Rɔmfuɛ Mun 11:11 - Nyanmien nde Ufle

¹¹ O man n sé ke yiô: ?Ke bé to nun so'n, bé ka le mlonmlon? O ti'a so mlonmlon! Sannge ke bé yôli sa te'n, o man bé bo bé ti'a Juif'n ba nyan bé ti nan Juif'm bé nyin tyi bé.

NYANMIƐN NDƐ'N 1998

¹¹ Ɔ man n se kɛ yoo: ?Kɛ be tɔli sɔ'n, be kali lɛ mlɔnmlɔn? Ɔ ti-man sɔ mlɔnmlɔn! Sanngɛ kɛ be yoli sa tɛ'n, ɔ man be bɔ be ti-man Zuif'n b'a nyan bé ti yɛ Zuif'm bé nyin a ci be.

Rɔmfuɛ Mun 11:11 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 20:16

Oh bah, o wa kun fié sunianfue so mun, ye oh fah fié'n man swran ufle mun. Ke bé tii nde so'n, bé sé ke: Nanh mon o yô so!

Sa nga bé yôli'n 13:42

Ke bé fin Nyanmien sua'n nun béh fitéh'n, bé sree bé ke bé kan nde kunngba'n klé bé sabbat b'o ti bé tyen te'n b'oh bah lo'n.

Sa nga bé yôli'n 18:6

Ke Juif'm bé kpalô i nde'n bo bé kpe i nzôwa'n, o kpukpuu i trale'n nun, o sé bé ke: Se an mlin'n, amun bobo amun ndeo. Min nde nu'an nun! Ke o fin nde'n, nh koh bé bo bé ti'a Juif'n bé sin.

Rɔmfuɛ Mun 10:19

Sannge n sé ke yiô: ?Israëlfue'm bé kusu ba timan? Bé tili, Moïse dun mmua séé ke: «M man amun nyin tyih nvlé kun bo bé ti'a nvlé kpa'n, M man nvlé bo i nunfue'm bé si'a ngwlele'n, béh fitah amun awlen.»

Rɔmfuɛ Mun 11:1

O man n sé ke yiô: ?Nyanmien yii i swran'm bé blô? Tyetye! Afin n kusu n ti Israëlfue, n fin Abraham ôsu'n nun, Benjamin akpasua su.

Rɔmfuɛ Mun 11:12

Se Juif'm bé sa te yôle'n o yô men nunfue'm bé yé dan'n, ye se bé nvlé'n i bôle'n o yô bé bo bé ti'a Juif'n bé yé'n, wuun ke bé kô nyan bé ti mlonmlon'n, oh yôh wié'm bé yé kpe blu!

Rɔmfuɛ Mun 11:14

N yô i so nan n nvléfue'm bé fa bé nyin tyi amun, nan bé nun wié'm bé nyan bé ti.

Rɔmfuɛ Mun 11:31

I kunngba'n, aunnvue nga Nyanmien wuun amun'n ti, Juif'm bé yô nyin kéklé sien'n nan Nyanmien wun bé kusu bé aunnvue wié.