Filemɔn 1:16 - Nyanmien nde Ufle

¹⁶ Afin sien'n, nanh ke o kanga kunngba ye o tio, sannge i kpa tra kanga, o ti é niaan bo é klôé kpa. O ti n swran kpa, ye o lie'n, o wa yô o swran kpa tra min, afin o ti o swran, ye kusu amun Min'n wa yô kun.

NYANMIƐN NDƐ'N 1998

¹⁶ Afin siɛn'n, nán kɛ ɔ kanga kunngba yɛ ɔ ti-ɔ, sanngɛ i kpa tra kanga, ɔ ti e niaan bɔ e klo i kpa. Ɔ ti n sran kpa, yɛ ɔ liɛ'n, ɔ wa yo ɔ sran kpa tra min, afin ɔ ti ɔ sran, yɛ kusu amun Min'n ɔ'a yo kun.

Filemɔn 1:16 ပူးပေါင်းရင်းမြစ်များ

Matthieu 23:8

Sannge amun lie'n, nanh an yô amun wun ke bé fle amun Nannan, afin amun sukpen b'o ti amun liké kléfue'n ti kunngba tye, ye amun kwlaa an ti niaan.

Sa nga bé yôli'n 9:17

Ananias oli, ke o dyuu awlô lo'n, o fe i sa'n fuaa Saul su, o sé i ke: Min niaan Saul, ke ah bah'n, é Min Jésus b'o fitéé o nyrun atin'n nun lo'n o sunmaan min ke m ma tiké o nyin nan Nyanmien Wawe'n fa o katyi i lie mlonmlon.

1 Korɛntfuɛ Mun 7:22

Swran kun nga ke Nyanmien fleh'n o ti kanga'n, o katyi diéwa ba Min'n sa nun, i kunngba'n swran nga ke Nyanmien fleh'n o ti diéwa'n, o katyi Christ i kanga.

Kolɔsfuɛ Mun 3:22

Kanga mun, man amun nyin yi amun min mun sa'n kwlaa nun, anh bu bé swran. Nanh ke ke bé ô le'n i ngunmin ye an yôé so nan swran'm bé klun dyo amun wuon. Sannge é Min'n bo an srôé'n ti, liké nga an yô'n, nanh an bu i sin.

1 Timote 6:2

Ye bé nga kusu bo bé min'n ti Christfue'n, ke bé ti niaan'n ti, nanh man bé fa bé nyin wlawla bé, sannge ke bé min'm bo bé su bé'n bé ti Christfue bo bé ti bé swran kpa'n ti, man bé tu bé klun su bé kpa. Klé bé liké so mun, kan klé bé ke bé fa su.

Hébreu 3:1

I so'n ti, aniaan bo an ti Nyanmien lie b'o flee amun wié'n, anh bu Jésus bo Nyanmien sunmeen i ke o yô i nyrun dyranfue dan i su bo é lafi'n ti'n, i akunndan.

1 Jean 5:1

Swran kwlaa ng'o lafi su ke Jésus ti Christ'n (*f1*), wuun o ti Nyanmien wa. Swran nga bé klôé'n, bé klôé nin i wa'n.