JÉSUS-CHRIST I DYASIN FE'N BO LUC KLELI'N 8:8 - Nyanmien nde Ufle

⁸ Ye wié kusu ékun guaa asie kpafue'n su, ke o fifili b'o nyinnin'n, o wlo kpanngban b'o dyu ng'o guali'n i so kpe ya. Ke i nuan toli'n, o kpan sé ke: Swran ng'o si fa sié'n, mon o fa sié!

NYANMIƐN NDƐ'N 1998

⁸ Yɛ wie kusu ekun guali asiɛ kpafuɛ'n su, kɛ ɔ fifili b'ɔ nyinnin'n, ɔ wlɔli kpanngban, ɔ ju ng'ɔ guali'n i sɔ kpɛ ya.» Kɛ i nuan tɔli'n, ɔ kpan seli kɛ: «Sran ng'ɔ si ´fa sie'n, man ɔ fa sie!»

JÉSUS-CHRIST I DYASIN FE'N BO LUC KLELI'N 8:8 ပူးပေါင်းရင်းမြစ်များ

Matthieu 11:15

Swran ng'o si fa sié'n, mon o fa sié.

Matthieu 13:23

Asie kpa nga kusu bo awié'n toli su'n, yele swran ng'o ti Nyanmien nde'n b'o wun i wle'n. O ti ke awié b'o yô yé'n sa, tré kun wlo ya, kun wlo ablésien, ye kun ékun wlo ablasan.

Marc 4:20

Asie kpa nga kusu bo awié'n wié too su'n yele bé nga ke bé ti Nyanmien nde'n, bé fa su, bé wlo, kun wlo ablasan, kun ékun ablésien, ye kun ékun ya'n.

Marc 4:23

Swran ng'o si fa sié'n, mon o fa sié.

Marc 4:8

Wié'm bé kusu bé too asie kpa su, ke bé fifili'n, bé wlali nnya, bé wloli, tré kun wloo ablasan, kun ékun ablésien, ye kun kusu ya.

Marc 7:16

[Swran ng'o si fa sié'n, mon o fa sié.]

JÉSUS-CHRIST I DYASIN FE'N BO LUC KLELI'N 14:35

Se bé gue i asie wun ô, nnen waka su nun ô, bé kwla fa yô'a liké fi, blô ye bé gue io. Man swran ng'o si fa sié'n, fa sié!

JÉSUS-CHRIST I DYASIN FE'N BO LUC KLELI'N 8:15

Nga kusu b'o gua asie kpafue'n su'n, yele bé nga bé sié bé su Nyanmien nde'n su bé ti, bé wun i wle, bé fa su kpa'n. Bé ye bé ti awié b'o yôô kpa nion.

JÉSUS-CHRIST I DYASIN FE'N BO LUC KLELI'N 8:7

Wié ékun too nduin mma'n nun, o nin nduin'n bé fifili, nduin'n trelii.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Kolɔsfuɛ Mun 1:10

I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

Sa nglô yile 13:9

Swran ng'o si fa sié'n, mon o fa sié!

Sa nglô yile 2:11

Swran ng'o si fa sié'n, mon o tié nde nga Nyanmien Wawe'n kan klé asonun mun'n! Swran ng'o kwla'n, o su wu'a kpe nnyon wié.

Sa nglô yile 2:7

Swran ng'o si fa sié'n, mon o tié nde nga Nyanmien Wawe'n kan klé asonun mun'n. Swran ng'o kwla'n, m man oh dih waka b'o man nguan b'o ô Nyanmien fié'n su lo'n i mma.

Sa nglô yile 3:13

Swran ng'o si fa sié'n, mon o tié nde nga Nyanmien Wawe'n kan klé asonun mun'n!

Sa nglô yile 3:6

Swran ng'o si fa sié'n, mon o tié nde nga Nyanmien Wawe'n kan klé asonun mun'n!