Matthieu 24:45 - Nyanmien nde Ufle

⁴⁵ ?Swran kpa nanwlefue b'o si ngwlele'n bo i min'n fe sié i swran'm bé su ke o man bé alie ble ng'o ti i nuan su'n i su'n, yele wan?

NYANMIƐN NDƐ'N 1998

⁴⁵ «?Sran kpa nanwlɛfuɛ b'ɔ si ngwlɛlɛ'n bɔ i min'n fɛ sie i sran'm bé su kɛ ɔ man be aliɛ blɛ ng'ɔ ti i nuan su'n i su'n, yɛlɛ wan?

Matthieu 24:45 ပူးပေါင်းရင်းမြစ်များ

Matthieu 10:16

Anh nian, amun bo an ti ke bua mun sa'n, nh sunmanh amun gbôklô'm bé afien. I so'n ti, anh yô ngwlelefue ke wuô sa, ye anh yô weteefue ke aublé sa.

Matthieu 13:52

Ye o sé bé ke: I so'n ti, mmla kléfue kwlaa b'o suan Nyanmien siéle nun ninngé mun'n, o ti ke awlô bô kpen kun b'o yi ninngé ufle nin ninngé nvuen i betro'n nun sa.

Matthieu 24:46

Dyunman difue nga ke i min'n bah'n o di i dyunman so'n, i lie su ti yé!

Matthieu 25:2

Bé nun nnun bé ti sinnglinfue, ye nnun bé ti ngwlelefue.

Matthieu 25:21

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

Matthieu 25:23

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n a yôli i kpa, i so'n ti, nh foh o sié liké dan su. Bla man é si ablé.

Matthieu 7:24

I so'n ti, swran kwlaa ng'o tié nde nga n ken ye'n, nan o fa su'n, o ti ke ngwlelefue b'o kpleen i sua yebue su'n sa.

JÉSUS-CHRIST I DYASIN FE'N BO LUC KLELI'N 19:17

Ye o sé i ke: O ti kpa, a ti swran kpa, liké kaan nga m maan wo bo a yôli i kpa'n ti, mh manh o klo blu nan a sié bé.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

1 Timote 1:12

N la é Min Christ-Jésus b'o wlaa n fanngan'n i asé, afin m bo laa n satyi i dunman, n klé i yale, n kpe i nzôwa'n, o buu n swran, o fa min wle i dyunman'n nun. Nyanmien si min aunnvue, afin sa wle bo n wunmen'n nin i su bo n lafiman'n ti ye n yôô soo.

2 Timote 2:2

Nde nga a ti i ke n keen swran kpanngban bé nyrun'n, kan nde so'n, fa yatyii bé nga a lafi bé su bo bé kusu bé kwla kan klé swran ufle'n bé sa nun.

Hébreu 3:5

Moïse ti dyunman difue kpa Nyanmien awlô wunmuan'n nun. O kan nde nga tyen wié lélé Nyanmien wa kan'n i nde.

Sa nglô yile 2:13

N si amun tranwle'n, lo ye Satan (*f6*) i bia'n wôo. Sannge o nin i so'n ngba, an fa amun wun mantan n kpa. I nun nga bobo bo bé kuun Antipas b'o kan min nde'n tititi'n, amun wun lo lika nga Satan tran lo'n, amuan yi'a amun wla n su.