Marc 13:33 - Nyanmien nde Ufle

³³ Anh fa sié amun klun kpa, anh tran minnde, afin an si'a tyen nga sa so'm bé yô'n.

NYANMIƐN NDƐ'N 1998

³³ An `fa sie amun klun kpa, an `tran minndɛ, afin an si-man cɛn nga sa sɔ'm be ´yo'n.

Marc 13:33 ပူးပေါင်းရင်းမြစ်များ

Matthieu 25:13

Ye Jésus sé bé ke: I so'n ti, anh tran minnde, afin an si'a tyen'n nin do'n.

Marc 13:23

Sannge amun lie'n anh sasa amun wun sa so'm bé lika. Man dun mmua bô i kwlaa su a klé amun.

JÉSUS-CHRIST I DYASIN FE'N BO LUC KLELI'N 12:40

Amun kusu, anh buabua amun wun sié, afin m bo n katyii Swran'n mh bah do nga an bu'a min akunndan'n su.

Rɔmfuɛ Mun 13:14

Anh fa é Min Jésus-Christ yô ke amun nyren sa. Nanh an bu liké nga klo swran i kônvi soe'n i akunndan ke amunh yôh.

1 Korɛntfuɛ Mun 16:13

Anh nian amun wun kpa, anh lafi Christ su anh dyran kéklé, anh yô man bé wun ke an ti yasua bo amun awlen so.

Efɛzfuɛ Mun 6:18

Ke an kô yô i kwlaa so'n, anh sre Nyanmien ke o dyran amun sin. Sa'n kwlaa nun amun nin Nyanmien kôkô yale i Wawe'n i fanngan nun tititi. Anh nien i so'n su yôé titi, nanh an kponzo. Anh sre Nyanmien ke o nien i swran'n kwlaa bé su.

Kolɔsfuɛ Mun 4:2

Anh kôkô yale klé Nyanmien titi, anh fa amun wla'n kwlaa gua su yô, anh le i asé.

Hébreu 12:15

Anh nian amun wun kpa, nanh man yé nga Nyanmien yô swran'n o tô fuan swran fi nan klunwi'n i ôlui'n wa fefeman, wa satyi'a amun nan wa sa'a swran kpanngban'n ti.

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

1 Piɛr 5:8

Anh sasa amun wun, anh niannian! Afin mmusu'm bé si Satan b'o ti amun kpofue'n, o ti ke dyra b'o wlanwlan, o kpan kunnde nnen'n sa.

Sa nglô yile 16:15

—Nian, mh bah ke awiéfue sa! Swran ng'o tran minnde, b'o nien i trale'm bé su, b'o man o su fe'e i wun kplen sinman'n, b'o man o su wu'an nyannzuen'n, i lie su ti yé! —

Sa nglô yile 3:2

Anh tinngé, nan anh wla bé nga bé ka le bo bé su wa wu'n bé fanngan. Afin n wun ke sa nga an yô'n, min Nyanmien i nyrun an nian guegue i wié fi bô.