JÉSUS-CHRIST I DYASIN FE'N BO LUC KLELI'N 5:30 - Nyanmien nde Ufle

³⁰ Pharisifue'm (*f4*) bé nin bé mmla kléfue'm bé idyo bé kônviabô, bé use i sonnzonfue'm bé ke: ?Nzu ti ye amun nin guabô sika défue nin sa tete yôfue mun non nzan, amun nin bé di likéo?

NYANMIƐN NDƐ'N 1998

³⁰ Farizifuɛ'm be nin be mmla klefuɛ'm be ijɔli be konviabo, be usɛli i sɔnnzɔnfuɛ'm be kɛ: «?Nguɛ ti yɛ amun nin gua bo sika defuɛ nin sa tɛtɛ yofuɛ mun be nɔn nzan, be di like-ɔ?»

JÉSUS-CHRIST I DYASIN FE'N BO LUC KLELI'N 5:30 ပူးပေါင်းရင်းမြစ်များ

Matthieu 5:46

?Afin se an klô amun klôfue'm bé ngunmin'n, nzu liké ye amunh nyenh io? ?Guabô sika défue mun bobo bé klô'a bé klôfue mun?

Matthieu 9:11

Ke Pharisifue'm (*f4*) bé wuun i so'n, bé usee i sonnzonfue'm bé ke: ?Nzu ti ye amun si nin guabô sika défue nin sa tete yôfue mun di likéo?

Marc 2:16

Ke mmla kléfue bo bé ti Pharisifue'n (*f4*) bé wuun ke o nin guabô sika défue nin sa tete yôfue'm bé su di liké'n, bé sé i sonnzonfue'm bé ke: ?Nzu ti ye o nin guabô sika défue nin sa tete yôfue mun di likéo?

Marc 7:3

Yele ke Juif mun bo bé ti Pharisifue'n bé nin Juif nga mun kwlaa, se ba wunnzi'an bé sa nun kpa'n, bé di'a liké, afin bé fa lalafue kpenngben'm bé nzuen'n su.

Marc 9:16

Ye o use i sonnzonfue'm bé ke: ?Nzu nde ye amun nin bé kaan?

JÉSUS-CHRIST I DYASIN FE'N BO LUC KLELI'N 18:11

Pharisifue'n dyran nglô o kan ke i bobo ti'n klé Nyanmien, o sé ke: Nyanmien Kpli, kwla ô, afin n lie'n, n ti'a ke swran nga'm bé sa, bo bé dé swran liké wué kéklé su, bé di'a nanwle, bé kunnde bla bé yi bô nin bian bé wun bô'n bé lie'n sa, ye n ti'a ke guabô sika défue ng'o dyin ye'n sa.

JÉSUS-CHRIST I DYASIN FE'N BO LUC KLELI'N 19:7

Ke swran'm bé wunnin i so'n, bé kwlaa bé ken i nde, bé sé ke: Wa kô siké bian sa tete yôfue'n.

JÉSUS-CHRIST I DYASIN FE'N BO LUC KLELI'N 5:17

Lé kun bo Jésus kléh liké'n, Pharisifue (*f4*) nin mmla i sifue dandan bo bé fin Galilée nin Judée bé klo'n kwlaa su'n nin Jérusalem'n, bé gua le, é min Nyanmien Kpli dyin i sin, o man o yô tukpatyefue'm bé dyuédyué.

JÉSUS-CHRIST I DYASIN FE'N BO LUC KLELI'N 5:21

Mmla kléfue nin Pharisifue'm (*f4*) bé bu i akunndan bé sé ke: ?Wan ye o satyi Nyanmien dunman soo? ?Se nanh Nyanmien kunngba tye'n, wan ye o kwla yatyi swran wun sa tye io?

JÉSUS-CHRIST I DYASIN FE'N BO LUC KLELI'N 7:34

M bo n katyii Swran'n n kusu m bali, n di liké, n non nzan, amun waan n ti alie safue, nin du vin nonfue, ye n ti guabô sika défue nin sa tete yôfue'm bé dyanvue.

JÉSUS-CHRIST I DYASIN FE'N BO LUC KLELI'N 7:39

Ke Pharisifue b'o yiaa Jésus'n wunnin sa so'n, o sé i klun lo ke: Se bian nga ti Nyanmien nuan idyofue sakpa'n, oh sih bla ng'o ken i ye'n, ye oh wunh i swran wafa ng'o ti'n, oh sih ke sa tete yôfueo.

Sa nga bé yôli'n 23:9

O yôô ndengan dan kpa, ye Pharisifue'm bé nun mmla kléfue'm bé dyaôli, bé dyraan nun kéklé kpa, bé sé ke: Bian nga, é wu'an sa fi i wun. Wiénuon liké wié annnze ange wié a kan nde wié a kléé.