Rɔmfuɛ Mun 1:20 - Nyanmien nde Ufle

²⁰ Swran nyinma wu'an Nyanmien'n, sannge ke o fin tyen ng'o yii men'n, liké kwlaa ng'o yô bé bo bé wun bé'n, o man bé wun i wle wéiin ke Nyanmien ô le, ye o kwla sa'n kwlaa yô. I so'n ti, bé le'a nde fi.

NYANMIƐN NDƐ'N 1998

²⁰ Sran nyinma wun-man Nyanmiɛn'n, sanngɛ kɛ ɔ fin cɛn ng'ɔ yili mɛn'n, ninnge kwlaa ng'ɔ yo be bɔ be wun be'n, ɔ man be wun i wlɛ weiin kɛ Nyanmiɛn o lɛ yɛ ɔ kwla sa'n kwlaa yo. I sɔ'n ti be lɛ-man ndɛ fi .

Rɔmfuɛ Mun 1:20 ပူးပေါင်းရင်းမြစ်များ

Matthieu 5:45

I so'n nun amun wa yô amun Si b'o ô nyanmien su lo'n i mma mun, afin o bô wia'n man bé bo bé ti te'n nin bé bo bé ti kpa'n, ye o to nzué'n man nanwlefue nin bé bo bé ti'a nanwlefue'n.

Marc 10:6

Sannge men'n i bôbôle nun «Nyanmien yii yasua nin bla.

Jean 1:18

Swran fi nian wu'an Nyanmien lé. San i Wa kunngba'n b'o nin i ti kun b'o ti i awlen su ba'n, i ye man é sii io.

Jean 15:22

Se man baman man kan klé'a bé'n, wuun bé su bu'a bé sa te yôfue. Sannge sien'n, bé kwla yi'a bé ti bé sa te'n bô kun.

Sa nga bé yôli'n 17:29

O man se é ti Nyanmien mma mun'n, nanh man é bu i ke Nyanmien Kpli'n nin liké nga swran'm bé bobo bé fa bé akunndan bé yô'n, sika okwle nin dyete ufué bo bé ton'n, o nin yebue bo bé se'n, bé ti kun.

Sa nga bé yôli'n 22:1

Min niaan nin n si mun, anh sié amun su tié nde bo m ma kan klé amun'n.

Rɔmfuɛ Mun 1:19

Afin bé wun liké nga b'o man swran si Nyanmien'n i wle. Nyanmien bobo yi bé nglô wéiin kléé bé.

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 2:1

I so'n ti, amun kwlaa bo an bu swran fo'n, an le'a nde fi. Afin ke an bu swran fo bo an yô sa kunngba nga swran so'n yô'n, an bu amun bobo amun wun fo.

Rɔmfuɛ Mun 2:15

Ke bé yô so'n, o klé ke bé si sa nga bé klee mmla'n nun ke swran yô'n bé awlen'n nun lo. Sa wle bo bé wuin'n nin bé akunndan bo bé bu'n o man bé wun sa nga swran yô'n i wle, se o ti kpa ô, se o ti te ô.

1 Korɛntfuɛ Mun 1:20

?Ngwlele sifue'n wô nin? ?Mmla sifue'n wô nin? ?Ble nga nun bé bo bé kunnde ke béh sih sa'm bé bô'n bé ô nin? ?Swran nga bé ti ngwlelefue men nga nun'n Nyanmien bu'a bé sinnglinfue?

Kolɔsfuɛ Mun 1:15

O fa Nyanmien bo bé wunmen'n i wafa kwlaa ng'o ti'n, o ti i Wa Kpen bo i kpa'n tra liké'n kwlaa ng'o yili bé'n.

Kolɔsfuɛ Mun 2:9

Afin ke é wun Christ b'o katyii swran'n, é wun wafa kwlaa nga Nyanmien ti'n.

1 Timote 1:17

Famien b'o ti anannganman, b'o wunman, bo bé wunmen, b'o ti Nyanmien bo liké fi nu'en i sin'n, man bé menmen bé yi i aye tititi! Mon o yô so!

1 Timote 6:16

I kunngba tye ye o wumaan, o tran lika b'o kpadya nyannyannyan bo swran fi kwla mentenmen'n nun. Swran fi nian wu'en lé, ye bé kwla wunmen. Man bé menmen ye bé si ke o ti kwlafue tititi. Mon o yô so.

Hébreu 11:27

Nyanmien su b'o lafi'n ti, ke o dyaô Égypte famien wlefue'n wun lo'n, sre a kunmen, afin o tre i awlen, o ti ke wa wun Nyanmien bo bé wunmen'n sa.

Hébreu 9:14

Se o ti so'n, Christ kwla fe i mmôdya lie'n kusu yô liké b'o tra wun asô bôle'n fatifati! Ke o ti aôlia nun swran b'o ti anannganman'n ti'n, o fe i bobo bo fien kaan nu'en i wun'n maan Nyanmien. O man liké nga bé yô'a liké fi yé bo é yô bé man é klun titi yé'n, oh wiéh nan é kwla su Anannganman Nyanmien'n!