Rɔmfuɛ Mun 1:1 - Nyanmien nde Ufle

¹ M Paul, n ti Christ-Jésus i swran. Nyanmien flee min ke o sunman min. O yii min ke m bô i dyasin fe'n

NYANMIƐN NDƐ'N 1998

¹ M Pɔl, n ti Krist-Jésus i sran. Nyanmiɛn flɛli min kɛ ɔ ´sunman min. Ɔ yili min kɛ m bo i jasin fɛ'n

Rɔmfuɛ Mun 1:1 ပူးပေါင်းရင်းမြစ်များ

Marc 1:14

Ke bé wlaa Jean bisua'n, i sin Jésus oo Galilée men'n nun. O kan Nyanmien i dyasin fe'n,

Jean 12:26

Swran nga i waan oh suh min'n, mon o su n su, ye lika nga n wô nun'n, n swran so'n oh tranh lo wié. N Si buh swran ng'o su min'n i swran.

Jean 15:15

N fle'a amun n swran kun, afin kanga'n si'a liké nga i min'n yô'n. Sa ti bo n fle amun n dyanvue'n yele ke liké kwlaa nga n sueen n Si sa nun'n, n kléli amun.

Jean 15:20

Anh bu nde nga n kan kléé amun ke: «Swran b'o su swran'n ti'a kpa tre'e i min'n» i akunndan. Se bé kléé n yale'n béh kléh amun yale wié, se bé fa min nde'n su'n, béh fah amun lie'n su wié.

Sa nga bé yôli'n 13:9

Ye Saul bo bé fle i kusu Paul'n, bo Nyanmien Wawe'n siéé'n, o nien siin,

Sa nga bé yôli'n 20:24

Sannge m bu'a min wun liké fi, n yô so nan man wanndi a dyu n dyuwle, nan man wié dyunman nga é Min Jésus fa wlaa n sa nun ke n yô'n i yô. Dyunman so'n yele ke n kan yé dan nga Nyanmien yôô yé'n i nde.

Sa nga bé yôli'n 21:40

Sôndya akpi sukpen'n o meen i atin. Ke Paul dyin escalier'n su le'n, o men i sa'n su, ke bé guaa bliin'n o sé bé hébreu nun ke:

Sa nga bé yôli'n 22:21

Ye o sé n ke: Ko, m ma sunman o mmua bé bo bé ti'a Juif'n bé sin.

Sa nga bé yôli'n 22:7

N toli ye n tii swran kun nen, o sé n ke: ?Saul, Saul, nzu ti ye a klé n yale soo?

Sa nga bé yôli'n 26:1

Agrippa séé Paul ke: Kon o nde'n. Ye Paul kpen le, o wlee i nuan i nde'n nuon, o sé ke:

Sa nga bé yôli'n 26:14

É kwlaa é finnin asé, ye n tii swran kun nen o sé min hébreu nun ke: ?Saul, Saul, nzu ti ye a klé n yale soo? A su klé o wun yale ngben ke nannin b'o kpenten i dya si waka piémbié bo i kankanfue'n fa kenken'n sa.

Sa nga bé yôli'n 27:23

Nyanmien bo n ti i lie bo n sui'n, i ange kun baa min wun nde kongue, o sé n ke:

Sa nga bé yôli'n 9:15

Sannge é Min'n sé i ke: Ko, afin bian so'n, man fe ke o di n dyunman, nan o bô n dunman'n nvlé wié'm bé nun, famien nin Israël mma'm bé nyrun,

Rɔmfuɛ Mun 1:16

Dyasin fe'n ti nyannzuen ku'an min, afin i ye Nyanmien Kpli fa dé swran kwlaa nga bé lafi i su muon, Juif mun ye bé ti kliklio, i sin bé nga mun.

Rɔmfuɛ Mun 1:5

I ti ye Nyanmien bu n swraan, o sunmaan min ke n ken i nde'n klé nvlénvlé'n kwlaa i bobo dunmaan nun, nan bé lafi su ye bé nyin yii.

Rɔmfuɛ Mun 1:9

Nyanmien bo min akunndan'n kwlaa ô i sule'n su'n, bo m bô i Wa'n i dyasin fe'n o si ke n kan amun nde kléé titi.

Rɔmfuɛ Mun 11:13

Amun bo amun ôsu'n ti'a Juif'n, amun ye n kan nde nga klé amuon. Nyanmien sunmaan min bé bo bé ti'a Juif'n bé sin, ye n fa dyunman so'n di n nuan.

Rɔmfuɛ Mun 15:16

b'o sié min ke n di Christ-Jésus i dyunman bé nga bé ti'a Juif'n bé afien'n ti ye n kleli i soo. Ke mh bôh Nyanmien i dyasin fe'n, n yô i nyrun dyranfue nan nh fah bé nga bé ti'a Juif'n men, i Wawe'n man bé katyi i lie, o man i klun dyo bé wun.

Rɔmfuɛ Mun 15:29

N si ke, ke n dyu amun wun lo'n, amunh wunh ke Christ dyin n sin dan.

Rɔmfuɛ Mun 16:18

Afin swran wafa so mun, nanh Christ b'o ti é Min'n i dyunman ye bé dio. Bé bobo bé klun sa lie'n ye bé yôo. Bé kan nde fe, bé fa bé nuan laka bé nga bé nian wu'an sa wle'n.

Rɔmfuɛ Mun 16:25

Nyanmien Kpli kwla ô! Afin n dyasin fe'n nin Jésus-Christ i nde bo n kan'n, nin sa nga Nyanmien yi'e i nglô klé'a é laa bo sien'n ya wun i wle'n ti, o man an kwla dyran kéklé. Ke o fin men'n i bôbôle nun'n, Nyanmien fiaa sa so'n su,

1 Korɛntfuɛ Mun 1:1

M Paul bo Nyanmien fleli min yele ke o klô ke Christ-Jésus sunman min'n, min nin é niaan Sosthène,

1 Korɛntfuɛ Mun 9:1

?N di'a min wun? ?Christ a sunma'an min? ?Man wu'an é Min Jésus? ?Nanh amun ye an ti é Min'n i dyunman bo n di'n, i nun liké nion?

2 Korɛntfuɛ Mun 1:1

M Paul bo Nyanmien klô ke Christ-Jésus sunman min'n, min nin é niaan Timothée, éh kleh fluwa nga ble amun bo an ti Nyanmien i asonunfue Corinthe lo'n, o nin bé kwlaa bo ba katyi Nyanmien lie Achaïe akpasua wunmuan'n su'n.

2 Korɛntfuɛ Mun 11:5

Amun swran kpakpa bo an bu bé ke Nyanmien ye o sunmaan bé'n, min nyrun bé ti'a kpa tra'a min mlonmlon.

2 Korɛntfuɛ Mun 11:7

Ke o kô yô nan amuan yô kpa'n ti, man bu'a min wun liké fi, ke m bô dyasin fe'n kléé amun'n, man dé'a amun liké fi. ?Ke n yô so'n, sa te ye n yôlio?

2 Korɛntfuɛ Mun 12:11

Se n idyo ke lufléfue sa'n, amun ye man n yôô soo, afin an kpi n dunman asé. Se n ti'a swran amun nyrun bobo'n, amun swran kpakpa bo an bu bé ke Jésus ye o sunmaan bé'n, bé ti'a kpa tra'a min.

2 Korɛntfuɛ Mun 2:12

Ke n dyuu Troas lo Christ i dyasin fe bôle'n ti'n, é Min Nyanmien'n maan min atin ke n di dyunman'n kpa,

2 Korɛntfuɛ Mun 4:5

É ka'an é bobo é wun nde, Christ-Jésus b'o ti é Min'n i nde ye é kaan, i ti é ti amun akua.

Galasifuɛ Mun 1:1

M Paul, Jésus-Christ nin é Si Nyanmien b'o tyenniin'n bé sunmaan min. N sunmanle so'n fi'an swran, ye nanh swran fi ye o sié n soo.

Efɛzfuɛ Mun 1:1

M Paul ye n kle fluwa nga ble amun bo an wô Éphèse lo muon. O ti amun bo an ti Christfue kpa bo amun nin Christ-Jésus amuan katyi swran wunmuan'n amun lie. Christ-Jésus sunmaan min ye n sunmanle so'n ti Nyanmien klun su.

Efɛzfuɛ Mun 1:13

Amun kusu, ke an tii dyasin fe'n b'o ti nanwle'n, b'o man amun kwla nyan amun ti'n, an lafii Christ su. Ke amun nin i amuan katyi swran wunmuan'n ti, Nyanmien fe i Wawe'n b'o ken i nde'n maan amun b'o klé ke an ti i lie mlonmlon.

Efɛzfuɛ Mun 4:11

Nyanmien siéé swran wié mun ke o sunman bé, o sié wié mun ke bé idyo i nuan, o sié wié mun ke bé bô i dyasin fe'n, o sié wié mun pasteur nin liké kléfue.

Filipfuɛ Mun 1:1

M Paul min nin Timothée bo é ti Christ-Jésus i swran'n, é ye éh kleh fluwa nga ble amun kwlaa bo an ti Nyanmien swran bo amun nin Christ-Jésus amuan katyi swran wunmuan'n, nin asonun i sunianfue nin asonunfue'm bé lika nianfue bo an wô Philippes lo muon.

Filipfuɛ Mun 2:11

ye o fité bé kwlaa bé nuan ke Jésus-Christ ti bé Min, nan é Si Nyanmien'n nyan nyrun.

Kolɔsfuɛ Mun 1:1

M Paul bo Nyanmien klô ke Christ-Jésus sunman min'n, min nin é niaan Timothée,

Kolɔsfuɛ Mun 1:25

Nyanmien fa n sié Asonun'n i dyunman difue nan n ken i nde'n kwlakwla klé amun,

1 Tɛsalonikfuɛ Mun 2:2

An si ke bé kléé é nyrennen, bé yôô é finfin Philippes lo. Ke é dyuu amun wun lo'n, é fee dan kpa ékun, sannge Nyanmien man é tra é awlen é ken i dyasin fe'n klé amun.

1 Tɛsalonikfuɛ Mun 2:8

Klôle bo bé fa klô amun'n ti, nanh Nyanmien dyasin fe'n ngunmin ye é fa man amuon, sannge se é fa é bobo é wun nannan su'n, o ti kpa, afin an ti é awlen su swran.

1 Tɛsalonikfuɛ Mun 2:9

Aniaan mun, amun wla fi'a é dyunman'n nin é afe'n su, afin ke éh bôh Nyanmien i dyasin fe'n klé amun'n, ke é kô yô nan ya mia'an amun nun wié fi sa'n, é di dyunman wia nun nin kongue.

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

1 Timote 2:7

O sié min ke n kan nde so'n, ye o sunmaan min ke n kan nde nanwle'n nin i sulafile nde'n klé bé bo bé ti'a Juif'n. Nanwle ye n dio, m bua'a atô.

2 Timote 1:11

Dyasin fe'n i kanle nin i kléle ti ye Nyanmien fa min, o sunmaan mion.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Hébreu 5:4

Swran fi dyaô sé'a ke o kunnde dunman ke bé fe sié Nyanmien nyrun dyranfue dan, Nyanmien bobo ye o fle swran ke bé siéé i nyrun dyranfue daan, ke o fleli Aaron'n sa.

Hébreu 7:26

Nanwle, Nyanmien nyrun dyranfue dan nga ya nyen ye'n, ye é kunnde nion. O ti Nyanmien lie tyrôlôlô, sa te kaan sa nu'en i wun, o nin sa te yôfue'm bé sa'an nun, Nyanmien meen i tranwle kpa nglô mmuamua lo.

Jacques 1:1

N Jacques bo n ti Nyanmien nin é Min Jésus-Christ bé swran'n, nh yôh nvlé blu-nin-nnyon bo ba sanndi men wunmuan'n nun'n bé liké.

1 Piɛr 4:17

Tyen nga béh bôh dyole dile'n bô'n wa dyu, béh bôh i bô Nyanmien bobo i awlô'n nun. ?Se é su ye béh bôh i bô'n, bé nga ba fa'a Nyanmien dyasin fe'n su'n, bé lie'n yôh se?

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

Jude 1:1

Amun bo é Si Nyanmien flee amun, b'o klô amun titi b'o fa amun siéé Jésus-Christ'n, min Jude bo n ti Jésus-Christ swran nin Jacques niaan'n, nh kleh fluwa nga ble amun.

Sa nglô yile 1:1

Fluwa nga nun bé kan sa nga o tye kaan bé wa yô, bo Nyanmien fa wlaa Jésus-Christ sa nun ke o fa klé i swran mun'n i nde. Christ sunmeen i ange'n, o wa yi bé nglô kléé Jean b'o ti i swran'n.

Sa nglô yile 22:6

Ange'n sé n ke: Nde so'm bé ti nanwle, bé kwla fa su. É Min Nyanmien b'o fe i Wawe'n men i nuan idyofue mun'n, o sunmeen i ange'n ke o wa kan sa ng'o wa dyu ityra'n klé i swran mun.

Sa nglô yile 22:9

Sannge o sé n ke: Nanh yô so! N ti wo nin o niaan kwlaa nga bé ti Nyanmien nuan idyofue'n, nin bé nga bé fa fluwa nga nun nde'n su'n amun wiéngu dyunman difue. Manman Nyanmien!