Marc 8:34 - Nyanmien nde Ufle

³⁴ I sin o flee swran mun nin i sonnzonfue mun, o sé bé ke: Swran nga i waan o wa su n su'n, mon o klen i wun man min, nan o sue i waka'n o su n su.

NYANMIƐN NDƐ'N 1998

³⁴ I sin ɔ flɛli sran mun nin i sɔnnzɔnfuɛ mun, ɔ seli be kɛ: «Sran nga i waan ɔ wa su n su'n, man ɔ klɛn i wun man min, ɔ suɛ i waka'n nan ɔ su n su.»

Marc 8:34 ပူးပေါင်းရင်းမြစ်များ

Matthieu 10:38

swran ng'o suemen i waka'n, nan o su'a n su'n, o su yô'a n lie.

Matthieu 16:24

Ke o yôô so'n, o sé i sonnzonfue'm bé ke, swran nga i waan oh suh n su'n, mon o klen i wun man min, o sue i waka'n, nan o su n su.

Matthieu 27:32

Ke bé fin lo béh fitéh'n, bé nin Cyrène bian kun bo bé flee Simon'n yiali, nan ba mien ke o sua Jésus waka'n.

Marc 10:21

Jésus niennin o klô i sa, nan wa sé i ke: O te ka o liké kun yôle, ko, kô yô o ninngé'm bé ate, fe i sika'n man yalefue mun, ye ah nyanh ninngé kpakpa nyanmien su lo. Nan bla'a su n su.

Marc 7:14

O flee swran mun ékun, o sé ke: An kwlaa anh tié min nde'n, anh bu i akunndan.

JÉSUS-CHRIST I DYASIN FE'N BO LUC KLELI'N 13:24

Anh mian amun nyin anh sin anuan fii'n nun. Afin anh nian, swran kpanngban bé klô ke béh sinh nun, sannge bé su kwla sinman.

JÉSUS-CHRIST I DYASIN FE'N BO LUC KLELI'N 14:33

I so'n ti, amun nun swran kwlaa nga wa yatyi'e i ninngé'n kwlaa'n, o su kwla yôman n sonnzonfue.

JÉSUS-CHRIST I DYASIN FE'N BO LUC KLELI'N 18:22

Ke Jésus tii i nde so'n, o sé i ke: O te ka o liké kun yôle, yô o bô ninngé'n kwlaa ate, fe i sika'n man yalefue mun, ye a wa nyan ninngé kpakpa nyanmien su lo. Ke a kô yô i so'n, bla'a su n su.

JÉSUS-CHRIST I DYASIN FE'N BO LUC KLELI'N 20:45

Ke swran'n kwlaa bé su ô i nde'n su'n, o sé i sonnzonfue'm bé ke:

JÉSUS-CHRIST I DYASIN FE'N BO LUC KLELI'N 9:23

I sin, o sé bé kwlaa bé ke: Swran nga i waan oh suh n su'n, mon o klen i wun man min, ye o sue i waka'n tyen kwlaa o su n su.

Jean 10:27

M bua'm bé ti n nen, n si bé, ye bé su n su.

Jean 19:17

Jésus sue i waka'n klo'n nun le o fa oo lika bo bé flee Ti Kônglôman'n nun lo, lika so'n hébreu nun bé flee Golgotha.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

Rɔmfuɛ Mun 6:6

É si kpa ke bé bôbôli é wafa nga é ti laa'n nin i waka'n su, o yô so nan é nzuen tete'n o wié, nan nanh man sa tete'n yô é nzuen kun.

Rɔmfuɛ Mun 8:17

É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

1 Korɛntfuɛ Mun 15:31

Aniaan mun, amun bo amun nin min ya katyi swran wunmuan é Min Christ-Jésus ti'n, bo an ba min nyrun nyan'n, nh kenh wéiin klé amun ke tyen kwlakwlakwla n dyin wié'n i nuan.

1 Korɛntfuɛ Mun 8:13

I so'n ti, se nnen ye n kô di n kô satyi n niaan'n, n su di'e kun lé nan man satyi'a n niaan'n.

1 Korɛntfuɛ Mun 9:19

Kannze swran fi sié'a min'n, sannge ke n kô yô nan man nyan swran kpanngban'n ti, man katyi min wun kanga.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Galasifuɛ Mun 5:24

Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

Galasifuɛ Mun 6:14

N lie'n, n su fa'a liké fi di'a n nuan mlonmlon, san é Min Jésus-Christ i waka'n, i waka so'n ti n ti ke swran bo wa wu b'o nin men'n wa bu'n sa, ye men'n kusu ti ke swran bo wa wu b'o nin min a bu'n sa.

Filipfuɛ Mun 3:10

Min akunndan kpa'n yele ke, man n si Christ nin i kwlale b'o man o tyennin'n, nan nyrennen ng'o wunniin'n nh wunh wié lélé se n wu'n, man n yô ke i sa,

Filipfuɛ Mun 3:7

Sannge liké kwlaa nga laa m bu i ke o ti n liké kpa'n, sien'n Christ ti, m bu'e like fi kun.

Kolɔsfuɛ Mun 1:24

Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

2 Tɛsalonikfuɛ Mun 3:11

Sa ti bo é sé so'n yele ke é tii ke amun nun wié'm bé ti nveefue, bé yô'a liké fi, san nde ng'o ti'a bé nde'n ye bé kaan.

Tite 2:12

Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

Hébreu 13:13

I so'n ti, man é fité é o i wun klo tiwa lo nan bé gua é nin i é nyin asé.

1 Piɛr 4:1

Ke Christ wuun nyrennen'n ti, amun kusu anh bu akunndan kunngba ng'o buli'n, anh tra amun awlen.

1 Piɛr 4:13

Sannge ke an wun nyrennen kunngba nga Christ wunniin'n wié'n, man amun klun dyo, nan tyen nga béh yih i swran wafa ng'o ti'n i nglô'n, amun klun a dyo kpa.

2 Piɛr 1:14

Afin n si ke o tye kaan nh wuh, ke é Min Jésus-Christ kan kléé n soo.

1 Jean 3:16

Anh nian sa nga b'o man é si liké nga bé flee swran klôle'n, yele ke é ti, Christ fe i wun mannin. É kusu é niaan'm bé ti, man é fa é wun man.

Sa nglô yile 2:10

Nanh sre kun amun nyrennen nga an wa wuin'n ti. Anh nian, mmusu'm bé si Satan'n o wa wla amun nun wié'm bé bisua, oh sah amun nian. Amunh wunh nyrennen lé blu. Se kunle bobo ye béh kunh amun'n, anh tra amun awlen, ye liké nga nh fah yô amun mô'n yele nguan'n.