Matthieu 13:38 - Nyanmien nde Ufle

³⁸ Awié fié'n yele men'n, awié'n yele Nyanmien mma mun, ye awié idyré'n yele Klunwifue'n i mma mun.

NYANMIƐN NDƐ'N 1998

³⁸ Awie fie'n yɛlɛ mɛn'n, awie'n yɛlɛ Nyanmiɛn mma mun, yɛ awie ijre'n yɛlɛ Klunwifuɛ'n i mma mun.

Matthieu 13:38 ပူးပေါင်းရင်းမြစ်များ

Matthieu 13:19

Ke bo swran kun ti Nyanmien siéle'n nde'n, b'o wunmen i wle'n, kpekuun Klunwifue'n o wa yô man nde ng'o tili'n o mlin i klun. I sofue'n ye o ti ke atin mma'm b'o awié'n toli nun nion.

Matthieu 24:14

Bé wa kan Nyanmien siéle'n i dyasin fe nga men wunmuan'n nun nan swran'n kwlaa bé ti Nyanmien nde'n. I sin ye men i awiélie'n oh dyuoh.

Matthieu 5:37

Se an sé ke, iyô'n, mon o ka su, ye se an sé ke, tyetye'n, mon a ka su, afin nde nga bé kan gua su'n o fin Klunwifue'n.

Matthieu 8:12

Sannge bé wa fa bé nga bé ti diéwa men so'n nun'n yi bé guasu lo aôsin'n nun, kan béh sunh, béh dih bé dyé lo'n.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

Jean 12:24

Nanwle, se awié mma kun wa to'a asie wun wa satyiman'n, o ke i kunngba, sannge se o satyi'n, oh wloh oh yôh kpanngban.

Jean 8:44

Amun si'n yele mmusu'm bé si Satan'n, ye an klô ke amunh yôh amun si so'n i klun sa. Ke o fin i bôbôle nun'n, o ti swran kunfue, o di'a nanwle mlonmlon, afin o si'a nanwle'n. O bua atô, afin atô'n ti i nzuen, atô'n ti i dyunman, i ye o ti atô buafue'm bé si nion.

Sa nga bé yôli'n 13:10

o sé ke: Asie usu'm bé si Satan wa, gble'n nin ndrunmun'n wa kun o kpô! Liké kwlaa ng'o ti kpa'n a klômen. ?A yatyi'a é Min Nyanmien'n i nde nanwle'n i nun atô buale'n?

Rɔmfuɛ Mun 10:18

N sé ke yiô: ?Ba timan? Bé tilii kpa, afin bé klee ke: «Bé kaan nde lika'n kwlaa, Ye bé tii bé nde'n men wunmuan'n nun.»

Rɔmfuɛ Mun 16:26

sannge sien'n, fluwa nga i nuan idyofue'm bé kleli'n man ya wun i wle wéiin. Anannganman Nyanmien siéli i so nan bé kwlaa nga bé ti'a Juif'n bé lafi i su ye bé nyin yii.

Rɔmfuɛ Mun 8:17

É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

Kolɔsfuɛ Mun 1:6

Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

Jacques 1:18

I nde nanwle'n ti o fa é katyi i wa i klun klô su, nan ya yô liké kwlaa ng'o yii bé'n, bé nun klikli.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 1:23

Nyanmien nde b'o katyimen, b'o ô le titi'n ti, o wuu amun ufle, o man amun si'n ti'a swran b'o wu, o ô le tititi.

1 Jean 3:2

N swran kpa mun, sien'n é ti Nyanmien wa, sannge wafa nga éh katyih dyu'n, é nian wu'en ka, sannge é si ke, ke Christ wa yi i wun nglô'n, éh katyih ke i sa, afin éh wunh ke o fa ti'n.

Sa nglô yile 14:6

N wuun ange kun ékun o tu sin nyanmien blé kpa nun lo, o le dyasin fe kun b'o ti anannganman, b'o wa kan klé swran nga bé ô asie'n su bo bé fin menmen nin nvlénvlé'n kwlaa nun, o nin bé kwlaa nga bé anien'n ti wafawafa'n, nin swran wafawafa'n kwlaa.