JÉSUS-CHRIST I DYASIN FE'N BO LUC KLELI'N 4:25 - Nyanmien nde Ufle

²⁵ Nde nanwle kpa ye m ma kan klé amun leo. Élie ble su angbôti mmla'm bé sonnin Israël men'n nun, ble so'n nun nzué'n dyrannin afue nsan anglô nsien, awé kpeen dan kpa men wunmuan so'n nun.

NYANMIƐN NDƐ'N 1998

²⁵ Ndɛ nanwlɛ kpa yɛ m ma kan kle amun lɛ-ɔ: Eli blɛ su'n, angboti mmla'm be sɔnnin Izraɛl mɛn'n nun, blɛ sɔ'n nun'n, nzue'n jrannin afuɛ nsan anglo nsiɛn, yɛ awe kpɛnnin dan kpa mɛn wunmuan sɔ'n nun.

JÉSUS-CHRIST I DYASIN FE'N BO LUC KLELI'N 4:25 ပူးပေါင်းရင်းမြစ်များ

Matthieu 20:15

?N le'a atin ke n fa liké ng'o ti n lie'n yô o yaa? Ye Jésus sé ke:

JÉSUS-CHRIST I DYASIN FE'N BO LUC KLELI'N 10:21

I ôsu kunngba'n nun Nyanmien Wawe'n man Jésus klun dyoli dan kpa, nan wa sé ke: N Si, wo bo a sié liké'n kwlaa nyanmien su lo nin asie'n su wa'n, kwla ô, yele ke a fa ninngé nga mun fiaa ngwlelefue nin bé bo bé si sa'n bé wun, sannge a yi bé nglô kléé bé bo bé ti ke ba kanngan mun sa'n. N Si, kwla ô, o klun sa nga a yôli'n ti.

Rɔmfuɛ Mun 9:15

Afin o séé Moïse ke: «Swran nga n klô ke nh wunh i aunnvue'n, nh wunh i aunnvue, ye swran nga n klô ke nh sih i aunnvue'n, nh sih i aunnvue.»

Rɔmfuɛ Mun 9:20

?O bo a usa so'n, a ti o lie se bo a yiyi Nyanmien nuan nuon? «?Liké nga bé fa ufa wu'n, o kwla use i ufue'n ke: O yô se ti ye a wuu n soo?»

Efɛzfuɛ Mun 1:11

Liké kwlaa nga Nyanmien klô ke oh yôh'n, o yô, o man ke é nin Christ é katyii swran wunmuan'n o fa é katyi i lie, afin i bobo ye o siéé i soo.

Efɛzfuɛ Mun 1:9

o man é si i klun sa b'o fiee swran'm bé nyrun'n o nin sa klaan nga i waan Christ yô man yé'n.

Jacques 5:17

Élie ti swran ke é sa. O sree Nyanmien dyran su kpa ke, nanh man nzué'n to, ye nzué'n dyraan lélé afue nsan anglô nsien.

Sa nglô yile 11:6

Ble nga béh kanh nde'n, bé kwla tannin nyanmien su lo'n ke nanh man nzué'n to. Bé kwla katyi nzué'm bé mmôdya. Ble kwlaa nga bé klô ke béh fah sa wafawafa'n kwlaa yi asie'n sufue'm bé su'n, bé kwle i yô.