

Aniaan mun, m bu amun wun lo kole'n i akunndan tititi, ke mh bah nan nh nyanh n dyunman'n i nuan liké amun wun lo ke n nyen nvlé nga'm bé nun'n sa, sannge lélé nde n nian nya'an n ti.

Rɔmfuɛ Mun 11:12

Se Juif'm bé sa te yôle'n o yô men nunfue'm bé yé dan'n, ye se bé nvlé'n i bôle'n o yô bé bo bé ti'a Juif'n bé yé'n, wuun ke bé kô nyan bé ti mlonmlon'n, oh yôh wié'm bé yé kpe blu!

Rɔmfuɛ Mun 11:24

O bo a ti'a Juif'n, a ti ke blô olive sama sa, bé kpe o taa klo lie'n, o ti sa bo bé yôman. ?Se bé yô o so'n, wuun Juif'm bo bé ti klo olive kpa'n, nan bé lie sion?

Rɔmfuɛ Mun 12:16

Man amun nuan se. Nanh an bu akunndan dandan, se bé sé amun ke an di dyunman b'o ti'a dyunman kpa'n, anh di. Nanh an bu amun wun ngwlelefue.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

Rɔmfuɛ Mun 9:18

O man é si ke swran ng'o klô ke oh wunh i aunnvue'n, o wun i aunnvue, ye swran ng'o klô ke oh kétééh'n, o kétéé.

1 Korɛntfuɛ Mun 10:1

Aniaan mun, n klô ke an si ke é nannan'm bé kwlaa bé traan nyanmien blé'n i bô, bé kwlaa bé kpee dyénvié'n bé dya nun.

1 Korɛntfuɛ Mun 12:1

Aniaan mun, n klô ke an wun Nyanmien Wawe'n i ninngé b'o fa man swran mun ke bé yô'n i wle.

1 Korɛntfuɛ Mun 2:7

Nyanmien i ngwlele b'o yi'e i nglô b'o fiee swran'm bé nyrun, b'o dun mmua sié maan é ke o ba é nyrun nyan ka nan wa yi men'n, i nde ye é kaan.

1 Korɛntfuɛ Mun 4:1

I so'n ti, man swran'm bé si ke é ti Christ i ukafue bo é nian liké nga Nyanmien fiee swran'm bé nyrun'n bé su.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Efɛzfuɛ Mun 3:9

Ye kusu o man n klé bé sa nga bé yô nan wa yô i klun su'n, wéiin. Nyanmien b'o yii ninngé'n kwlaa'n, lalafue nun o fiee i klun sa so'n swran'm bé nyrun,

Efɛzfuɛ Mun 4:18

bé kwla wu'an sa wle. Nguan nga Nyanmien fa man swran'n, bé dunman te'a nun wié, afin ba kété, o man bé si'a sa fi.

2 Piɛr 3:8

N swran kpa mun, sa kun ô le bo nanh amun wla fi, yele ke, é Min'n lie'n, tyen ba kun'n ti i nyrun afue akpi, ye afue akpi'n ti i nyrun tyen ba kun.

Sa nglô yile 1:20

Nian nzraama nsô bo a wuun bé n sa fama'n nun'n, nin sika okwle kannin nsô bo bé dyindyin le'n, bé bô ye, nzraama nsô'n bé ti asonun nsô'n bé ange, ye sika okwle kannin nsô bo bé dyindyin le'n bé ti asonun nsô'n.

Sa nglô yile 10:7

Ke ange nsô su'n i awe lie'n i bôle'n kô dyu'n, sa nga Nyanmien fiee swran'm bé nyrun'n b'o kan kléé i swran bo bé ti i nuan idyofue'n oh kpenh su.

Sa nglô yile 11:15

Ke ange i nsô su'n bôô i awe lie'n, swran wié'm bé kpaan kéklé kpa nyanmien su lo, bé sé ke: É Min Nyanmien'n nin i Christ'n (*f1*) ye bé sié men'n sien nion. Oh kah bé sa nun tititi!

Sa nglô yile 7:9

I sin, n niaan lo ékun, n wuun swran kpanngban kpa, swran fi kwla ka'a bé, swran bo bé fin menmen'n kwlaa nin nvlénvlé'n kwlaa nun, nin swran wafawafa'n kwlaa nin bé bo bé anien'n ti wafawafa'n kwlaa. Bé dyindyin bia'n nin Bua Gbanflen'n bé nyrun le, trale ufué ô bé wun, ye mmé nnya ô bé sa nun.