Matthieu 24:31 - Nyanmien nde Ufle

³¹ Ke awe'n kô te'n, nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n, ke o fin nyanmien'n i bué kun su lélé fa dyu i bué kun ékun.

NYANMIƐN NDƐ'N 1998

³¹ Kɛ awɛ'n ko tɛ'n, n ´sunman min anz mun, be wa yia be bɔ Nyanmiɛn fali be bɔ be o mɛn wunmuan'n nun'n, kɛ ɔ fin nyanmiɛn b'ɔ la nglo lɔ plaii'n i bue kun su lele fa ju i bue kun ekun su lɔ'n yɛ ɔ ´yo i sɔ nin-ɔn .»

Matthieu 24:31 ပူးပေါင်းရင်းမြစ်များ

Matthieu 13:41

M bo n katyii Swran'n nh sunmanh min ange mun ke bé wa yi bé kwlaa nga bé satyi swran'm bé ti nun'n nin bé bo bé bô tété'n min men'n nun,

Matthieu 24:22

Se Nyanmien a kpe'a tyen so'n su'n, swran fi su fité'a nun, sannge bé b'o faa bé'n bé ti, oh kpeh tyen so'n su.

Matthieu 24:24

Afin bé bo bé ton bé wun suen ke bé ti Christ'n, o nin bé bo bé ton bé wun suen ke bé ti Nyanmien nuan idyofue'n, bé wa dyaô, béh yih atre, béh yôh abônuan sa mun lélé ke bé fa laka bé bo Nyanmien faa bé'n bobo, se bé kwla nyan bé ô.

Matthieu 24:32

Anh fa sunnzun blofue aloma'n bé nian. Ke oh nyrenh, bo i nnya'n treh'n, an si ke munngun'n wa mantan.

Matthieu 25:31

Ke m bo n katyii Swran'n bo min nyrun ti nyannyan o yô srô'n, min nin min ange'n kwlaa éh bah'n, nh yih n famien'n nglô nh tranh m bia'n su.

Matthieu 28:18

Jésus wunngéé bé wun le, o sé bé ke: Nyanmien maan min atin ke n sié nyanmien su lo nin asie'n su ninngé'n kwlaa.

Marc 13:27

Nh sunmanh min ange mun, bé wa yia bé bo Nyanmien faa bé bo bé ô men wunmuan'n nun'n ke o fin asie'n i awiélie lo lélé fa dyu nyanmien'n i awiélie lo.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

Jean 11:52

Nanh ke nvlé so'n ngunmin tio, sannge oh yôh so nan Nyanmien ken i mma'm bo bé sanndili'n bé kwlaa bô nun.

Rɔmfuɛ Mun 10:18

N sé ke yiô: ?Ba timan? Bé tilii kpa, afin bé klee ke: «Bé kaan nde lika'n kwlaa, Ye bé tii bé nde'n men wunmuan'n nun.»

Efɛzfuɛ Mun 1:10

Sa so'n bo i waan oh yôh'n, ke i tyen'n dyu'n, oh yôh. Sa so'n yele ke oh kanh swran'n kwlaa nin asie'n su liké'n kwlaa nin nyanmien su lo lie'n kwlaa bô nun, ye oh fah Christ sié bé su.

1 Tɛsalonikfuɛ Mun 4:16

Ke bé ti ke swran kun kpan, bo bé ti ange kpenngben'n i nen'n, bo bé ti Nyanmien i awe'n i tele'n tye'n, kpekuun é Min'n bobo fin nyanmien su lo su dyra Christfue nga bé wuli'n, béh tyenh dun mmua é nyrun,

2 Tɛsalonikfuɛ Mun 2:1

Aniaan mun, é Min Jésus-Christ i bale'n nin yiale nga éh kôh yie i wun lo'n i nde lie'n, éh sreh amun,

Hébreu 12:19

Bé tii awe tele, nin swran kun nen. Ke bé tii i nen'n, bé waan, nanh mon o kan nde klé bé kun,

Sa nglô yile 1:20

Nian nzraama nsô bo a wuun bé n sa fama'n nun'n, nin sika okwle kannin nsô bo bé dyindyin le'n, bé bô ye, nzraama nsô'n bé ti asonun nsô'n bé ange, ye sika okwle kannin nsô bo bé dyindyin le'n bé ti asonun nsô'n.

Sa nglô yile 11:15

Ke ange i nsô su'n bôô i awe lie'n, swran wié'm bé kpaan kéklé kpa nyanmien su lo, bé sé ke: É Min Nyanmien'n nin i Christ'n (*f1*) ye bé sié men'n sien nion. Oh kah bé sa nun tititi!

Sa nglô yile 7:1

I sin, n wuun ange nnan, bé dyindyin asie'n i tyondyo nnan'n su. Bé dyin aunngban b'o fin asie'n i bué nnan'n su'n nun, ke nanh man aunngban'n fita asie'n, nin dyénvié'n su, ye nanh mon o fita waka fi kun.

Sa nglô yile 8:2

N wuun ange nsô'n bo bé dyran Nyanmien nyrun'n, bé maan bé awe nsô.