Matthieu 21:22 - Nyanmien nde Ufle

²² Liké kwlaa nga an kan klé Nyanmien ke o yô bo an lafi i su ke oh yôh'n, oh yôh man amun.

NYANMIƐN NDƐ'N 1998

²² Like kwlaa nga an kan kle Nyanmiɛn kɛ ɔ yo bɔ an lafi i su kɛ ɔ ´yo'n, ɔ ´yo man amun.»

Matthieu 21:22 ပူးပေါင်းရင်းမြစ်များ

Matthieu 18:19

Nh kanh klé amun ékun ke, liké kwlaa nga se amun nun swran nnyon bé bô yô kun asie'n su wa bé sre'n, min Si b'o ô nyanmien su lo'n, oh feh i so liké'n man bé.

Matthieu 7:11

Se amun bo an ti te'n, an fa liké kpa tye amun mma mun'n, wuun amun Si b'o ô nyanmien su lo'n i kusu oh fah liké kpa man bé nga bé sre i'n kpe blu.

Matthieu 7:7

Anh sre, béh fah man amun, anh kunnde, amunh nyenh, anh bôbô, béh tikéh amun anuan.

Marc 11:24

I so'n ti, nh kanh klé amun ke, liké kwlaa nga an sre'n, anh lafi su ke amuan nyen, o wa fa man amun.

Jean 14:13

Liké kwlaa nga an fa n dunman sre'n, nh yôh nan m bo n ti é Si i Wa'n m men i komin su.

Jean 15:7

Se amun nin min yô swran wunmuan bo é tran titi'n, bo an fa min nde'n su'n, liké nga an klôé'n, anh sé Nyanmien, oh fah man amun.

Jean 16:24

Lélé nde, an nian sre'a liké fi n dunman nun. Anh sre, amunh nyenh ye amun klun'n dyoh lélélé

Jacques 5:16

I so'n ti, ke o yô nan amuan yô dyuédyué'n, anh kan sa nga an yôli'n klé amun wiéngu, anh sre Nyanmien man amun wun ke o man amun dyasô. Se swran kpa kun sre liké Nyanmien sa nun b'o dyran su kpa'n, i srele so'n yô sa yé dan.

1 Jean 3:22

Liké kwlaa nga é sree'n, oh fah man é, yele ke é fe i nde'n su, ye é yô sa ng'o dyo i klun'n.