JÉSUS-CHRIST I DYASIN FE'N BO LUC KLELI'N 9:19 - Nyanmien nde Ufle

¹⁹ Ye bé sé ke: Swran wié'm bé waan, Jean baptême yôfue'n yele wo, wié kusu waan, Élie yele wo, wié'm bé kusu bé waan, Nyanmien nuan idyofue laa'm bé nun kun ye wa tyeon.

NYANMIƐN NDƐ'N 1998

¹⁹ Yɛ be seli kɛ: «Sran wie'm be waan Zan batɛm yofuɛ'n yɛlɛ wɔ, wie kusu wan Eli yɛlɛ wɔ, wie'm be kusu be waan Nyanmiɛn nuan ijɔfuɛ laa'm be nun kun yɛ ɔ'a cɛn-ɔn.»

JÉSUS-CHRIST I DYASIN FE'N BO LUC KLELI'N 9:19 ပူးပေါင်းရင်းမြစ်များ

Matthieu 14:2

ye o sé i minnien'm bé ke: Jean baptême yôfue'n ye wa tyeon, i so'n ti ye man o kwla yô sa kéklééklé muon.

Matthieu 3:1

Ble so'n nun Jean baptême yôfue'n bali, o kan Nyanmien, nde blô lo Judée lo.

Marc 6:14

Famien Hérode tii nde so'n, afin Jésus dunman'n wa fu dan kpa. Bé waan: Jean baptême yôfue'n b'o wuli'n ye wa tyeon, i so'n ti ye o kwla yi atre nion.

Marc 6:15

Ye wié'm bé waan: Élio, ye wié'm bé kusu bé waan: O ti Nyanmien nuan idyofue kun ke laa Nyanmien nuan idyofue mun sa.

JÉSUS-CHRIST I DYASIN FE'N BO LUC KLELI'N 9:18

Lé kun ke Jésus nin i sonnzonfue'm bé ngunmin bé ô le b'oh kôkôh yale klé Nyanmien'n, o usa bé ke: ?Swran'm bé waan, wan yele min?

JÉSUS-CHRIST I DYASIN FE'N BO LUC KLELI'N 9:20

Ye o usa bé ke: ?Amun kusu, amun waan, wan yele min? Pierre séé i ke: A ti Nyanmien i Christ. (*f1*)

Jean 1:21

Ye bé use i ékun ke: ?Wuun, wan yele o? ?Élie yele o? O sé bé ke, nenh i yele i. ?Nyanmien nuan idyofue'n yele o? O sé bé ke: Tyetye.

Jean 1:25

bé usaa Jean ke: ?Se a ti'a Christ nin Élie nin Nyanmien nuan idyofue'n, nzu ti ye a yô swran'm bé baptême nion?

Jean 7:40

Ke swran so'm bé nun wié'm bé tii nde so'n, bé sé ke: Bian nga ye o ti Nyanmien nuan idyofue sakpa nion.

Jean 9:17

Pharisi fue'm bé usa anyansifue'n ékun ke: ?Ke o tikéé o nyin'n, o bobo a bu i se? O sé ke: O ti Nyanmien nuan idyofue,