Rɔmfuɛ Mun 1:21 - Nyanmien nde Ufle

²¹ Afin bé si ke o ti Nyanmien, sannge o nin i so'n ngba bé yi'e i aye, bé le'e i asé. Bé akunndan kwlaa nga bé bu'n o yôô ngben, ye ngwlele bo bé simen'n ti, ba wu'an sa fi wle kun.

NYANMIƐN NDƐ'N 1998

²¹ Afin be si kɛ ɔ ti Nyanmiɛn, sanngɛ ɔ nin i sɔ'n ngba be yi-mɛn i ayɛ'n yɛ be lɛ-mɛn i ase. Be akunndan nga be bu'n i kwlaa'n yoli ngbɛn, yɛ ngwlɛlɛ bɔ be si-mɛn i'n ti b'a wun-man sa fi wlɛ kun .

Rɔmfuɛ Mun 1:21 ပူးပေါင်းရင်းမြစ်များ

Jean 3:19

Anh nian sa ti ye o bu bé fo so'n ye, i b'o ti ke wia'n sa'n, o baa men'n nun, sannge swran'm bé klô aôsin'n tra wia'n bé nzuen tete'n ti.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Rɔmfuɛ Mun 1:19

Afin bé wun liké nga b'o man swran si Nyanmien'n i wle. Nyanmien bobo yi bé nglô wéiin kléé bé.

Rɔmfuɛ Mun 1:28

Ke bé nyin kpaa Nyanmien su'n, i kusu yii i sa bé su o man akunndan tete baa bé ti nun, o man bé yô sa b'o ti'e i su'n.

Rɔmfuɛ Mun 11:10

Man bé nyin su dun bé, nanh man bé wun asé kun. Man bé komiansin klu tititi.»

Rɔmfuɛ Mun 15:9

ye bé bo bé ti'a Juif'n bé kusu béh lah Nyanmien asé i aunnvue b'o wun bé'n ti. Afin bé klee ke: «I so'n ti, mh bôh o dunman bé nga bé ti'a Juif'n bé nyrun, Ye nh tôh dyué mh bôh fle o.»

2 Timote 3:2

Afin swran'm béh buh bé bobo bé wun akunndan, béh yôh sika klôfue, béh dih bé nuan, béh tuh bé wun, béh satyih Nyanmien wun, bé nyin su yi'a bé si nin bé nin mun bé su si'a yé, bé nyin su yi'a Nyanmien,

1 Piɛr 1:18

Afin an si liké nga bé fa tôô mun, b'o man an nyan amun ti sa ngbenngben nga amun nannan'm bé fa kléé amun'n bé nun'n. Nanh liké b'o satyio, nanh dyete ufuéo, nanh sika okwleo.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

Sa nglô yile 14:7

O kpan sé ke: Man amun nyin yi Nyanmien, anh menmen, afin swran'm bé nde bule ble'n wa dyu. Anh kôtô i b'o yii nyanmien su lo'n, nin asie'n, nin dyénvié'n, nin nzué ti mun'n i bô!

Sa nglô yile 15:4

?Nannan, wan ye o srôman woo? ?Wan ye o bô'a o dunmaan? Afin o kunngba tye ye o nzuen'n nin klo swran lie'n ti'a kuon. Nvlénvlé'n kwlaa bé wa kôtô o bô, afin bé kwlaa ba wun ke a di dyole nanwle su.