Matthieu 23:15 - Nyanmien nde Ufle

¹⁵ Amun mmla kléfue nin Pharisifue dunman klôfue mun, an yakô! Yele ke an wlan dyénvié'n nin asie'n bé lika'n kwlaa ke amunh kunndeh swran kun nan o katyi Juif. Ke an kô nyen'n, amun man o katyi nyrennen lika'n nun lofue tra amun bobo kpe blu.

NYANMIƐN NDƐ'N 1998

¹⁵ Amun mmla klefuɛ mun nin Farizifuɛ mun bɔ amun ti dunman klofuɛ mun, an yako! Yɛlɛ kɛ an wlan jenvie'n nin asiɛ'n be lika'n kwlaa kɛ amun ´kunndɛ sran kun nan ɔ `kaci Zuif. Kɛ an ko nyɛn i'n, amun man ɔ kaci nyrɛnnɛn lika'n nun lɔfuɛ tra amun bɔbɔ kpɛ blu.

Matthieu 23:15 ပူးပေါင်းရင်းမြစ်များ

Matthieu 23:13

Amun mmla kléfue nin Pharisifue dunman klôfue mun, an yakô! Yele ke an ma'an swran'm bé atin ke bé fa bé wun man Nyanmien ke o sié bé. Amun bobo an fa'a amun wun ma'an Nyanmien ke o sié amun, ye bé nga bé waan béh yôh'n, an kpli'an bé su.

Matthieu 3:7

Ke o wuun ke Pharisifue (*f4*) nin Sadducéfue (*f5*) kpanngban bé ba ke o yô bé baptême'n, o usaa bé ke: ?Onda mma mun, wan ye o séé amun ke an wanndi ya b'o wa dyaô'n i bôo?

Matthieu 5:22

Sannge n lie'n, nh nh kanh klé amun ke, swran kwlaa ng'o fe i niaan wun ya [ngben'n], béh feh ko dyole difue'm bé dyasu. Ye swran ng'o kpe i niaan nzôwa'n, béh feh ko dyole difue dandan'm bé dyasu. Swran ng'o sé i niaan ke: Sinnglinfue'n, béh feh ko nyrennen lika'n i sin'n nun lo.

Matthieu 5:29

Se o nyinma fama'n man a sa te'n, tu yi blô mmua. O flunman ke o wunnen'n i lika kun di le, tra ke Nyanmien fo o wunmuan'n ti nyrennen lika'n nun'n.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Sa nga bé yôli'n 13:10

o sé ke: Asie usu'm bé si Satan wa, gble'n nin ndrunmun'n wa kun o kpô! Liké kwlaa ng'o ti kpa'n a klômen. ?A yatyi'a é Min Nyanmien'n i nde nanwle'n i nun atô buale'n?

Sa nga bé yôli'n 13:43

Ke anyiafue'm bé sanndili'n, Juif kpanngban bé nin bé bo bé katyii Juif'n, bé suu Paul nin Barnabas bé su, bé nin bé kôkô yale, ye Paul'm bé wla bé fanngan bé sé bé ke, Nyanmien i kpa b'o yô bé'n ti, bé fa bé wla gue i su.

Sa nga bé yôli'n 14:19

Kpekuun Juif wié bo bé fin Antioche nin Iconium'n bé bali, bé satyi swran'm bé ti nun, nan ba fin Paul yebue. Ke bé bu i ke wa wu'n, bé tyueen kô yi klo'n sin lo.

Sa nga bé yôli'n 14:2

Sannge Juif nga bé kaa le bo ba fa'a bé nde'n su'n, bé satyi é niaan'm bé wun, ye bé wlawlaa bé bo bé ti'a Juif'n ke bé yô bé tete.

Sa nga bé yôli'n 17:13

Sannge ke Thessalonique Juif'm bé tii ke Paul su kan Nyanmien nde Bérée lo'n, bé wa wlawlaa swran mun.

Sa nga bé yôli'n 2:10

Phrygie, Pamphyile, Égypte, Libye i bué ng'o mantan Cyrène lo'n, ye Rome. É wié ti Juif, ye é wié kusu ti swran bo bé katyii Juif.

Sa nga bé yôli'n 6:5

Nde so'n yôô swran'n kwlaa bé fe. Bé kpaa Étienne b'o lafi Jésus su kpa bo Nyanmien Wawe'n siéé'n, nin Philippe, nin Prochore, nin Nicanor, nin Timon, nin Parménas, ye Nicolas b'o fin Antioche b'o katyii Juif'n.

Galasifuɛ Mun 4:17

Minnien so'm bé yô ke bé klô amun sa, sannge bé klun akunndan'n ti'a kpa, bé waan béh yôh so nan amun nin min bu, nan an klô bé, an su bé su.

Galasifuɛ Mun 6:12

Bé nga bé klô ke swran'm bé bu bé swran'n, bé ye bé mian amun ke an wla klen nion. Sa ti bo bé yôé so'n, bé waan béh yôéh so nan ba klé'a bé yale Christ i waka'n ti.

Efɛzfuɛ Mun 2:3

Laa é kwlaa é ti ke bé sa, liké nga klo swran kônvi soe'n, ye é kunndeo, liké kwlaa ng'o yô é fe bo é bu i akunndan'n, ye é yôo. Nzuen so'n bo bé wulii nin yé'n ti, san Nyanmien fah é wun ya ke o fa swran wié'm bé wun ya'n sa.