Matthieu 5:16 - Nyanmien nde Ufle

¹⁶ I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

NYANMIƐN NDƐ'N 1998

¹⁶ I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

Matthieu 5:16 ပူးပေါင်းရင်းမြစ်များ

Matthieu 23:5

Liké kwlaa nga bé yô'n, bé yôé ke swran'm bé wun bé. Bé wla sebe dandan mun, ye bé yô bé trale'n i nuan ndyole'n tennden.

Matthieu 23:9

Nanh an fle swran ti blé fi amun si, afin amun Si'n ti kunngba tye, i ye o ô nyanmien su lo nion.

Matthieu 5:45

I so'n nun amun wa yô amun Si b'o ô nyanmien su lo'n i mma mun, afin o bô wia'n man bé bo bé ti te'n nin bé bo bé ti kpa'n, ye o to nzué'n man nanwlefue nin bé bo bé ti'a nanwlefue'n.

Matthieu 6:16

Se amunh kpeh sre nun ke amun nin Nyanmien amunh kôkôh yale'n, nanh an mlan amun nyrun ke dunman klôfue'm bé yô'n, bé yô bé wun fien bé fa klé swran mun ke bé su kpe sre nun. Nanwle, mô nga bé kô yô bé'n, ye bé yôô bé leo.

Matthieu 6:9

I so'n ti, amun lie'n anh sé ke: É Si bo a ô nyanmien su lo'n man é bô o dunman fe,

Matthieu 9:8

Ke swran'm bé wuun i so'n, sre kuun bé, bé manman Nyanmien b'o tin swran mun ke nga sa'n.

JÉSUS-CHRIST I DYASIN FE'N BO LUC KLELI'N 11:2

O sé bé ke: Se amunh kôkôh yale klé Nyanmien'n, anh sé ke: É Si, man é bô o dunman fe, mon o siéle ble'n dyu.

Jean 15:8

Se an yô ke waka sama b'o su kpanngban sa'n, b'o man bé wun ke an ti n sonnzonfue'n, i so'n nun ye n Si'n nyanh komion.

Sa nga bé yôli'n 9:36

Jésus sonnzonfue bla kun ô Joppé lo, bé flee Tabitha, Grec nun yele Dorcas, bo i bô yele wannzannin. O ti klun ufuéfue kpa ye o yô yalefue'm bé yé.

1 Korɛntfuɛ Mun 14:25

Oh wunh sa ng'o ô i awlen'n nun'n, i so'n ti oh kôtôh Nyanmien bô, oh wutuh i nyin asé, oh séh ke: «Nyanmien ô amun afien sakpa.»

2 Korɛntfuɛ Mun 9:13

Ke an nian bé like so'n, o klé ke an fa Christ dyasin fe'n bo an sé ke an lafi su'n i su kpa. Ke swran kpanngban bé wun i so'n o nin yé dan nga an yô bé nin swran wié mun'n, o man béh bôh Nyanmien dunman.

Galasifuɛ Mun 1:24

Sa nga Nyanmien yô maan min'n ti, bé menmen.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Efɛzfuɛ Mun 5:8

Laa an wô aôsin nun, sannge swran wunmuan bo amun nin é Min'n amuan katyi'n ti, amuan fité wéiin nun sien'n. I so'n ti, anh yô sa ng'o klé ke an wô wia klénglé kpa'n nun'n.

1 Tɛsalonikfuɛ Mun 2:12

afin é man amun afotue, é wla amun fanngan, é kan klé amun ke an yô sa ng'o ti Nyanmien b'o fle amun ke an di i famien'n wié nan an nyan nyrun ke i lie'n sa'n, i klun sa.

1 Timote 2:10

sannge man bé yô swran yé, afin bla nga bé srô Nyanmien'n, se bé yô soo o ti kpa.

1 Timote 5:10

Man bé wun ke o yô swran'm bé yé, o nien i mma'm bé su kpa, o ti aklunyéfue, o wunnzin Nyanmien swran'm bé dya, o uka yalefue mun, o yô sa kpakpa'n kwlaa.

1 Timote 5:25

Ya sa kpa nga kusu bo swran wié'm bé yô'n bé wuin, nga kusu bo ba ka'a le ba wunmen'n, o su ka'a bui bô, san béh wuinh.

1 Timote 6:18

Sé bé ke bé yô sa ng'o ti kpa'n, bé yô swran yé, ye o ti anyanbéun kpa nion. Man bé yô aklunyé, bé tye swran liké.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

Tite 3:14

Klé é minnien'm bé kusu ke bé di dyunman klaan nan ba nyan liké nga bé sa mien i wun'n, nanh man bé bubu bé sa nin bé dya tran su.

Tite 3:4

Sannge ke é Défue Nyanmien'n yili i kpa yôle'n nin swran'm bé klôle'n nglô'n,

Hébreu 10:24

Man é bu é wiéngu'm bé akunndan é wla bé fanngan nan bé klô bé wun, bé yô swran yé.

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

1 Piɛr 3:1

Mmô mun, amun kusu anh bu amun wun'm bé swran, nanh an fa amun nyin wlawla bé. I lie'n se bé nun wié'm bé fa'a Nyanmien nde'n su'n, ke bé wun amun nzuen kpa'n nin swran bo an bu bé'n, an su ka'an nde fi nan ba katyi.

1 Piɛr 3:16

Sannge anh te bé su amannien su, man bé wun ke an srô Nyanmien. Ke amunh yôh so'n, nanh an yô sa nga b'o man amunh kôkôh i sin'n, nan bé nga bé satyi amun dunman, bo bé kan sa kpa nga Christ ti an yô bé'n, bé nde'n, bé wun nyannzuen.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!

1 Piɛr 4:14

Se bé kpe amun nzôwa Christ dunman b'o ô amun su'n ti'n, amun lie su ti yé, afin Nyanmien Wawe'n b'o le nyrun'n, wa ba amun wun!