JÉSUS-CHRIST I DYASIN FE'N BO LUC KLELI'N 6:28 - Nyanmien nde Ufle

²⁸ Bé nga bé wua amun amuen'n, anh yra amun nuan man bé, ye bé nga bé yô amun tete'n, anh sre Nyanmien ke o yô kpa man bé.

NYANMIƐN NDƐ'N 1998

²⁸ Be nga be wua amun amuɛn'n, an `yra amún nuan man be, yɛ be nga be yo amun tɛtɛ'n, an `srɛ Nyanmiɛn kɛ ɔ yo be kpa.

JÉSUS-CHRIST I DYASIN FE'N BO LUC KLELI'N 6:28 ပူးပေါင်းရင်းမြစ်များ

Matthieu 5:44

Sannge n lie'n, nh kanh klé amun ke, anh klô amun kpofue mun, ye [bé nga bé wua amun amuen'n, anh yra bé nguan. Bé nga bé kpo amun'n, anh yô bé kpa,] ye [bé nga bé yô amun tete] bo bé klé amun yale'n, anh sre Nyanmien ke o nian bé su.

JÉSUS-CHRIST I DYASIN FE'N BO LUC KLELI'N 23:34

Ye Jésus séé ke: N Si, yatyi bé wun sa'n tye bé, afin sa nga bé yôé le'n, bé wu'en i wle. Bé tuu i trale'm bé wun foto, bé fali.

JÉSUS-CHRIST I DYASIN FE'N BO LUC KLELI'N 6:27

Sannge nh kanh klé amun bo an tié min nde'n ke, bé nga bé nin amun kun'n, anh klô bé, bé nga bé kpo amun'n, anh yô bé kpa.

JÉSUS-CHRIST I DYASIN FE'N BO LUC KLELI'N 6:35

Sannge anh klô amun kpofue mun, anh yô bé yé, anh bô swran bôsia, nanh an fa amun nyin sié su ke bé yi man amun. Se an yô so'n, béh yôh amun mô dan, ye amunh katyih Nyanmien Kpli bo liké fi nu'en i sin'n, i wa, afin o yô bé nga bé si'a yé'n, o nin klunwifue'm bé yé.

Sa nga bé yôli'n 14:5

Ke bé bo bé ti'a Juif'n, bé nin Juif nin bé sukpen'm bé trili ke béh yôh bé te, béh finh bé yebue'n,

Sa nga bé yôli'n 7:60

Kpekuun o kôtôli, nan wa kpan kéklé kpa ke: Nannan, sa nga bé yô min ye'n, nanh fa sié o klun. Ke i nuan too tye'n, ye o kaa nuon. Saul sa ô Étienne kunle'n nun wié.

Rɔmfuɛ Mun 12:14

Bé nga bé klé amun yale'n, anh yra amun nuan ke Nyanmien nian bé su. Nanh an wua bé amuen, sannge anh sé Nyanmien ke o nian bé su.

1 Korɛntfuɛ Mun 4:12

é wun ti kplen, bé bô é, é ti lalasinfue, é di dyunman é fa kpa nan ya nyan é nuan nun alie. Bé kpe é nzôwa, é yi ma'an bé, é bô bé môaé. Bé klé é yale, o son é nun.

Jacques 3:10

Nyanmien manmanle'n nin amuennwua'n fin nuan kunngba so'n nun. N niaan mun, nanh mon o yô so.

1 Piɛr 3:9

Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke: