JÉSUS-CHRIST I DYASIN FE'N BO LUC KLELI'N 5:23 - Nyanmien nde Ufle

²³ ?Ke n sé ke ba yatyi o wun sa a tye wo'n, annze n sé ke, dyaô nanti'n, i nnyon'n, ônin ye i kanle ti popo tra kuon?

NYANMIƐN NDƐ'N 1998

²³ ?Kɛ n se kɛ b'a yaci ɔ́ wun sa'n a cɛ wɔ'n, annzɛ kɛ n se kɛ jao nanti'n, i nnyɔn'n, onin yɛ i kanlɛ ti pɔpɔ tra kun-ɔn?

JÉSUS-CHRIST I DYASIN FE'N BO LUC KLELI'N 5:23 ပူးပေါင်းရင်းမြစ်များ

Matthieu 9:2

Bé sua bubuwafue kun te nun blelii. Ke Jésus wuun ke bé lafi i su'n, o séé bubuwafue'n ke: N wa, guo o wla asé, sa nga a yôli Nyanmien'n wa yatyi a tye o.

Matthieu 9:5

?Ke bé sé ke, Nyanmien a yatyi sa nga a yôlii'n wa tye o'n, annze, dyaô nanti ko'n, i nnyon'n ônin ye i kanle ti popo tra kuon?

Marc 2:9

?Ke n sé bubuwafue'n ke, ba yatyi o wun sa a tye wo'n, annze, dyaô fo o te'n nanti ko'n, ônin ye i kanle ti popo tra kuon?

JÉSUS-CHRIST I DYASIN FE'N BO LUC KLELI'N 5:22

Jésus wuun bé akunndan'n, o so su sé bé ke: ?Nzu ti ye an bu akunndan ke nga saa?

JÉSUS-CHRIST I DYASIN FE'N BO LUC KLELI'N 5:24

Sannge ke o yô nan amuan si ke bé maan m bo n katyii Swran'n min atin ke n yatyi sa nga bé yô Nyanmien'n tye bé asie'n su wa'n… O séé bubuwafue'n ke: N wa, dyaô fo o te'n ko wo awlô.

JÉSUS-CHRIST I DYASIN FE'N BO LUC KLELI'N 7:48

Ye o sé bla'n ke: Nyanmien a yatyi o wun sa a tye o.