Filemɔn 1:2 - Nyanmien nde Ufle

² éh kleh fluwa nga ble o Philémon bo a ti é swran kpa nin é wiéngu dyunman difue'n, nin é niaan bla Appia, nin Archippe bo é nin i é fe'n, nin asonunfue nga bé yia o awlô lo'n.

NYANMIƐN NDƐ'N 1998

² e ´klɛ fluwa nga blɛ wɔ Filemɔn bɔ a ti e sran kpa nin e wiengu junman difuɛ'n, nin e niaan bla Afia, ɔ nin Arsip bɔ e nin i e fɛ'n nin asɔnunfuɛ nga be yia wɔ awlo lɔ'n.

Filemɔn 1:2 ပူးပေါင်းရင်းမြစ်များ

Rɔmfuɛ Mun 16:1

N klô ke an si é niaan bla Phoebé, o ti Cenchrées lo asonunfue'm bé lika nianfue.

Rɔmfuɛ Mun 16:5

Nh yôh asonunfue nga bé yia bé awlô le'n, bé liké. Nh yôh Épaïnète b'o fe i wun maan Christ Asie men'n nun lo klikli b'o ti n swran kpa'n, i liké.

1 Korɛntfuɛ Mun 16:19

Asie men'n nun asonunfue'm bé usa amun. Aquilas nin Priscille, nin bé awlô lo asonunfue'm bé usa amun lélé, afin é kwlaa é Min'n ti kun.

Filipfuɛ Mun 2:25

N wun i ke, se n sunman Épaphrodite b'o ti n wiéngu dyunman difue bo min nin i é fe'n amun wun lo'n, o ti kpa. Bian so'n amun bobo ye an sunmeen ke o fa liké nga n sa mien i wun'n ble mion.

Kolɔsfuɛ Mun 4:15

Nh yôh é niaan nga bé ô Laodicée'n, nin Nympha nin asonunfue nga bé yie i awlô lo'n, bé liké.

Kolɔsfuɛ Mun 4:17

Anh sé Archippe ke o nian dyunman nga é Min'n fe sié i su'n su kpa, o nian nun dii kpa.